Tuesday, September 4, 2007

سينما السبعينات ...مية نار شوهت وجه الثوره


ليتهم قالوا لا سياسة فى السينما ولا سينما فى السياسه
هكذا تبدأ جيهان حسين مقالها الذى من المفترض انه فنى فى عدد جريدة الاسبوع السابق
الثوره المجيده فى (ردقلبى)اكبر عمل اجتماعى وعسكرى عرفته البلاد لكنها فى الكرنك اتت بالوبال والخراب والعذاب



تنسى كاتبة المقال ان فيلم رد قلبى الذى تتحدث عنه اصبح مثار سخريه من الجميع لما فيه من المبالغات لاسيما عودة النطق لوالد على -الريس عبدالواحد -ليهتف مع جماهير الثوره وهى الصوره التى اعادت الينا مشهد شلت يدى انها سليمه






ونسيت كاتبة المقال ايضا ان مؤلف الفيلم هو يوسف السباعى احد رجال الجيش والمقرب من الضباط الاحرار كذلك مخرج العمل عز الدين ذوالفقار وهو احد زملاء جمال عبد الناصر والضباط الاحرار فى الكلية الحربيه اى ان الفيلم كان ضباط احرار من بابه




السينما هى تلك الاداه التى تستخدمها اعظم الدول لتضليل شعوبها



تعرض الكاتبه موقف الضبط الاحرار المستاء من روايه نجيب محفوظ الفلسفيه (ثرثره فوق النيل)وكيف ضايقت الروايه كل من المشير عامر وشمس بدران وصلاح نصر الا ان جمال عبدالناصر تدخل وطالبهم بعدم اتخاذ اى اجراء سلبى تجاه الروايه وكان البلد فى هذه الفتره الحرجه كان همها الاول ومشكلتها العظمى رواية محفوظ او ان نشر روايه او حجبها من اختصاصات مجلس قيادة الثوره



تصف الكاتبه افلام الكرنك ووراء الشمس واحنا بتوع الاتوبيس بمذابح الثوره الا انها نسيت رائعة احمد زكى البرىء لا اعرف هل هو نسيان مقصود ام ضعف ثقافه وتسمى هذه الافلام بمذابح الثوره وتنسى هى مذابح الثوره الحقيقيه

لوكان عبد الناصر رمزا للبطش حقا لنصب المشانق لصناع هذه الافلام
ياسلام




تحاول الكاتبه ايضا فى نهاية المقال ان تتدارك الموقف بحديثها عن الحاجه لافلام حياديه ولكنها تتذكر عدم وجود قامات فنيه وتمثيليه لتقوم بتلك المهمه

21 comments:

ta5areef said...

nobody is perfect

أبوسويلم said...

يا سيدى والله اهوا بيقولوا اى كلام ويسموهم نقاد فنيين
سينما ايه وكلام فارغ ايه
رد قلبى وكلام فارغ
ويقولك سينما لسبعينات
انا اعتقد ان سينما السبعينت كان لها توجه نضالى من نوع اخر
الشباب كله بيلمسه فى افلام اوربت واخواتها
ويقولك سينما الثورة
هى فعلا ثورة من نوع متميز
هههههههههههههه
سلام يا برنس

خيرالدين said...

تخاريف دكتور

تصدق انك

ولا بلاش
يا اخى نفسى اشوف لك تعليق ظريف
خفيف
لطيف
اعتقنا بقى


أبو سويلم
ما اعظمه من نضال يا ابوسويلم
نضال ينتظره الملايين امام الشاشات
ليرى التصنيف
والافلام دى كانت
هااااااااادفه

منورنى يا حاج
فيلم الارض كان على ميلودى امبارح

بتاع العسل said...

المهم
كل الكلام ده كان زمان

الوقتى
كركر -قصة الحى الشعبى-مرجان

والكلام الفاضى الى انتا عارفه ده
بس خلى بالك الصورة
dvd
ههههه
سلام

قطوف said...

محدش ليه دعوة بافلام السبعينات دى هادفه انا بحبها جدا كانت لها قضيه وانا مع تلك القضيه مش انا لو حدى كل الشباب
نقاد ايه ورد قلبى ايه
انا معاك افلام السبعينات اتكلمت عن الموضوع فى الوقت المناسب انا كنت بعانى موضوع ده رد قلبى ايه وعبد الناصر ايه

حسام مراد said...

هيه مس كانت مذابح لان كان فيه فعلا كده
ومش عارف برده ازاى نست البرئ ده البرئ واحنا بتوع الاتوبيس من اهم محطات مذابح الثوره اللى بتحكى عليها
تحياتى ليك ع البوست
سلاماااااااااااااااات

لو كنت أعلم said...

نحن بحاجة الآن لمن يمزج الفن بالسياسة

في خلطة تليق بمشاهد مثقف

لا بميكانيكي سيارات

تحياتي

البوست فكرته حلوة

مواطن زهقان said...

والله هوة الايام دى فن
اصلا
مفيش اساسا وجه مقارنة

Lion king said...

kol 2am we antom b7'er
rmdan karem

ما علينا said...

