Tuesday, September 18, 2007

تفاعل المدونين ....هل هو حقيقه



فسر كثير من المدونين دخولهم الى هذا العالم الافتراضى بتمنيهم ان يكونوا فيه مجتمعا مختلفا عن الذى يعيشونه.قد تبدو الفكره بالنسبه للبعض هروبا لكن تناول المدونين لمعظم المشكلات الحياتيه والتفاصيل اليوميه وتفجيرهم للعديد من القضايا واعتماد بعض الصحف على موادهم يرد على كل من يتهمهم بالهروب من الواقع الى هذا العالم.

التفاعل بين المدونين وبعضهم البعض لا يقل فى اشكاله عن تفاعلهم مع مجتمعهم .اول اشكال التفاعل هو التعليقات الملحقه بكل تدوينه-بوست يعنى-والتى يعبر فيها كل قارىء ما اعجبه ومالم يعجبه فى التدوينه الا انا البعض يرى ان معظم المعلقين يستخدمون ذلك فى الدعايه لمدونتهم فمعظم التعليقات من نوعية بوست هايل ربنا يوفقك-اتمنى ان تزور مدونتى

مدونات مشتركه
ظهرت فكره اخرى وهى المدونات المشتركه ...فى البدايه كانت للمدونين من محافظه او بلد واحد مثل احنا اللى عزمنا القطر واسكندرانيه وغيرها .ثم مدونات اصحاب العمل الواحد مثل الصحفيين احمد حربيه وسيد التركى.او مدونات تتناول موضوع محدد مثل مدونات بنحب السيما وكيس فيشار وفرجه والتى تتناول الافلام السينمائيه وحال الفن السابع فى مصر وفى هوليوود
هناك ايضا مدونة بيت العرايس والعرسان والتى انشأتها المدونه برايد -عايزه اتجوز-لتلقى رسائل الشباب والفتيات عن تجارب الخطوبه والزواج الفاشله والناجحه
رجاله وستات

ويبقى التنافس بين الرجال والنساء حتى فى عالم التدوين

مدونة كلنا ليلى التى تجمع بوستات من فتيات التدوين والمدونه لاقت اهتمام اعلامى كبير وايضا تحظى بنسبة متابعه عاليه تليها مدونة كلام بنات .اما الجانب الرجالى فتمثله مدونة جزمه حريمى
تفاعلات

اخر اشكال هذا التفاعل واحدثها هو القصص والمقالات التفاعليه التى يكتبها عدد من المدونين مع بعضهم البعض ومنها ما يمثل مدونه منفرده مثل مدونة اللعبه او بوابة الحلوانى او بشكل مساحه فى كل مدونه مثل تجربة اميره حسن واحمد فؤاد الدين ووئام
انتهى الكلام لكن يبقى سؤال

هل ترى هذا التفاعل يحقق ترابط لم يعد موجود فى الواقع
ربما

25 comments:

ما علينا said...

بصراحة البوست
حلو اوي اوي اوي

ومش باقول كدا علشان اعمل دعاية
انا حاجزة دعاية هنا من زمان


وبصراحة انا فعلا شايفة
ان عالم التدوين مش هروب ابدا

بالعكس
دا التدوين الواقع كله بيتكشف فيه
والغالبية بتعبر عن رايها بصراحة جدا

والتفاعل يعتبر متكامل هنا في عالم التدوين


تدوينة رائعة
بوست هايل
مقال جميل

ايه رايك

بس انت عارف مش للدعاية

Sara Swidan said...

انا ممكن أسميه هروب شوية !

لكن اللي لافت نظري فعلاً ان البلوجز اللي ذكرتها ف البوست دة ... اعرفها جداً يعني ... مما يدل على انها مشهورة

و برده اكتر من مرة لاحظتُ ان الوسط البلوجاتي كله مسيح على بعضه ...و كله عارف كله !

دي طبعاً حاجة حلوة !!

أبوسويلم said...

انا شايف ان الافكار دى اما فعلا محاولة للافادة وهذا قليل
واما محاولة لزيادة الزائرين وعليه المعلقين وهذا الاغلب الاعم
تدوينةجيدة
والسلام

ktr7ercom said...
This comment has been removed by the author.
ktr7ercom said...

