Thursday, August 30, 2007

هنعمل ايه


كنا هنعمل ايه من غيرك

ده احنا شبعنا سنين من خيرك



اسف يا جماعه على ان البيتين قصيرين لكن الموقف العصيب قيد لسانى ومقدرتش اكتب غير دول والله وما لكم عليا حلفان اول مره الشعر ينفجر كده على لسانى


مستغرب من الشعب اللى الجرأه خلته يطلع اشاعه زى دى


طيب ولو حصل


هنعمل ايه فى المدارس اللى باسمه

والصور اللى فى الشارع دى

والمكتبات
والجناين
ومحطات المترو

ده حتى بلدنا ممكن يجى لها برد لو اتكتبت لوحدها

؟؟؟؟؟؟؟؟؟

عيب

ده البركه بتاعتنا

35 comments:

أبوسويلم said...

عيبكم ايها المصريون انكم تؤمنون باشياء غريبة
على رأى اللى قال
هو فيه رئيس بيموت
انا شايف انها هتنتقل بسلاسة الى ابنه يعنى اضافة بسيطة مش تغيير ولا حاجة
اول تعليق خللى بالك
سلام

خيرالدين said...

أبو سويلم

زياره وكمان اول تعليق

اشرقت الانوار

هى تتنقل بسلاسه والشعب هيتنقل فى سلاسل

Abeer said...

انا كنت خلاص صدقت واعدت ارسم السيناريو
موت اكلينيكي .. بمؤامرة من الام والابن
ياااااااااا
وفقت لما شفته في التليفزيون
ربنا يرحمنا

malak said...

بلدنا بلد الاشاعات واكتر ناس نصدق الاشاعات يمكن صدقوا لانهم ............؟

ktr7ercom said...

كنا هنعمل ايه من غيرك
ده احنا شبعنا سنين من خيرك

ايه العبقرية دي !!!!!!!!!

تحياتنا لك


______________________

فعلا الموقف كان عصيب جدا

ولا نملك سوى أن نقول:

" لا حول ولا قوة الا بالله العلي العظيم"

_____________________________

وانا باقراالبوست دا
فكرتني بناس اصحابنا
من واحنا في اعدادي
كانوا بيستنوا ياخدوا
اجازة معينة
لغاية ما خلصنا كليات
وما اخدوهاش
_______________________________

حسام مراد said...

انا قلت كده محدش صدقنى
هانعمل ايه من غيرك
وخليك آآرش

horas said...

فعلا هنعمل ايه من غيره
اكيد هنضيع
مين اللى هيربي قلالات الادب في المعتقلات
ومين اللى هيربيهم ف زحمة المواصلات
مين اللى هيتصور قدام علم اسرائيل
من اللى هيساهم في تلويث النيل
مين
مين
مين
ربنا يهد
يهد
يهد
يهديه

خيرالدين said...

abeer
وهيحتاجوا مؤامره ليه الاشاعه كانت ماشيه والناس ولا فى دماغها
والبنوك بتتباع والناس ولا فى دماغها
والناس بتتحرق وتتقتل على ايدين الشرطه ولا حياة لمن تنادى

الشعب مش فاضى
ـــــــــــــــــــــــــــــــ
malak
فشلت فى انى احدد احساسى ناحية الاشاعه دى
مش عارف

سعيد بزيارتك الاولى
ــــــــــــــــــــــــــــــــ
shokri&shokria

ده من بعض ما عندكم

ادينا بنشتنى

ــــــــــــــــ

خيرالدين said...

حسام مراد

منورنى فى اول زياره
ـــــــــــــــــ

horas

احب انا الناس اللى فاهمه ومتعلمه ومتنوره زى حضرتك كده

الشعب ده يا اخى مش بيعرف يتحكم كويس
ربنا يكون فى عونهم
صابرين علينا ومستحملينا

Abeer said...

