Tuesday, May 29, 2007

جرحك


استغربت لحال الدنيا واللى باحبه باعنى فى ثانيه
...

هذا هو الوجه الذى طالما اشتقت اليه
ماذا حدث لك؟ .....هل تتجاهله بهذه القسوه؟
لن استمع لتبريراتك بان هذه هى سنة الحياه...نتقابل لنفترق
أين وعودك بعدم الفراق؟
اين احلامنا التى طالما اكملناها سويا
تبددت
...
شافنى وجت عينى فى عيونه ..دور وشه الناحيه التانيه
...
هل تهرب من عيونى؟...ما السبب؟؟
هل تظننى صدقت كلامك حينما افترقنا
وقتها ايضا هربت من نظراتى
حبيبى اتمنى لك السعاده
بكره تندم...لا يارب فى يوم ماتندم
حب وافرح ...بس اوعى تانى تجرح
...
من قلبى وبكل صدق ادعو الله ان تجد قلب يعوضك عنى..وادع انت لى الله ان انساك...وانسى جرحك
...
بس وحياة اللى فات
واللى اصبح ذكريات
عمرى ماحبيت ولا اتمنيت غيرك
انت
...
المسافر

11 comments:

g_bouheerade said...

بصراحة ايها المسافر مش عارفة اكتب اقولك ايه
هو مش انت فارقت وخلاص
ما ترسى على بر
هايندم ولا مش هايندم
وبعدين هو دا جرحس
ولا جرح تاني

g_bouheerade said...

اعذرني على تساؤلي
انت واضح ان جروحك كتير
او ان جروحك بتاخد وقت طويل جدا

صابر وراضى said...

لسه فيه تكمله: وقوليله ياخد باله منك زى ماكنت انا بخاف عليكى ويحاول على قد مايقدر يحميكى ويحافظ عليكى.بس الشكل الجديد للبلوج حلو يا مسافر.سلامى لحد ما اقابلك ان شاء الله وسلملى على اللى عندك كلهم


بتـــــــــــــــــاع الجـــــــــاز

Aldenya said...

من قلبى وبكل صدق ادعو الله ان تجد قلب يعوضك عنى..وادع انت لى الله ان انساك...وانسى جرحك

قلبك شفاف جدا

أبعد الله كل ما يجرح قلبك عنك

e7na said...

يا جماعه هى فكره بس مش تعبير عن حاجه حقيقيه

e7na said...

ولاحظوا ان الى بتتكلم انثى
مش انا وربنا

BaTresYa said...

فكرة حلوة اوي.. دايما في أغاني بتحركـ مشاعرنا ..لدرجة انها ممكن تعيشنا في حالة حب او جرح ..وإحنا أساسا لسه مش لقينا الشريكـ :)

break said...

انا بحب الاغانى اللى بتعيشنى فى الحالة بتاعتها
احس انى بحب بكره ....كدا يعنى
فكرة البوست لذيذة
عجبنى اسم البلوج اوى(ولاد النهاردة)
تحياتى

wanna b a bride said...

كان نفسي يبقى ليا في أي حاجة من اللي انت كاتبها دي

بس أنا كله عندي فراق من غير مايبقى حتى فيه لقا

تحياتي

e7na said...
This comment has been removed by the author.
MaMaDo said...

بجد حلوه تقريبا شبه البوست الى عندى


تحياتى