Thursday, May 17, 2007

mars attack.................سى السيد

هجوم فضائى يجتاح جميع بلاد ومدن مصر من ذلك الكائن الغريب..الصغير فى الحجم ..سريع الحركه ..الذى لا يخضع لاى قوانين و اعراف بل هو يسير تبعا لاهوائه .انه شىء غريب حقا فله ثلاث يتحرك عليهم فى اتزان عجيب يصعب فهمه مع سرعته وانطلاقته القويه ولا يتوقف الامر عند ذلك بل يصل الى اصوات مريبه تشبه الى حد كبير بعض الالات الموسيقيه عندنا فى كوكب الارض يصاحبها صوت يشبه ايضا حيوانات الارض ليثير الفزع بداخلك حين تسمعه بالاضافه الى بعض الاشعه الحمراء والزرقاء والصفراء ..أشكال مختلفه وتصدر منه لترعب من يراه ..تشبه الاطباق الطائره
ذلك الكائن له ملمس جلدى غريب منقوش عليه بعض الرسوم المرعبه والطلاسم المخيفه تراها وهو ينقض عليك ..انه شىء غريب ظهر فجأه لا أحد يعرف له اب ولا أم ....انه ظهر سفاحا ..اشبه فى ظهوره بالسلعوه ..انه ينتشر كالجراد فى كل مكان لا يترك خضر ولا يابس الا طغى عليه
ماذا نفعل امام هذا الشىء المسمى بالتوك التوك ؟؟؟
لاتستغرب ولا تتحير انه شىء حقير طرأ على حياتنا بدون مقدمات ..طغى على كل شىء فعندما تهرب منه وتركب الميكروباص تجد الكسيت باغانى غنت خصيصا للتوك توك -توك توك ياصغير ..كل الناس بيستنوك-ألم يعد هناك سوى التوك توك حتى نغنى له ؟؟؟..بل امتد الامر لنطلق اسمه على بعضنا ودخل فى افيهات الافلام وأفردت له الصحف مساحات واسعه على صفحاتها حتى نوام الشعب -أقصد نواب الشعب - يتحدثون عن حقوق التوك توك
هنيئا لك ايها التوك توك ..لقد حزت على ما لم أحصل عليه كمواطن من اهتمام مجلس الشعب
يقولون عنه انه فرصه للقضاء على البطاله ألم يروا من يقود هذا الشىء ..انهم شباب -الا من رحم ربك-لايعملون عليه بل يقضون وقت راحتهم بعد عناء جلسات كيف البانجو والحشيش وللحقيقه هناك بعض الشباب الذى جعل منه وكرا لتعاطى البانجو والحشيش وممارسة الرذيله حتى اصبح قنبلة تمشى على الارض وليس كاسيت متحرك كما قلنا فى البدايه
نريد حل جذريا لهذا الشىء الذى يعتبر مصدر تلوث سمعى واخلاقى ومرورى وفعل مالم تفعله الحافلات العملاقه فى تعطيل حركة السير على الطريق ..
فهيا نقولها صريحه معا للقضاء على التوك توك
بقلم سى السيد

18 comments:

أبوسويلم said...

انا عن نفسى مش بحب اركب التوتوك بس بح اركب الحنطور درجن درجن واتحنطر الخ الخ......................

Anonymous said...

بصراحة يا سي السيد
ركوب التوك توك احسن من ركوب السواري
حقيقي ما اقدرش اعارضك خاصة واني النهارده الصبح تعجبت لمنظر اسطول التكاتك التي يعج بها الطريق
بس بلاش تهضم حقه علشان ماهو صغنتت يعني اهو احلى حاجة فيه انه قد الخنفسة وبيدخلق اضيق الاماكن
وبعدين ممكن يغنيك عن الجيم
لانك طول مانت راكب فيه بيرجرجك من الجنب دا لدا وممكن جدا بلفظك الى الخارج خلينا امناء مع بعض التجربة بتكون غنية بالاحداث والتوقعات
فبلاش نقف عند حقارته ووضاعته وبلاش النظرة الطبقية دي يا سي السيد
ولا علشان ما هو توك توك وصغير
واهو مسيره يكبر ويتنطط علينا
سي السيد
ابقى سلم لي على امينة
هو اللي كسر رجليها التوكتوك ولا السوارس
شكله كدا التوك توك
وعلى فكرة انا مش بازعل لما ماتردوش على دي حريات
وانا باحترم اراءكم ومواقفكم حتى لو في خلاف في وجهات النظر
او في طريقة طرح وجهات النظر دي
لكن عامة انا احييكم
واتمنى اني كل مادخل المدونة اجد جديد

خيرالدين said...

ابو سويلم
ايه يا محمد افندى انت بتسمع الاغانى دى طيب وبتقفوا وقفة الرجاله امتى
جميله
لا السوراس خبطتها لما الحسين ناداها فراحت تلبى الندا..بس سى السيد قالها انا مخلفتش رجاله يا امينه وبصراحه ابو سوسلم يفيدنا فى الموضوع ده اكتر
والجديد هيبقى موجود دايما
ياحلوه بوحريد

Anonymous said...