مش عارفة لما فكرت في القصة ديه
لقيت لها احتمال من اتنين
يا فعلا الموضوع جد ونزوله برج العرب كان علشان يقتل الاشاعات وده كان باين من الاجهاد على وشه وظهورة لفترة قصيرة في ال تي في والكاميرا مش كانت على وشه

او انها سياسة دولة اصلا
الاسعار تزييييييييييييد
وتولع
ونشغل الناس باشاعة .. الريس هيموت
ويعدوا يفكروا طيب مين هيمسك
جمال
لا عمر
امممممممممممم
مش عارفة
ربنا يرحمنا

ما علينا said...

عمرك يظهر اطول من عمري

لاني هيه قولت انزل تدوينة
وكنت ناوية على الموضوع دا
سبقتني

وبعدين شايف البركة لحد فين
خلى وحي الشعر هبط عليك


وييجي ابو سويلم
ويثبت انك انت وهو عمركم اطول من عمري

وقال اللي كنت هاقوله

ان المسألة مش معضلة
مجرد كلمة زيادة
ستضاف

في بداية السطر

ويبقى كدا الغطا زاد طبقة
والبلد لا تاخد برد ولا انفلونزا

لكن طبعا هو
الخيط والبكرة
ومعانا
ومش سايبنا

اللهو الخفى said...
This comment has been removed by the author.
اللهو الخفى said...

اولا بتين الشعر جامدين اه لو مات تبقى بجد و لو ما متش تنفع تعبر عن حالنا و الله انا اول ما اتقال الاشاعه ديه ما صدقتش بس من ساعتها و انا بفكر لو فعلا حصل ايه المفروض اللي يتعمل
اولا لما اخويا دخل البيت بالخبر انا قلت

انا كده بقى ما ليش قعد في مصر انا لازم اسافر بره
طبعا من كترة الفلوس اللي معايا و انا مش واخد بالي
بجد الموت علينا حق ربنا يسامح صاحب الاشاعة لانها وقفت قلبي لان ما خفيا كان اعظم و اللي جي خفي وهو الصراحه مش وحش بس ليه تصرفات و حشه
لو الناس متخيله انه موتوا رحمه يبقى لازم نجهز بجد لموتوا بمعنى ان مصر تتحول لدوله فيدرائليه يعني مؤسسات و هي اللي تختر الرئيس و تبقي مؤسسة الشعب هي المشرف علي المؤسسات و الاصلاح بما فيه الرئاسه و لازم نوعي الشعب علشان لو فعلا حصل لقدر الله و هو شيء لابد منه يبقى قادر الشعب علي التحمل و التحكم و يبقى الشعب يختار اللي هو عايزه للمرة الاوله و يبقى قادر بالاشراف عليه ده رئي لان لا وجود للحريه بدون ثقافة
ياريت تجوبيني عليه لاني محتاج مشورتكم

معليش علي التطويل

muntacher said...

عيب دا احنا نضيع من غيره
ولا ليه اما ابنه ال هيمسك ربنا يخليهم لنا وللمصريين بس ال نفسي اعرفه سوزان هتلبس اسود عليه ولا علي ان خديجة امراة جمال هتبقي سيدة مصر الاولي

خيرالدين said...

abeer
آميييييييييين
تعليق تانى
ده احنا بقينا مهمين عندك


ما علينا
بس يا استاذه مهما كتبنا عمرنا ما نوصل لك
انت الخير والبركه
مش الخيط والبكره

خيرالدين said...

اللهو الخفى

بس يحصل بس
وهتلاقى الف اجابه

خيرالدين said...

المنتشر


بلاش الاسئله الخبيثه
وبعدين الست خديجه دمياطيه زيى

عرفت انى واصل

semsem said...

اه يا مصر
بلد اشاعات صحيح

ta5areef said...

ربنا يدينا ويديك طولة العمر
ويتربي فى عزو على رأى يحي الفخرانى فى المسلسل الجديد

Unknown said...

