Sunday, September 23, 2007

مفيش صلاة عصر

ربما هى المرة الاولى التى احاول ان اجد من اشكو له امر ضايقنى من تلك الامور التى تزخر بها مصرنا
تعودت لقرب منزلى الشديد من مسجد قريتنا الكبير ان اذهب الى الصلاه عند الاقامه واليوم انتظرت الاذان ولم اسمعه وكنت قد لاحظت ان المسجد مغلق على غير العاده فى هذا الوقت فالمسجد فى هذا الوقت يكون مليئا بكبار السن الذين يجلسون لقراءة القرآن.....انتظرت الاذان ولم اسمعه
المباحث قفلت الجامع
قالتها اختى بلهجه لم افهمها
علشان الافطار
كنت اعلم ان الاخوان المسلمون فى القريه يعدون لافطار جماعى اليوم يموله احد الميسورين
نزلت الى الصلاه بعدما توضأت ادور حول كل ابواب المسجد...كلها مغلقه والناس فى كل استسلام تعود بدون ان تصلى ذهبت لمسجد اخر لاجده مكدس بالمصليين
نقف بعد الصلاه مستاءين مما يحدث لاجد احد رجال -مش رجال والله-امن الدوله واقفا ينظر الينا بتشفى وكانه منعنا من قضاءليلة حمراء
ومضى الجميع يتكلمون فى صوت منخفض عما حدث
ومازلت انتظر صلاة المغرب هل سأصليها ام تلغى الصلوات جميعا
منع امن الدوله اهالى القريه من الذكر وقراءة القرآن بعد الفجر ولم يتحرك احد
اغلق المسجد بعد الصلوات مباشرة ولم يتكلم احد
اصدر قرار بمنع سنة الاعتكاف ولم يتحرك احد
اغلق المسجد تماما ومنع المصلين من اداء فريضة الصلاه ولم ينطق احد
اذا لم نعد قادرين على الكلام والصلاه والتعليم والشرب والتمتع بصحتنا والامان فى مواصلاتنا والامان على ارواحنا واعراضنا وبناتنا فلم نعيش؟؟؟؟
هل نتركها ونرحل

18 comments:

قطوف said...

يمنع اقامة شعائر الله فى المساجد
ده فاجر لأ ده كلب
والغلط على الكلاب واولاد الكلاب الى بيروحم يبلغم
مش ده لو تيس من بتوع الحزب الواطى كان فات الحال اتغير
يلعن...............

hoda omran said...

بص يااحمد
اما يستهان ببيوت الله ويدخلوها بجززمهم يببقى عادى انهم يقفلوها
لو لقوا اللى يتكلم فى الاول كانوا عمرهم ما فكروا يعملوا التانية
الغلط مش عالحكومة النظيفة بس
الحكومة على الشعب النظيف العقل

فى جملة كان بيقولهالى دكتور عندى حلوة جدااااا
"لن يتمكن الخارج من الداخل بقدر ما يمكن له الداخل"
اهو هو بالظبط كدة
لن تتمكن الحكومة من التحكم فى مصير الشعب بقدر ما يمكن لها الشعب ذلك

وحسبنا الله ونعم الوكيل

maioya said...

ليه ليه ليه كل ده
ازاي تسكتوا علي قفل مسجد
وتعطيل ناس علي الصلاه
لادي غلطتكم انتوا انت انتوا ساكتين
اتصرفوا واعملوا اي حاجه
اتعمل عندنا حاجه زي دي قبل كده
وهما اصروا
الاخوان المسلمين
عملوا عزومه كبيره في الشارع ادام المسجد علي الرغم انه امر انه يتقفل
بس اتفتح وقت الصلاه
مش اتقفل وفضل مقفول
خلاص هوا احنا للدرجه مبقاش في دين في البلد مثلا
لاحول ولاقوه الا بالله

sahr said...

الحكومة بتنفذ اوامر جايه من برا واحنا بنفذ كلام الحكومة
يبقى العيب على مين ؟
علينا ولا على الحكومة
ما احنا شعب مطيع مؤدب بيأخد على افاه ومايقولش اه

ta5areef said...

ومن اظلم ممن منع مساجد الله ان يذكر فيها اسمه وسعى فى خرابها

هم يبكى وهم يبكى برضه

يا بختك ياعم اربع صلوات باجر خمسة

Sara Swidan said...

احم!! يا ترى ليه بحس الضلمة بتهجم عليا دلوقتي!!

وحياتك ، ابقى خفف الكلام الناشف دة شوية عشان العنف دة بيولد الكبت !!

خلينا ف الكلام الحلو بقى ...

مصر يامَّا يا بهية
يا أم طرحة و جلابية
الزمن شاب و انتي شابة
و هو رايح و انت جاية ...


و كلام من دة يعني

سان ستيفانو .. الاحساس بالرقي!

ما علينا said...

هنقول ايه

حسبنا الله ونعم الوكيل

ودولة الظلم برغم انها طالت وخللت
وعفنت كمان
واصبحت غير صالحة للاستخدام الحيواني او الحشري حتى


الا انها لابد زائلة

قول يا رب

أحمد سلامــة said...

هما الكلاب كده مرعوبين من الاخزان عشان هيدوهم على دماغهم قريب انشاء الله
السلبية دي غريبة جدا ومحتاجة نوع من الاضراب او اي حاجة من هذا القبيل
دي الصلاة مش حفلة راس السنة

Doaa Ebrahim Aaql said...

حسبى الله ونعم الوكيل

أى قدرة ابليسية
خـُـصّت بها حكومتنا
ليفاجئوننا يوما بعد يوم
بأشنع الأعمال

خيرالدين said...

سى السيد
الغلط على العصافير
ولا الحزب الواطى
ولا على اللى بيسكت
؟؟؟؟


همسات
ياهدى انا مفيش غير ناس بسيطه جدا اللى اصرت انها تصلى حتى لو فى الشارع وفيه ناس استجابت ورجعت بيوتها

may
نفس الناس اللى سكتت على كل اللى حصل قبل كده
احنا اتعودنا على السكوت

خيرالدين said...

sahr
علينا طبعا
وياريتنا بناخد على قفانا بس دى اللى بيحصل لنا اكتر من كده بكتييير

sara
مش كآبه والله يا ساره بس الجو العام بقى كده
سؤاال

ومش حقد طبقى ولا بوادر شيوعيه
بس فعلا الناس اللى فى سيتى ستارز وسان ستيفانو دى مصريين
؟؟؟



تخاريف دكتور
انت بتقر فى دى

خيرالدين said...

ماعلينا
وليس بيدى سواها


احمد سلامه
لا عادى جدا
وراحوا يتفرجوا على الدوره الرمضانيه
انت بتتكلم عن مين يا احمد
الناس دى ماتت من زمان

princess dodo
لقدره المباركيه
والسلبيه المصريه

أبوسويلم said...

والله ما عارف اقول ايه؟
ولو انه تهريج لكنه افضل وصف لما حدث
انها المهانة
انها الاستهانة بالمهانة
لا
انه الهوووووووان
وللاسف
البلد ما عادش فيه رجالة
تخيل مصر كلها مفيهاش رجالة
اللهم اهلك الظالمين وارنا فيهم عبرة
مبارك التغييرات الجامدة دى
والسلام

Sara Swidan said...

أولاً يا كابتن ، حاسب على كلامك . أنا مصرية حتى النخاع ، و بروح الأماكن دي ... أكيد مش الأماكن اللي بحس فيها بنفسي ، لكن أهة ... شغالة يعني ، البرزخ بين سان ستيفانو و كوم الدكة مش محسوس أوي زي ما هو مرأي ...


ثانياً يا كابتن ..
مبروك على المنظر الجديد لـ"ولاد النهاردة"..

تعليقاتك حرفياً مـــنـــوَّرة البلوج عندي هناك.

دكتور كسلان said...

تكملةلكلام ابو سويلم

انه الامتهان

بس احنا فشلنا فى الامتهان
قصدى الامتحان

احنا شعب جبان
نستاهل اللى بيحصلنا

بس برده
الحكومة بنت كلب
لا
دا بنت كلبة

كفاية كده
عشان العصافير كتير

خيرالدين said...

ابو سويلم

انها ديماجوجيه
عارف ليه
لاننا كنا رجاله
ووقفنا وقفة رجاله

خيرالدين said...

sara swidan

الكابتن سعيد جدا بزيارتك وتعليقك لثانى مره

مصريه طبعا يا ساره


دكتور كسلان

انت مكسل تكتب تعليق

العصافير عندنا مش متعلمه
نسبه قليله منهم

Desert cat said...

طيب يا احمد اذا كان اى مواطن عادى ماشى فى حاله فى الشارع لو شاف امين شرطة حتى بيخاف منه
ويقعد يقوله يا بيه وياباشا
فما بلك لو جه دخل بيته حتى بلاش المسجد اللى هو بيت ربنا
وربنا قادر على حماية بيته
تلاقيه واقف يرجف
يا باشا
" ان الله لا يغير ما بقوم حتى يغيروا ما بانفسهم "
احترامى وتقديرى بجد لشخصك الكريم