Wednesday, September 26, 2007

جنة بلا تامر حسنى


الجنه فى بيوتنا...اسم برنامج عمرو خالد الجديد الذى يعود به لمناقشة مشكلات حياتيه بعد ان شغله فى الفتره السابقه قضية التعايش مع الاخر وتوضيح صورة الاسلام فى الغرب بعد ازمة الدنمارك الاخيره
اختيار الاستاذ عمرو لاسم البرنامج لا يقل تميزا عن مضمونه الذى يتناول العلاقات الاسريه التى اصابها كثيرا من التفكك و التآكل
اولها العلاقه بين الزوج وزوجته ركنى الحياه الاسريه المحوريين وكيفية تنشئة الاطفال ليكونوا افرادا مسلمين صالحين وغيرها من العلاقات الاسريه التى نحتاج لاعادة النظر فى تقصيرنا بشانها
اراء عمرو وطروحاته لم تقتصر على الاراء الدينيه والاستشهادات من القرآن والسنه بل استعان كعادته بآراء خبراء التربيه وعلم الاجتماع والمهتمين بواقع الاسره المسلمه...اتابع البرنامج ولكن ليس بانتظام للاسف ويلفت نظر اى متابع للبرنامج صوت كل من تامر حسنى ومحمد محى و ما افسد فرحتى بهذا العمل هو بكل تاكيد صوت تامر حسنى الذى يتعاون معه عمرو خالد للمره الثانيه وبكل صراحه لا اعرف لماذا يصر الاستاذ عمرو على اقحامه فى البرنامج رغم استياء الكثيرين من تجربته الاولى معه والتى تلاها فيلمه المسف فى الصيف الماضى

هل هى محاوله لجذب الشباب ؟

اظن ان برامج عمرو خالد لا تحتاج لدعايه وسط الشباب فهو بالنسبه لكثير منهم داعيتهم الذى يفهم ما يريدون ام انها محاوله منه للوقوف بجوار هذا الشاب بعد محنة سجنه الاخيره وايضا لو كان هذا هو السبب فيكفى برنامج دعوه للتعايش ولا ذنب للمشاهدين فى ذلك
صوت تامر حسنى فى البرنامج افسد جزء كبيرا من معناه وصرف عدد من المشاهدين عن متابعه البرنامج لكن يبقى مضمون البرنامج الاجمل والاكثر ملاءمة للجو الرمضانى الاسرى لعلنا نستفيد ويعود جو العائلة المفقود

17 comments:

hoda omran said...

انا مش شايفة ان صوت تامر هيفسد برنامج تامر حسنى
ايه المشكلة ان يغنى للبرنامج اذا كان هو عاوز ياخد ثواب معنى كدة انك او اى حد عشان شايفه وحش من وجهة نظره ان مش يسمع البرنامج
يعنى مثلا لو ربنا أراد برحمته يدخله الجنة ، وساعتها دخل اى حد برحمته الجنة بردو ، يجى بقة ساعتها ويوقل أٍف اصل مش هدخل عشان تامر حسنى هيبقى جنبى فى الجنة
مع الفارق طبعا فى التشبيه

بس اانا مش شايفاها مشكلة
اذا كان تامر، مدحت، عمرو، علان ، فلان
هيغنى ولا مش هيغنى
المهم استفيد بعلم واحد كويس جدا زى عمرو خالد

Sara Swidan said...

هو أصلاً تامر حسني غنـَّى تتر دعوة للتعايش ؟؟

انا كنت دايماً لما بشوفه بيكون بدأ ... و مش بكمِّله !!

و معاه محمد محي كمان ف البرنامج الجديد ؟؟

انا شكلي لازم أتابع الأحداث الفنية ف رمضان . واضح ان كتير بيحصل و الواحد مش واخد باله !

و الله بلوجك مليان معلومات قيِّمة .. و اسماء مواضيعك بجد ...ساخرة !!

حلوة فعلاً

mthlykaweyy said...