وقال يعني الثورة
كانت فيرجينيا جميلة الجميلات

خلاص الكرنك هو اللي اساء للثورة
وكان الثورة كانت ناقصة حد يظهر مساوئها
ولا يعني الناس مش عارفة

هو احنا متحملين المطيباتية بتوع ثورة دلوقت

لما كمان يطلع لنا مريدي 53
وبعدين تلاقيها بقى
زيها زي عيلة رد قلبي
من عيلة الضباط الاحرار

وبعدين ايه البرئ دا
هي هاتعرف بيه ليه اصلا
بتاع احمد سبع الليل

تيجي تشوف الشباب كله بيهتف
ويناضل من اجل افلام السبعينات وابداعتها

فعلا هادفة هادفة
خاصة اللي كانو بيتعبوا فيها
ويتشحططوا ويروحوا يصوروا في لبنان

حسبي الله ونعم الوكيل
انا من كتر ما انا منقوطة
هانفجر

R.O.U.R.O.U. said...

ya3ni hiya ba2et fi 7aga 3edla 2wy

maioya said...

بيني وبينك انا عمري
ماصدقت اي فيلم بيعرض
لفتره تاريخيه
عشان بحس انه تزوير وبيضحكوا علينا بيه
حتي لو فيه جزء من الحقيقه :)

خيرالدين said...

بتاع العسل
لازم
ههههههه دى

سى السيد
افلام السبعينات دى ياما فرحت شباب

حسام مراد
شكرا على التحيه
وانا مش عارف دى ناقده ازاى اساسا

خيرالدين said...

لو كنت اعلم
المشكله ان افلام الميكانيكيه هى اللى بتنجح
ولو لقيت فيلم تانى كويس مش هيفضل فى السينما اكتر من اسبوع

موطن زهقان
لا طبعا فيه ف وراقى جدا
مش كل حاجه فى ايام زمان حلوه

lion king
وانت بخير

rouro
شكرا لزيارتك

خيرالدين said...

ماعلينا
زعلان منك
بقيتى بتتأخرى
وبتختصرى
انت زعلانه مننا ولا ايه

لا فعلا فى ناس مش عارفه ومصدقه ان اللى كانوا بيتعذبوا دول اعداء الثوره
اما بالنسبه لافلام سبعينات لبنان
الناس دى كانت بتتعب بجد
بس يعملوا ايه بقى
الفن رساله
وتستاهل التعب


may
الاستاذه بنفسها بتعلق عندى

فعلا سواء الافلام التاريخيه او الكتب والدرسات التاريخيه
معظمها بيبقى فيه مغالطات مقصوده لتشويه رمز معين او قلب حقائق
بالضبط زى ما حرب اكتوبر اختصروها فى الضربه الجويه
ضربه تشيلهم

دكتور كسلان said...

هي مش عاجبها افلام السبعينات
كده احمد رزق واحمد عيد يزعلوا منها

وبعدين مش تراعى مشاعر ابو فتحى
والشاعر الفنان وجدى العربى
ليا مين غيرك يا بلدى ليا مين


وبعدين الافلام دى بتثقف الشباب
وكل يوم واحد بينضم لشباب المثقفين

هتخلى الريس برايز يزعل مننا

خيرالدين said...

دكتور كسلان
لا وانا زعل برايز يرضينى برضه؟؟؟

عموما سيبهم يا دكتور اهم عاملين جو

ما علينا said...

زعلان مني
يا خبر مش فايت

لا اتاخر ايه

وانا ازعل منكم
انت اكيد بتهزر
ولو مش بتهزر تبقى بتهزر
ايه دا مش بتهزر

تبقى اكيد اكيد بتهرج

لانك لازم تكون متأكد اني مستحيل ازعل منك
طيب اصلا هازعل منك ليه

عارف انا هاقفل المدونة بتاعتي
وابطل ادخل بقى اي مدونة تانية
وارابط هنا

ما انا اصلي ما اقدرش على زعل ولاد النهاردة

وانت عارف كدا كويس

وبعدين الاختصار
علشان انتم مش بتحبوا الرغي
واللت والعجن

باحب اخفف عليكم

والبوست دا بالذات والله
كتبت عليه التعليق اد كدا
بس النت فصل وانا في اخره
وغاب فترة
طويلة على ما جيه

مش نافع الكلام دا
طيب وبعدين
نحلها ازاي المشكلة دي

زعلان
دا موضوع جامد على بجد
انا مش بحب اي حد يزعل مني
فما بالك بقى باصحابي واخواتي

اطلب الترضية اللي تشوفها
وانا منتظرة
واللي تقوله انا هانفذه

الا هنا
هنا زي ما انت عارف كانت بدايتي
ودا مكاني الاساسي
برغم اني ماكنتش مدونة فيه
لكن كنت بحس اني لي فيه مكان

انا مش هاعلق عند اي حد الى ان
تعفو عني

والا سانتقل الى هنا
واتفرغ لتعليقاتي هنا فقط

خيرالدين said...

ماعلينا
انا مفكر ان انا زعلتك فى حاجه
بس دى كل الحكايه
لان تعليقاتك بقت مختصره
فطالما وضحتى الموضوع
عفونا عنك
علقى بقى زى ما انت عاوزه
ومش عاوز اكون اكون سبب فى حرمان الاخوه المدونين من تعليقاتك الجميله
ياجميله
خلاص خلاص

بتاع العسل said...

??

kafrawy said...

من انور وجدى





ل..محمد سعد



ياقلبى لا تحزن



كلة عند العرب صابون