نحييك على اختيارك للبوست
جميل جداً

مقال ينزل في الصفحه اعلى يسار
اختيارك للموضوع في الوقت دا
اختيار موفق

لأن البلوجز انتشرت على مجال واسع
ويمكن يكون السبب في انتشارها
وزيادتها انها من المداخل
التي يمكن استخدامها في الاقتراب
من ظاهرة الصحافة الالكترونية .

و ممكن نعتبرها
نوع من أنواع الصحافة الإلكترونية المستقلة, أتاحت للأفراد وللهواة
ممارسة نشاط صحفي مستقل
وأصبح بمقدور أي شخص سواء
كان صحفياً أو غير ذلك
أن يقدم معلومات أو اخبار
او لقطات بالصوت والصورة من
موقع الحدث .

والبلوجز اصبحت ملحوظة بعد
أحداث 11 سبتمبر وزاد انتشارها
خلال غزو العراق.

والمدونات لا تعتبر هروب
بل بالعكس فهي تتيح فرصة
للتعبير عن الرأي
والتفعيل والتمكين
من خلال المرسل والمتلقي
ومعرفة رد الفعل
من خلال التعليقات .

وهذه الظاهرة ستكون أحد
الاتجاهات المستقبلبة
للصحافة الالكترونية

خاصة حينما يتعلق
الأمر بقضايا سواء
على مستوى العالم
كقضايا الحرب والسلام
وحقوق الانسان
او قضايا وطنية
كنظم الحكم والحريات العامة
وغيرها.

__________________

وفقك الله

خيرالدين said...

ماعلينا

الحمد لله ان البوست نال اعجابك بالشكل ده
بس انا فعلا باتضايق من التعليقات اللى بتبقى خارج الموضوع وبتبقى للدعايه بس
وفعلا التدوين مرتبط بالواقع جدا خاصة لو رجعت لاحداث فتنة الاسكندريه واللى كان للمدونين دور كبير فى كشف تفاصيلها وكمان حادثة تعيب صبى شها واللى نشر صوره المدونين



انما انا واثق انك كاتبه رأيك فعلا



sara swidan
طبعا حاجه حلوه والمدونات المشتركه اضافت طابع اسرى
ده غير حالات زواج المدونين والصداقه بين ناس كتير والتعارفات


شرفتنى زيارتك

خيرالدين said...

ابو سويلم
للاسف نسبه كبيره جدا بتهتم بعدد التعليقات وعداد الزوار اكتر من الاهتمام بالمحتوى او حتى التواصل مع الزوار والرد على تعليقاتهم
شكرا يا برنس


shokri&shokria
رغم خوفى من طغيان الصحافه الالكترونيه على المطبوعه التى اعشقها الا انه مميزاتها كبيره وهى الحريه بنسبه اكبر والتركيز فى تناول الخبر واختصاره بما يتناسب والايقاع السريع للحاياه فى هذه الايام
شكرا لاهتمامك

Doaa Ebrahim Aaql said...

أولا جميل أوى إنك طرحت التساؤل ده
وأشكرك عليه

ثانيا بالنسبه لأول نقطه فى التدوينه
- بوست يعنى-

هههههه
اللى هى ان المدونين لجأو للعالم ده
عشان يعيشو مجتمع مختلف
هو الموضوع ده صح نسبيا
بس انا واحده من الناس اللى
مكنش هو ده هدفها
بس مع الوقت
ابتدى العالم ده يشدنى اوى
لدرجة انى بحس لو بعدت فتره ان ناقصنى حاجات كتير
وفكرة انى انزل بوست او لأ مش بتهمنى أد التفاعل بأه

النقطه التانيه وثالثا
فعلا ساعات بيستفزنى موضوع التعليقات السطحيه
بس احيانا مش بحسبها كده
لأنى ساعات ممكن اوى اقرالك حاجه جميله
تبهرنى لدرجه انى مش عارفه اكتب لك غير
أبدعت
أو أحسنت
عموما هو شئ بيتحس
واكيد كل واحد بيعرف مين داخل عنده يعمل دعايه لنفسه
ومين فعلا اهتم وقرا البوست بتركيز

رابعا
المدونات المشتركه
شايفاها فكرة حلوه اوى
وبتزود التفاعل والترابط بين المدونين
جميل ان يكون فى ناس بتشاركك الفكر اللى انت مؤمن بيه

وأخيرا بالنسبه لسؤالك
بشكل نسبى اقدر اقول لك ايوه
بس بردو مش بحلاوة الترابط فى الواقع
التواصل والترابط فى العالم الواقعى افضل كتير
بس فى ناس اكيد مش متاح ليها ده
واكيد عشان كده لجأو للتدوين

******

ياااااه
ده انا طولت اوى وشكلك زهقت
عموما كل سنه وانت طيب
واشكرك بجد مرة تانيه
على البوست المهم ده

خيرالدين said...

princess dodo
اهلا بسمو الاميره بعد طول غياب

اولا ناس كتير فعلا لجات للتدوين كنوع من البحث عن عالم جديد-مش هروب-بحث عن ارض اخرى زى اكتشاف القمر بالضبط

التفاعل فعلا مهم يعنى لو قدرت تلاقى من كل بوست شخصيه مميزه وتفكير وتلقى جيد لكتابتك افضل بكتير من ملايين التعليقات

ثانيا الصمت او الكلمه الموجزه زى احسنت افضل بكتير من كلام ملوش علاقه بالموضوع

لكن فعلا انا لغاية دلوقتى مبهور من استاذه التعليقات ما علينا ربنا يقدرك وتتعرفى عليها

الترابط فى اى مجتمع وخلنا نكون صرحاء اصبح غير مكتمل


سعيد جدا جدا جدا ان تعليق بهذه الروعه كان من نصيبى
نورتينى يا دعاء

بوابة الحلوانى said...

انا شايف ان انت اللى كده بتعمل دعاية للمدونات اللى ذكرت اسمها

اعتقد ان التدوين ممكن احيانا يكون هروب من الواقع ولكن احيان اخري بيبقي تفريغ لطاقات موجودة جوة كل واحد مننا

Dina Samaha said...

لا مش شرط يكون التدوين بيحقق ترابط مش موجود فى الواقع

انا بالنسبة ليا التدوين هو عالم صغير اوى والناس اللى عندى برضه ناس اعرفهم فى الواقع وبشوفهم.. اللهم الا اربعه ولا حاجة معرفش شكلهم

الفكرة ان التدوين بيكون فى معظم الحالات فضفضة وحالة من التنفيث يا اما الناس هاطق

وغير كده هى وسيلة للتفاعل فرضتها تكونولجيا العصر دلوقتى اكيد الناس هاتستخدمها زى الموبايالات لما انتشرت هى والانرنت والاستخدام السريع ليهم واصبحت الناس متستغناش عنها

اما ذكرك للمودنات فى البوست هى مش دعايا ليها لانها خلاص اتعرفت واعتقد ان اى حد فى التدوين يعرفها

والتعليقات بتمثل عامل دعائى كبيير لاى مدونة وانا متفقة معاك فى كده
بس الفكرة ان مضمون المدونة هو المحك الرئيسى برضه فى الاساس

يعنى انت مثلا دخلت عملت عندى تعليق كنوع من الدعاية انا هاجى عندك المدونة معجبتنيش مفيش حاجة هاتجبرنى ارد عندك

فا المضمون اعتقد هو العامل الاساسى بغض النظر عن المجاملات اللى بتبقى بين المدونين وبعضهم والاصدقاء

ده غير الدعاية المستفزة اللى بعض المدونين بيرموها عند الناس من غير استئذان
ده فعلا اللى بضايق منه

عامة بوست رائع واعتقد انه موضوع صحفيا كويس

بحييك عليه

بتاع الجاز said...

اعتقد من خلال الواقع الذى نعيشه ان تجربة المدونات المشتركه رائعه
فهى تعطى نوع من التنوع فى الاداء
وتكسر حده الرتابه فى الاسلوب وتتغلب على النمطيه فى طرح المواضيع والتعامل معها

المهم سيبك من الكلام ده

انت وحشتنى انت والشله

سلام

Anonymous said...

ياااااااه فعلا .. هى عالم افتراضى بس جميل جدا جدا ... حقا نحن كمدونين لا نريد الهروب من واقعنا إلى عالم اخر وانما قد وجدنا بغيتنا فى عالم واحد يجمعنا فى وقت واحد بعيدا عن قيود الزمان والمكان وخلافه ... الكل سواء لا فرق لعربى على اعجمى سوى باسلوبه فى التدوين ...

