Tuesday, August 7, 2007

الحياه حلوه ..عيشها من القلب...مع الاعتذار لشبكة الحاجه ام نبيل

فى البدايه اعتذر عن الغياب هذه المده الطويله ..ماذا ؟ من انت اصلا..ياله من حرج
حسنا الافضل ان نتجاوز هذه النقطه وندخل فى الموضوع ...نتكلم اليوم عن نجوم الضحك الجدد...ملوك القفشات الذين اتحفونا هذا الصيف بروائع جديده ...عن الوزراء الجامدين نتحدث..هؤلاء المخلصين (من الاخلاص والتخليص)الذين يستمتعون الان على شواطىء مارينا بعد ان اطمأنوا على انهم انهوا واجبهم فى الاجهاز على اخر امل للشعب فى عيش افضل .لكنهم منحوه الكثير من الضحك فى المقابل
عدد المصرى اليوم 17/7/2007كان زاخرا بهذه القفشات .أول افيه كان لوزير الزراعه الذى كلفه الرئيس
بحماية حديقة القصر الرئاسى -اه مش الجنينه بتاعة قصر القبه مهدده بالتصحر-وده طبعا مش لان الميه قاطعه عند الريس حاشا وماشا ولكن لارتفاع نسبة المياه الجوفيه ولما شعر الرئيس بالحرج من ملاحظات بعض الرؤساء الضيوف-يعنى مش احنا الى لاحظنا
بدأنا نتحرك لانقاذ الحديقه ...هى دى مصر فعلا..المثير فى الامر انه كشف ان الرئيس لا يعيش بمعزل عن الشعب بل يشاركه معاناته فالخبراء اكدوا ان السبب فى الحدث هو انخفاض مستوى القصر عن الاحياء المجاوره وده اللى بيخلى المياه ترجع منها على القصر ودى كمان مش ميه نظيفه دى مياه صرف صحى -يالهوى-شايفين الرئيس مستحمل ايه؟؟ وأنا اطالب بابادة الاحياء المجاوره او على الاقل تهجيرها ..دى سمعة مصر يا جدعان
القفشه التانيه كانت لوزير الزراعه أيضا-والله دمه خفيف-الذى أقال مدير حديقة الحيوان بسبب مقتل الناقه المغربيه الثانيه فى فتره قصيره والحادث كما يروى التقرير أن هناك قاتلا يتسلل فى هدوء تام وبرغم يقظة الامن الهمام ليذبح الناقه فى الظلام ..يا سلام ...بعدين يقعد فى استمتاع ليشفيها وياخد الفخدتين اللى قدام ..المره اللى فاتت خد فخده واحده بدأ يطمع
وفى هدوء تام ينط من على السور وهو شايل حوالى 100كيلو جرام فى هدوء تام ومن بجاحة عينه ينط من جنب نقطة الشرطه ويهرب...اه نسيت ..فى هدوء تام
المدير الجديد قال ان الامر اما مؤامره مما يعنى ان يشك فى جبهة البوليساريو المناوئه للمغرب وراء الحادث أو رما هو ثأر على الناقه أو ان السحر والشعوذه وهو الاحتمال الثانى فى رايه هو السبب وبالطبع معروف ان فخد الناقه المغربيه وجناح الصرصور الازرق هما الاساس لفك اى عمل
القفشه الاخيره لليوم من نصيب وزير البيئه ...الذى فاجأنا بهذا التصريح
ارتفاع نسبة الرصاص فى الهواء ونحذر من التعرض له
ولم يخبرنا بالطريقه العبقريه التى سنمتنع بها من التعرض للهواء ...فى داخل الخبر يؤكد ان الرصاص يدخل المنازل من الابواب واطاراتها والنوافذ ومجراها والسلالم والاركان والاماكن العاليه والحوائط الداخليه والخارجيه للبيت ويحذر من التعرض له والى ان اجد المكان السحرى فى المنزل الذى ابتعد به عن هذه المناطق اترككم فى نوبة الضحك التى تمرون بها ..مع انه والله كان لسه فيه قفشه جامده موت لوزير الاسكان والاستثمار و...لكن كده كفايه ...لا بلاش كفايه لنروح فى داهيه
كتبها زويل

13 comments:

zelakovich said...

القفشه المره دى من وزاره التعليم العالى

كشفت لجنة التعليم والبحث العلمي بمجلس الشعب في اجتماعها أمس برئاسة الدكتور شريف عمر عن مفاجأة مدوية، تتمثل في قبول طالب حاصل على شهادة الثانوية العامة القسم الأدبي بكلية
الهندسة بإحدى الجامعات الخاصة

(الخبر دا من جريده المصريون الالكترونيه)

تخاريف دكتور said...

زويل
ايه يا ريس الغيبة الطويلة دى
وطبعا فاكرينك وعارفينك ياراجل دى نوبل مش اي اى حاجة

كان نفسي افهم بس يعنى ايه وزير ؟؟

لو كنت أعلم said...

ياريت الموضوع على قد الوزرا وبس
لأ ده حنا شعب ابن نكتة
لإن محافظ الدقهلية خفيف الظل للغاية

فقد أعلن بكل قوة وثقة وتحدي وتردي وتبلطج

إن سبب قطع المية عن الالأراضي إن الناس بتستحمى كتير وبالتالي بتستهلك مية زيادة عن الحاجة

التعليق:
يالهويييييييييييييييييييي
يا خراااااااااااابي

بس بوست جامد
شكرا على الزيارة وأتمنى التواصل

إلا صحيح إنت مين؟!؟
ههههههههه

ما علينا said...

زويل
معقولة
فينك من زمان

صحيح ما حدش
بيسرد قفشات الجماعة دول
زيك يا زويل
زي ما قال تخاريف
دي نوبل مش اي حاجة

عوا حميدا

g_bouheerade

e7na said...

أنا هأعلق زيكم و صاحب البوست يرد عليكم وعليا


انت عارف اكتر حاجه بتضايقنى ايه
لما تلاقى جريده بحجم اخبار اليوم بتستخف بعقولنا وتنتقد حكومة نظيف وتكسر وراها القلل وفى الصفحه اللى بعدها تشيد بحكمة الرئيس
هو لا مؤاخذه مين اللى جاب نظيف

دكتور كسلان said...

عود حميد يا زويل
انت مش عاجبك السادة الوزراء
مش كفاية ان هما بيضحكونا والحمد لله
انت عايزهم يعملوا ايه اكتر من كده
يقطعوا نفسهم يعنى
احنا اللى شعب وحش
لازم نتريق عليهم
مع انهم ميستاهلوش كده
لمفروض نهم يتعدموا فى ميدان عام ولادال..............................

BaTresYa said...

نقول ايه...لنا الله :(

nosha said...

والله العظيم حقيقي كوميديا مفيش بعدها ......... طبعاً جنينة الريس هي دي واجهة مصر ولو إحنا معملناش اللي علينا تجاه الجنينة بتاعت الريس الرؤساء الضيوف هيقولواعلى مصر إيه وهيقولوا علينا إحنا إيه ؟؟؟ الريس بتاعنا بيفكر في الجنينة بتاعته وملهوش دعوة بالشعب ولا بمشاكله ولا حياتهم ماشية إزاي .... ولا كمان الشباب اللي طلعان عينه ومش باين ليه مستقبل مبيفكرش في أي حاجة لأن
طبعاً الجنينة بتاعته أهم من كل ده

mimi said...

زويل
دي اول زيارة لمدونتك وعجبتني قوي
والله هم يبكي وهم يضحك وعجبي

اسلام رفاعى said...

عذرا للتجليق خارج السرب
من اجل رفع الظلم عن الملظومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

الايـــــــــــــام said...

هى المشاكل فى مصر انحصرت فى حديف الريس
وكمان الوزير فاضى ما فيش مشاكل مع الفلاحين
المشكله الوحيده فى مصر هى حديقه الحيوان ولا ايه
ادعوك لزياره مدونتى

muntacher said...

احسن ان انت تقعد تذاكر لا تودينا في داهيه وانا مش هقدر اسيبك لو رحت فبلاش بهدله المنتشر او رويترز زي ما تحب

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