هاى
ازيك
انا مثلى قوى
او لمره ازور مدونتك وعجبتنى جدا
انا من المثليين العرب نشاءت وتربيك فى مجتمع ينبذ المثليين ويكرهم
على ذنب ليس ذنبهم
فهل تعتقد فعلا ان المثليه اختيار
اذا كنت اختر انك مغاير فاكون انا واصدقاتئتى حينها اخترنا ان نكون مثليين
نشائنا فى مجتمع لا يهرف شىء عن المثليين او المثليه سوء اللقطات التى تذاع على الافلام من ان يضحكوا ويتهكموا على المثليين

ونحن نبكى

لا احد يشعر بنا فى هذه المجتمعات من البشر

فى الغرب اهتموا العلم اثبت ان المثليه طبيعه وحتى ان هناك درسات اثبتت انها حتى موجوده عند الحيونات لكن هنا

بسب شخصنه الدين من الشيوخ وادخال ارائهم وبسبب تدخل العادات والتقاليد للمجتمع فى الدين


فنحن نعيش فى اضطهاد وكراهيه ومعاده للمثليين


نريد ان يكون لنا اصدقاء يشعرون بنا وبالمنا ويشعروا اننا انسان

وليس كائنات جنسيه

امد يدى اليك انا واصدقائى
بكل حب ويشرفنا ان تكون صديقنا

وان تزور مدونتى وانا ازور مدونتك

انا اميلى

h_h6497@yahoo.com

سانتظر اضافتك

وان نكون اصدقاء وسانتظر ايضا زيارتك لمدونتى
انت وكل الموجودين لقرءاه موضوع مهم عن المثليين

لا تتركونا فنحن المثليين موجودين فى كل المجتمعات وكل الطبقات

سانتظر زيارتكم جميعا بكل الحب والصداقه
وسانتظرك انت مخصوص
وشكرا

مثلى قوى

mthlykaweyy said...

سورى نسيت اقولك
ان اختيارك لكلمه لولاد النهارده حلو اوى
وعجبنى موت

مرسيه اوى
باى

أبوسويلم said...

والله يا ريس
وعلى الرغم من انى باتخنق من سى تامر
الا انى شايف ان اللى معجب بالبرنامج كفكر ومحتوى صعب انه يبطل يتابعه علشان خاطر تامر ولو انه يخنق فعلا
صحيح
اتوصى بالاخ المثلى قوى ده
انا مش عارف ده وقع لنا منين
يستحمل بقى
سلام

Anonymous said...

بص يا عم احمد

هو اصلا البرنامج مش فى قوة صناع الحياه ولا على خطى الحبيب

عمرو خالد خلاص افلس

وكفاية انه جاب الهارب من العسكرية تامر حسنى

ولو مش مقتنع اقرأ

http://amndawlaforever.blogspot.com/2007/09/blog-post_2526.html

Salma said...

أولا ولو انها متأخره أوي رمضان كريييييم
بالنسبه للموضوع ده فأنت قلت كل اللي أنا عايزه أقوله...فعلا صوت تامر حسني في مقدمه و نهاية البرنامج بتستفزني الى أقصى درجه, و -مثلما ذكرت- خصوصا بعد فلمه الهابط بداية هذا الصيف...و لكن برغم هذا الاستفزاز الذي يصيبني فان البرنامج فعلا راااائع و جدير بالمشاهده.

تحياتي

طلال فيصل said...

تامر يغنى برنامجا لعمرو خالد
اين هى المشكلة تحديدا
هل اننا لانحب صوت تامر وكلمات اغانيه؟
ام ان هذا يعطى شرعية لتامر وما يغنيه؟
ام انها تمييع للدين والباسه زيا فضفاضا يدخل فيه ما ليس منه؟
ام انها صدمة للأفكار السلفية التى تجد قبولا واسعا لدينا كمصرييين وان تظاهرنا بالعكس
والله مش عارف..انما دى شوية مواجع قلبها على هذا البوست
سامحك الله يا صديقى الذى لما أعرفه بعد

خيرالدين said...