البوست اكثر من رائع

خيرالدين said...

89بوابة الحلوانى

انت بتستغل اسم المدونه العظيمه المشتركه بتاعتكم فى عمل دعايه لنفسك
بكره جميله تشوفك وتضم الكلام ده لقائمه الاتهامات
وابقى قابلنى لو الاستاذ روميو بتاعنا عرف يطلعك




dina samaha
فعلا التدوين طاقه ونافذه للمكبوتين والمقهورين للبوح والتعبير عن مكنوناتهم-حلوه-احسن ما نطق

والمدونات دى اشهر من النار على العلم مش محتاجه ان شخصى البسيط يكتب عنها

خيرالدين said...

بتاع الجاز
سيبك انت
والله واحشنى
جدا جدا
هو ايه ياعم الزمالك ده
هيفضل معذبنا كتير كده


شباب مسلم

الاستاذ شريف الدواخلى بنفسه
ايه الهنا ده
نشكر هذا العالم الذى جمعنا باشخاص مثلك

ما علينا said...

لسه مضرب عن التاجات

لك عندي تاج تاني
ما تجرب كدا
وخده على الصيام بلاش وانت فطران

sahr said...

ايوة
ارى ان التفاعل يحقق ترابط لم يعد موجودا
وبجد حاجة حلوة لما تكون صداقات كويسة كده لله في لله
وبعدين ماهو التدوين دا بنطلع فيه حاجات كتير جوانا مش عارفه تطلع
او بدل ما بنكلم نفسنا هنا بنلاقي ناس نكلمهم وبيسمعونا وكتير بيفودنا
مش دا احسن برده من انك تكلم نفسك

carol 2002 said...

أعتقد ذلك

Anonymous said...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

hoda omran said...

أولا البوست حلو ومهم فعلا

هل تفاعل المدونين حقيقة؟؟؟؟؟؟؟
هناك من يتفاعل حقا ولكنى أرى انا كثيرا كما قلت من نوعية بوست حلو وشكرا
وده يمكن لأن كل واحد بيعجبه الفكرة عاوز الناس تعرفه ويعرف ناس ومش مهم الكتابة بس طبعا مش كل الناس
بالنسبة لسؤالك الاخير
يمكن تفاعل المدونين عمل ترابط بين المدونين على المستوى الشخصى
لكن عالمستوى الفكرى ماظنش انه بنسبة كبيرة

تحيااااااااااتى
:)

maioya said...

انا بشوف ترابط بجد
مش بيبقي موجود او مش كان موجود قبل كده بين الناس دي وبعضها
وبعتبر التدوين كان فرصه لناس كتيره
انه يعمل صداقات
حتي العلاقات التانيه خطوبه وجواز بين مدونين
واعتراضات بتحصل علي حاجه
كتير بتحصل الكل متفق عليها
وهما اترابطوا وعملوا مدونات مشتركه
واعترضوا سوا وقامو وقالوا
حتي لو مدونه تعبان
مدونه بيمتحن
بتشوف البانرات في كل مدونه
بيشجعه وبياخد علي ايه
كفايه بس الواحد لما بينزل موضوع يفضفض بيه عن نفسه
يلاقي مليون حد جانبه وبيساويه
يبقي ليه مش حقيقه
عجبني او ي البوست ده
تحياتي
ورمضان كريم

خيرالدين said...

ماعلينا
افكر طيب

sahr
بغض النظر عن انى بقى لى ساعه مش عارف افهم اسمك

الا ان فعلا التدوين اضاف لنا وعرفنا اشياء جديده
ان دمياط لسه بخير وفيها شخصيات زيك

خيرالدين said...

CAROL
وانا ايضا


وينكى
طيب

خيرالدين said...

همسات

على المستوى الفكرى فيه تهاون كبير فى استغلال وسيله سهله ومتاحه للكل
بس كسل
مش عارف والله ياهدى

may
كويس انك علقتى لانك من الناس القليله اللى شايفه الموضوع من وجهة النظر المتفائله دى

يارب يكون كما ترين

sahr said...

شكرا جدا ليك
بس الاسم مش صعب
سهر
بس