اه فعلا مش عارفين هنعمل ايه من غيره
الدنيا مش هيبقالها طعم
التغيير مش هيبقي كبير اوي يعني الي خلف مماتش ولا ايه

Doba said...

عجبنى قوى ان انك حاطط البوست تحت اسم مسخرة

خليتنى وقعت من الضحك - ثم وفيها ايه حد هروح وحد هييجى المشكلة مش فى دول المشكلة فى المصريين - اول لما تعرف ان ابتدا حد فيهم يتغير يبقى ساعتها الواحد يقلق لكن غير كده يبقى كله على ما يرام

تحياتى
هبة

عصفور بلا أجنحة said...

المشكلة انة مات الموت علينا حق المشكلة ميين الى هيقود السفينة بدالوا بس

مواطن زهقان said...

احنا ناس فاضية
بنطلع اشاعات وبس
بس دا
من الكبت اللى هما فيه
واحد اتمنى ان الريس يكون عيان او مات
راح طلعت
او يمكن هما اللى مطلعين الاشاعة عشان يشوفوا نبض الشاع المصرى عامل ايه


واتمنى زيارة مدونتى
رسالة مواطن زهقن

hoda omran said...

مبارك مبارك ياحتة سكرة
هنعمل ايه من غيرك ده حالنا مسخرة
قالوا عليك هتموت ...هتخلد فى التاريخ
وازاى نتهنى بمصر ونطير فى الصواريخ
الله يرحمنا فى بعدك ويكتر من أمثالك
واعزرنا فى يوم لو قلنا ملك الموت جالك
دانت معمر فيها جواك قلب بينبض
وان مت فبعدك ابنك ولا عمره للهنا يرفض
::::::::::::::::::::::::::
أسفة على واصلة النفاق اللى فوق
بس القافية حكمت
:)

خيرالدين said...

semsem
اه مبقتش بلد شهادات

تخاريف دكتور
ربنا يسمع منك
بس ماظنش ان ده هيتربى لسه

خيرالدين said...

الاميره ميرامار
اتمنى انك تكونى بتتعاملى مع موضوع التوريث بسخريه لان التعامل معه كانه امر واقع حاجه بتغيظنى

doba
التغيير طبعا شىء جميل
بس مش من مبارك لجمال يعنى

شكرا على اول زياره

خيرالدين said...

عصفور بلا اجنحه

تقصد يعنى مين اللى هيغرقنا بعده
لا فيه ناس كتير مستعده

مواطن زهقان
ده على اساس ان نبض الشارع المصرى يهمهم؟؟؟؟
ولا هو اساسا الشعب المصرى بقى له نبض لسه
ان شاء الله هنزورك

خيرالدين said...

همسات

ايه يا هدى انت انضميتى لجمعية جيل المستقبل ولا ايه؟

بتاع العسل said...

ربنا يستر
عشان شجرة الدر متمسكش الحكم

خيرالدين said...

انت مفكر ان عز الدين ايبك واقطاى هيسكتوا

R.O.U.R.O.U. said...

la 3ady ma2ebnou mawgood
2asly houma 3amlin wardiya..ha ha ha
bs moubarak wardeyetou bla rag3a msh 2aktar dh koul 2l fare2

بتاع العسل said...

يعنى مش هيسكتواا

Anonymous said...

يا اخى انا والله كنت زعلت اوى اوى اوى لما عرفت انها طلعت اشاااااااااااعهه

maioya said...

وحسني مبارك مات
وجمال هايمسك الحكم وهاينزل الاسعار
اه طبعا ماهو لازم يكسب الشعب من اولها
ده نص الاشاعه اللي وصلت عندنا
بس بيني وبينك الناس اول ماسمعت
عن الاسعار هاتنزل باعوا كل حاجه
اتقالت قبل كده ووافقوا علي جمال
لقمه العيش صعبه الاايام دي:D

kafrawy said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه




و لا اى حاجة يا فندم