توك توك بالمصرى = توك واصل توك

وبالانجليزى توك توك يعنى اتكلم اتكلم

م الاخر توك توك تساوى السرعة ف الحدث

يعنى فعلا عصر السرعةو الفضائيات
وهجوم المريخ

يبقي نحاربه ليه يا سي السيد

سبحان الله
امينة وسي السيد
هو احنا اتشهرنا للدرجة دى
باضعف
هههههههههههههههههههه

Anonymous said...

بوست رائع وظريف بصراحة انا ما جربتش ركوب التوك توك دا ومش بشوفه الا قليل جداً بس مش عارفه ليه بحس انه ممكن يتعنقل وهو ماشي واكيد زي ماله سلبيات له ايجابيات يعرفها الناس اللي بيكونوا مضطرين لركوبه .
والمفروض الحاجات اللي زي التوكتوك دا يبقى لها تنظيم وما تكونش باسلوب عشوائي.
وبالنسبة للاغاني اللي بتتسمع في المواصلات دي حكاية تانيه خااااااااااااالص لان البتاع دا تقريباً هو الحاجه الوحيده من وسائل المواصلات اللي كانوا لسه ما غنولهاش
.

ـ نريد حل جذريا لهذا الشىء الذى يعتبر مصدر تلوث سمعى واخلاقى ومرورى وفعل مالم تفعله الحافلات العملاقه فى تعطيل حركة السير على الطريق ..
.........
عندك حق فعلا
/ احييكم وفي انتظار موضوعات جديده

mlame7.blogspot.com

Anonymous said...

ليه العنصرية دي يا سيدو...طيب ما عبدالوهاب غنى للقطار اللي لازم خميس وجمعة حد يتحرق فيه ...الست ليلى مراد كانت أذكى غنت للرايحين للنبي الغالي ومغنتش للراجعين أن العبارة بتغرق بيهم في الغالب...وبعدين حل جذري (غير البطاطا) ليه؟ التوكتوك بيقتل ناس كتير وبكده بيقلل المشكلة السكانية كمان بيقضي على البطالة بين الشباب لأنه بيموت برده الشباب اللي سايقينوه(غير بتاع الزمالك...اسف الأهلي حاليا)

خيرالدين said...

تخاريف دكتور
مش مللاحظ ان مفيش عندك علامات استفهام فى التعليق؟
ملامح
شكرا على الكلام الجميل ده
مش بتشوفى التوك توك اخطفى رجلك عندنا ومش هتشوفى غيره وبالنسبه لللركوب فيه مش هتلاقى فرصه للاختيار
زويل
عندك حق وكمان الست ام كلثوم طلبت من اسمه ايه ده يعتذر للغنم مش عارف ايه علاقة الغنم بالموضوع

Anonymous said...

طبعا لازم نواجه التوك توك ده بشده.دامشاكله كتير.ولسه ماقدمش حاجه للجماهير.ومستواه هابط.هوه مش الكلام على مجدى عطوه برضه!!!!!!!!!!!!!!!!.مع تحياتى

reri said...

التوك توك
تصدق ما كنتش متخيله إنه ممكن يكون عامل أزمه كده ... بس هقولك علي حاجه ... إذا كان السواقين بتوعه صايعيين وبيستخدموه وكر للبانجو والرذيله فالعيب مش فيه .. العيب في العقول اللي بتحول شئ ممكن يفيد الناس إلي سبب في كوارث .. التوك توك ممكن يكون وسيلة نقل داخليه في القري مثلا..إحنا اللي بنخرب أي شئ

سلاماااااااات يا سي السيد

انتظار مؤقت said...

اصدقائي اول مره ازوركم ..بلوج تحفه ربنا يوفقكم و ردو الزياره

Anonymous said...

مارس اتاك مارس اتوك توك هى مرس قصدى مصر ناقصة بلاوى

BaTresYa said...

على فكرة التوكـ توكـ دا في كذا بلد غير مصر ومنها الهند انا مره شفت التوك توك في فيلم هندي واقف في اشاره مرور وبنفس الوانه الرهيبه الاصفر والاسود التوك توك يا اخواني حد معاصر حدث في معظم بلدان العالم الثالث

سندباد said...

مساء الخير زيارة اولي لمدونتك لقيتك بتتكلم عن يوم الاستقلال والغزو الفضائي المرة الجاية هاتتكلم في ايه
تحياتي بوست دمه حفيف

أسوور said...

يمكن بالنسبة لك هو شىء غير ضرورى وليس له قيمة أو اهمية
لكن هو فى المناطق الشعبية وسيلة مواصلات حلت الكثير من مشاكل التنقل والإنتقال

هو بس مضايقك فى ايه؟؟؟
طب ما الميكروباصات سواقينها زفت ومحششين وكمان السيلرات النقل وخلافه

العيب فى السواقين مش فى وسيلة المواصلات

والسواقين فى بلدنا كدة .. هم كدة ومش عاوزين يتغيروا .. ايه الحل يا ترى؟؟؟
نلغى وسائل المواصلات؟؟؟

تحياتى

david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

K & T & B said...

هههههههههههه
انا شايف ان التوك توك جاااااااااامد جدا
اناطارق احد افراد شله احلام الشباب

حقى اهرتل said...

يا ريت الشعر كان يفضل بعيد عنى
وافوت ف الدنيا ع الهامش واكون جنى
ولا منى تقيد النار ولا اقيدها
يا لحن البدء ابعدنى انا منى

حقى اهرتل said...

يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر