Friday, May 25, 2007

مانعة الفوران............كتبها زويل




نعم ...انا احبه(ليس اعلانا لماكندونالدز)احب اللبن جدا.....ذلك السائل الغنى الملهم بملايين الافكار ما ان تضعه على النار كى يغلى وتنظر الى بياضه حتى تنهال الافكار من كل مكان وكانه شاشة سينما تتجسد عليها خيالاتك ..فلاتفيق الا وقد فاراللبن وضاع منه الكثير


هذا يحدث مع عديمى الخبره اما انا فقد احتطت لذلك ولن يتغلب اللبن على فقد احضرت له مانعة الفوران ....لمن لا يعرفونها فهى عباره عن دائره من الزجاج الحرارى أطرافها اكثر سمكا من المنتصف وتوضع فى اللبن فتمنع فورانه .......اضع اناء اللبن على النار بينما اتجه الى الحوض لأغسل مانعة الفوران أو يجب ان يمنع فورانها -هى اللبن والمياه الغازيه .....والشعب


انظر الى قطعة الزجاج فى يدى وأضحك وأنا أتخيل هذا الجهاز الذى كلف بأن يكون مانعة الفوران للشعب ألا وهو قطاع الامن ...المثير فى الامر انك تمنع فوران اللبن كى لاتفقد منه شىء اما فى حالة الشعب فليس مهما ذلك ..المهم ان تمنع فورانه وحسب..تقتله ...تحبسه ...تضيع منه نصفه ...تخرب بيت اللى جابه مش مهم ...المهم ان اى كلب تسول له نفسه انه ي(فور)او حتى ي(فايف) لازم يتغلى كويس بعد وضعه فى مانعة الفوران وغلى هذا الكلب اما بالنار او بالكهرباء ...وهم هنا يبتكرون وسائل رائعه لمنع الفوران ليس فقط بغلى من تسول له نفسه الفوران بل ايضا بالقضاء على اى بقره _آسف فى اللفظ -أنتجت هذا اللبن المتمرد زززاحلى حاجه بقى ان الفوران ممنوع وخلاص...مش باتكلم عن الفوران ضد الحكومه مع اننا الصراحه المفروض جبنا اخرنا من زمان (غير الجبنه البيضه)لان مصيرنا ساعتها زى اى لبنفاسد....البلاعه ...او المعتقل بمعنى اخر لااقصد تبقى شايف دم اهلك واخوانك فى الحلل اللى جنبك ....فلسطين والعراق ومش من حقك تفور ...هو كده غلاسه وخلاص ..وليه نروح للحلل التانيه فى قلب حلتك (اهلك)بيغرقوا او يتحرقوا فى قطار وبرضه مش من حقك تفور او حتى تبكبك(تتطلع بقاليل)


ايا مانعة الفوران _او جهاز الامن_كم سجنت من شرفاء وسحلت من وطنيين وعذبت وقتلت مصلحين ومظلومين ...كل ذنبهم انهم ارتأوا لبلادهم مستقبلا افضل ...انا أكرهك ..أتخيل لو انك اتخذت شعارا على شكل مانعة الفوران هذه وبداخله صورة مطرقه كان انسب واصدق واكثر تعبيرا


كان الغضب قدبلغ منى مبلغه ...فالقيت بالمانعه فى الحوض بكل قوتى لتكنكسر الى الف قطعه واشعر براحة كبيره




أفيق على فوران اللبن ورائحة الشياط وأهرول لألحق باللبن الذى ضاع نصفه وأنا اتحسر على ما ضاع منى (باين دى آخرة اللى ييجى على الحكومه)....يبدو أن اللبن سائل ملهم بالافكار حقا

15 comments:

Anonymous said...

انا اعتقد يا صديقى ان مانعة الفوران مهمه جدا فى حياتنا ولكن المهم ان تستخدم بشكل صحيح. فلماذا لا نستخدمها مع هيفاء او نانسى اوبوسى سمير ؟؟. اعتقد ان هؤلاء الناس هم الاكثر فورانا.وذلك الامرواضح وضوح الشمس فى كبد السماء

Anonymous said...

انت بتتكلم عن اللبن؟؟؟
معروف طبعا انه سائل ملهم
ولا ايه؟؟؟

والنبي يازويل وحياة ابوك ياشيخ
عايز مانعة الفوران بتاعتكم
هاوريها لحماتى عشان تجيبلي واحده فى الجهاز بتاع المدام

زويل
عالم امريكي الجنسية
موطنه الرئيسي مصر
ويتكاثر فى الشتاء
ومهدد بالانقراض من قبل جهاز الامن

Anonymous said...

زويل
حقيقي البوست اكثر من رائع
بس
اعتقد فاتتك حاجة ان مانع الفوران الشعبي تقدم شوية وبيستخدم البسترة نتيجتها اسرع واامن

ويعني كمعلومة للدكتور تخاريف ممكن اي كعب كوباية او زجاجة يقوم بالمهمة
لانها شبه مانعة الفوران
ودا اكيد هيكون بعد المدام ما تكون كسرت الزجاجة واستخدمت رقبتها اولا
وساعتها انت مش هتكون موجود يا دكتور علشان تستفيد بمزايا مانعة
الفوران
زويل خد بالك على نفسك واحذر من الدكتور تخاريف دا حساه كدا حتة من مانعة الفوران الشعبي
خصوصا انه مش دكتورنا الاصلي
توقيعه ناقص العلامة التجارية بتاعته

مرة تانية البوست رائع رائع

Anonymous said...

اســــــــف
هه.......!!!؟؟؟؟؟؟
هى بقت العلامة التجارية؟؟

ع العموم انا مش بحب اللبن قوى
وممكن قوى استغنى عنه وعن المانعة دى لو فيها رقاب هتطير

واسف والله يا جميلة كمان مرة انى نسيت الخاتمة هه
بس ان شاء الله الغلطة دى مش هتتكرر
سلام بقي هه...

SomeOne said...

بعيدا عن مانع الفوران

أم المدون كريم عامر قالت
ان كريم ملحد لانه كام لايشرب اللبن

كويس انك بتشرب لبن

ربنا يقوي ايمانك
:)

Anonymous said...

غريبة حكاية موقف الامهات من اللبن
انا كمان مش بحب اشربه
بس بصراحة امي ما قالتش اني ملحدة
لكن دايما تقولي حرام عليكي قولي اللبن هو اللي مابيحبنيش
وانا انهاء للموقف بطلت اقول خالص
وبامتنع عن شربه وخلاص

وايوه كده يا دكتور دايما توضح بصمتك
ما حدش يضمن الايام دي يا دوك
بس برضوا خلي بالك منه يا زويل

بسمه عبدالباسط said...

مدونة جميلة
طيب مفيش مانعة فوران الدم ولا ايه شوفوا لنا واحدة أصلنا خلاص
تحياتى

مصطفى حسان said...

اللبن

بيفكرني بأيام ما كنت بروح المدرسة وقبل ما انزل امي تنده عليا وتقول لي استنى .. مش هاتشرب كباية اللبن بتاعتك ؟؟ وحتى لو كنت انا خرجت من الشقة اساسا واصحابي مستنيين .. كنت دايما ارجع تاني عشان اشرب اللبن لمجرد اني حاسس اني لو ما شربتوش أمي هاتزعل مني وممكن حاجات كتير قوي تحصل .. وبرضه لمجرد إحساسي بالأهمية الرهيبة لهذا المشروب . الذي لا أعرف لها مصدراً

انتظار مؤقت said...

شوفلنا معاك مانعة فوران القهوه الي كل يوم بيدلق نصها عندي في الفوران
بوست جميل يا باشا و دايما للاحسن انشاءالله

Anonymous said...

بوست هايل اسلوبك حلو جداً في التشبيه ما شاء الله ربنا يوفقك .

mlame7.blogspot.com

رينـــــــــــا said...

يااااااااااااا
كل دا من اللبن
طيب والله كويس اوى:D

heba said...

وانا بقرأ البوست بتاعك كانت ف إيدي كوباية اللبن .. ونا بشربها استطعمت كل كلمة انت كتبتها وحسستني اني دخلت مطبخ الأحداث وشميت ريحة الشياط اللي طالعة مننا بعد ما فورنا وحاجات كتير اوي مننا ضاعت .. عجبني اوي طريقة دخولك للموضوع وبعدين دمجك للموضوعين مع بعض .. رائع يا زويل

بس ليه كسرتها ؟ مبسوط كده لما اللبن فار ؟؟ عايزين قطة بقى

خيرالدين said...

بتاع الجاز
هم دول اساس الفوران
تخاريف دكتور
هه
جميله بو حريد
والله انت اللى بتشجعينا

خيرالدين said...

شادى فايد
شكرا على اول زياره بس بصراحه كريم عام لا يستحق ان حضرتك تتكلم عنه
bos bos
سلامتك من فوران الدم لا تيجى على اللبن ارحم
darsh
ان شاء الله عنتكلم عن المصادر فى بوست تانى
انتظار مؤقت
القهوه بيندلق نصها طيب بفضل حاجه تشربها؟
ملامح
شكرا
رينا
أه طبعا امال انت مفكره ايه
shams
منورانا

loza said...

دول خلونا لبن بودر:(

البلوج بتاعك لذيذ جدااا
وان شاء الله هكون من المتابعين