Tuesday, August 14, 2007

على لساننا

وفد وزارى بقيادة الكابتن احمد نظيف يزور محافظتنا الغراء
الوفد ضم الفنان العظيم فاروق حسنى-كان تايه فى الليله مش عارف ليه-لزوم زيارة قصر الثقافه والدكتور حاتم الجبلى وزير الصحه لزوم افتتاح مستشفى الجهاز الهضمى والسيده فايزه ابو النجا -اموت واعرف لزوم ايه-وكام وزير كده
طبعا ولاول مره صدمت كشخص يعتز بدمايطيته من كم البذخ والاسراف على طباعة لافتات الترحيب وبالونات المباركه
حتى انتم يا دمياطه غيرتكم السلطه اين مبادىء الادخار والنوم الخفيف
لازم الامر تحويل البلد الى بلد اخرى فانقلب الطريق الرايح الى طريق جاى والعكس
الشوارع اندهنت
المطبات راحت
المصيفين اختفوا
الشوارع نظيفه
وبروح الاب الحانى استقبل السياسى المحنك شكوى احد الصيادين والذى ارسى بمركبه امام معرض الاثاث الذى افتتحه نظيف ليشرح له معاناة الصيادين فرد عليه نظيف بايماءة عميقه اختصرت كل كلمات الدنيا ليعود الصياد وزملائه بطانا مثلما الطير
وللاسف الشديد حرمنا الحظ من الاستماع الى تصريح جديد من تصريحات نظيف العبقريه لان الماكولات البحريه فى فيلا السيد المحافظ لم تكن لتحتمل الانتظار
خميس ابو العافيه
من لسان راس البر

8 comments:

Ert3ashat said...

هاهاهاههاهاهاهااا

واله هم يضحك :)
اسلوبك حلو

ta5areef said...

ماشي ياريس فى بيتها برضه

ما علينا said...

طيب
ليه مارحتوش معاه
كنت حتى
قلت لي
جماعة البيه المحافظ
كانوا عاملين غدا ايه

Anonymous said...

الله يعطيك العافيه يا خميس ياابو العافيه

horas said...

طيب والله الدنيا لسه بخير
عقبال بقية المحافظات
مسرحية شديدة الهزل

خيرالدين said...

ارتعاشات
ده شرف ليا انى اضحكك

تخاريف دكتور
شوف التسامح والايثار

ماعلينا
نفسها حلو قوى فى الاكل

zelaky
الله يعافيك

horas
بقية المحافظات مش هيبقى فيها مأكولات بحريه

muntacher said...

جوعتني
مرحتش معاهم ليه عشان كنا نعرف هما كلو ايه بالظبط وقلهم مطرح ما يسري ي.......

Anonymous said...

هو الكلام ده حصل
امته؟؟؟؟؟؟؟؟؟؟؟؟؟؟؟!!!!
امال مشفتش حاجه ليه؟