همسات

وانا شايف انه افسده
وجهة نظرك احترمها طبعا
من حقه انه ينال ثواب بس مش معقوله اشوف فى برنامج دينى وبعدين اقلب الاقيه بيقول بابقى نفسى اه
او بيتحرش بالبنات زى ما حصل فى عمر وسلمى


sara swidan
الله يخليك على الكلام اللى انا مش قده ده

مثلى

لو سمحت التعليقات تبقى على الموضوع
وياريت بلاش تدخل هنا تانى اصلا

ابو سويلم
معاك يا كبير ان محتوى البرنامج اهم
بس ده اثر على قطاع كبير من الناس اللى مش ممكن تفهم النقطه دى
استنى بس عليه

شباب مسلم
مش معاك فى نقطة انه افلس فى تقديم الافكار
لكن هو جانبه الصواب فى بعض القرارات فى الفتره الاخيره
زى ما قرأت عندك

salma
كل عام وانت بخير


طلال فيصل
شاعرنا الجميل
معاك فى كل النقاط ما عدا نقطة الافكار السلفيه فانا مش ضد الاناشيد اللى تخدم الفكره وبيقدمها منشدين عملهم او هدفهم هو تقديم فن راقى
لكن مأظنش ان تامر هدفه كده

صداقتك تسعدنى يا طلال
ومبروك على الديوان ولو انها متأخره

ما علينا said...

بصراحة
انا شايفة انه لما اي مطرب يغني
الموقف واحد

تامر زي محي زي هشام عباس
كله زي بعضه

كلهم حياتهم مش خالية من الكوليسترول
واحتمال يكون واحد زي المر دا متذبذب
وعمرو خالد بيحاول يساعده
الله اعلم

لكن احنا لنا ناخد افادتنا من عمرو خالد

مش علشان تامر هانسيب كله
مالايدرك كله لا يترك كله
بنتخنق صحيح
لكن البرنامج مفيد

زي قناة الناس
اصبحت مؤسسة اعلانية
تروج للمحتالين اللي بيلعبوا على
الام البشر واحلامهم

لكن هل معنى ذلك اننا نقاطع القناه
ما ينفعش طبعا

وكل انسان ربنا الاعلم بيه



بعيدا عن الموضوع بقى
حلو اوي الرد
على المثلي دا

ربنا يعافينا

قطوف said...

بص يا عمى
واحد زى عمرو خالد ده دا واحد استهوته الكاميرا ولى يهمه الشهرة وانت أول واحد عارف رأى فيه
وبعدين انه يجيب تامر حسنى مش هتفرق الاتنين شبه بعض الطيور على أشكالها تقع
فكرة البوست حلوة وعجبانى مع ان كنت مستنيه من زمان

Esmat said...

السلام عليكم
عزيزى بلوجك جميل
بص يا سيدى معلشى انا حختلف معاك
البيت علشان يتظبط وحال الاسرة المصرية واخلاقنا تبقى احسن
مش حتيجى من شوية نصح من عمرو خالد
انا بشوفه زى عمرو خالد زى بعض الشيوح ودول بقوا كتير سامحهم الله بيتاجروا بالدين لاسبابهم الخاصة
يعنى انا لا يهمنى تامر حسنى ده فى الاخر واحد بيغنى مش محتاج شهادة حسن سير وسلوك
لكن لما واحد يدعو للفضيلة فى برنامج وبعدين يعملوا مسابقات اسئلتها هايفة ويشجعوا الناس للاتصالات وحل الاسئلة هوه ده مش استغلال للناس
هوه ده مش حرام
فلوس برنامجه ده بيلمها من الناس
عارف امتى انا ممكن اصدقه واقعد اسمعه لما يقدم برامجه لوجه الله بدون مقابل وبدون مسابقات
لكن طالما شبهة الربح وجر فلوس من الناس قائمة
انا لن اصدقه
الهداية والاخلاق بتكون من البنى ادمين نفسهم - يعنى لو الاب هو اللى نصح والابن معندوش نور جواه مش حيسمع كلامه
عمرو خالد عجباه الحكاية
ولا نسيت اعلانه فى ال إيه ار تى
بتاع حرام الوصلة حرام
لكن استغلال القنوات دى للناس مش حرام
قولى الشعراوى اقولك
الله ينور عليك
عندنا الخير موجود فى كتب كتيرة للى عايز يفهم مش محتاجين حد يجى يدهولنا بالمعلقة
لكن تامر ولا غيره صدقنى عزيزى مش هى دى القضية
الهداية بتبقى من جوانا والحمد لله عندنا شباب زى الفل وصغيرين وانا سعيدة بيهم جدا ثقافتهم الدينية بمليون زى عمرو خالد
اعتذر لو راى مش عجبك
بص ضحكتنى قوى ليه ردك جامد قوى كده على مثلى
يا بنى انا خوفت تضربه
وبصيت قولت فيه دم
مالقيتش
قولت الحمد لله عدت على خير
والف تحية لك وبارك الله فيك
على فكرة عاملين بلوج لنصرة الرسول عليه الصلاة والسلام
يا ريت تشترك فيه
elarasoly.blogspot.com

أحمد سلامــة said...

انا راي مع ابو سويلم
شوف البرنامج للبرنامج
هو اولا واخيرا مش برنامج غنائي لمجرد التتر او الدعلئين الغلبانين اللي تامر بيقولهم
عادي
كن ابسط من كده
عمر خالد اكبر من انو يقع في الشرك ده
متنساش ان في شغل دعاية وانتاج ومخرجين ووش مش كل ده في ايده
متقوليش ان اعلان لايز اللي بيجي في وسط البرنامج ولا شيبسي ولا اي بدنجان بيكون عمرو خالد مصدق عليه

Desert cat said...

طيب انا اصلا مش شايفه ان برنامج للاستاذ عمرو خالد محتاج دعاية
لان يكفى اسمه لوحده ده اكبر دعاية
مش عارفه انا ايه بقا لزوم تامر ولا محى حتى
ولو الاستاذ عمرو عايز يكسب فيه ثواب
يخليه يغنى مقدمة برنامج وده البرنامج التانى
طيب ما ينصحه وخلاص طالما العلاقات بينهم كويسة كدا

weswes said...

صوت تامر افسد مشاهدتى فعلا
وخنقنى ويمكن لان بحس ان مش فى مصداقيه
لانى شايفه ان تامر تافه اوى
ومش ينفع يكون فى برنامج راقى كده

خيرالدين said...

ماعلينا
لا حرمنا الله من تعليقاتك

لا طبعا مش كل المغنيين زى بعض
لما ايمان البحر درويش غنى ادن يابلال فوق الاقصى الناس كلها قالت عليها بيتدروش وبيغنى لفلسطين وبعدها بسنه بالضبط كل المغنيين عملوا اغانى لفلسطين وراحت الموضه دى وغنى محمد منير للبنان والناس قالت اشمعنى لبنان
وبعدها نفس الحكايه طوب الارض غنى للبنان
انا يا جميله بأتكلم عن انها بقت موضه دى نقطه
ونقطه تانيه انى حاسس ان عمرو خالد بيفرض علينا تامر حسنى
اللى نسبه كبيره من الشباب اللى المفروض انه مثقف بيكرهه

وانت بتسمى قناة الناس دى قناه
دى خارجه من بير سلم


سى السيد
مهما كان اختلافنا مع عمرو خالد بس فكرة البرنامج روعه

سيبك
تامر ده رخم قوى يا اخى

esmat
زيارتك اسعدتنى
وتناولك البوست بالتحليل شرف احسد عليه

أبو الفـــداء said...

وجدت الموضوع خلال بحثي على النت واطلعت على مدونتك...
ورأيي في الموضوع ...أننا إذاعلمنا أهداف العمل المؤسسي فسننطلق من حيز الشخصنة إلى فضاء الأفكار...