Sunday, May 27, 2007

من امام التلفزيون ...ارسلها المسافر

كيف عرف المسئولون على قناة زووم الطريق الى هذه المنجم العظيم الذى يخرج هؤلاء المذيعين الافذاذ أم انهم تعاقدوا مع جهة توردهم بالدسته
حركاتهم أمام الشاشه تستفزك وتحرق دمك وقد تصيبك بالجلطه
وحينما تمتد يدك لتبتعد عنها ويدفعك حظك العاثر ان تشاهد قناة أخرى وهى مودرن تى فى لتتأكد اصابتك بالجلطه والذبحه الصدريه فى عرض مشترك
أصبحت متأكد ان هذه القناه مكانها وسط البلد وكل من يمر من امام الاستوديو ينادونه ليقدم فقرة فى القناه ..لن احدثك عن تمكنهم المريع من اللغه ولا عن حضورهم الطاغى والذى يخطف بصرك حتى تصاب بالعمى المؤقت ايضا


أتعجب من مذيعين ناجحين فى الاذاعه ما الذى يدفعهم الى كاميرات التلفزيون واذا كان الامر ضرورى والتجربه مصيريه فمن الضرورى أن يفرقوا بين أن يسمع الناس اصواتهم فقطوبين المشاهده وخاصة أن الشعب المصرى هو مكتشف التركيز....فى الشارع وامام التلفزيون وفى كل مكان
استضافت القناه فى اقل من شهر اكثر من نصف فنانى مصر والوطن العربى ولا يزال العرض مستمر
أطالب هذه القنوات ان ترفق بحال الشعب المصرى وترحمه من هذه المتعه اللامتناهيه فقلبه خفيف لا يتحمل

5 comments:

عبده الميكانيكى said...

الحمد لله انى انا بطلت اتفرج على التليفزيون بعد ما نصحونى الدكاترة علشلن ارتفاع الضغط والسكر وووووو وكمان علشان انا ماعنديش تليفزيون اصلا.... الحمد لله

صابر وراضى said...

انا طلع عين اهلى عشان اعرف اعلق على المقال ده نصيحه غير الشكل الجديد ده عشان تكون اسهل. وبعدين يعنى لازم تتفرج على زوم اتفرج على قناه اخرى رائعه مثل قناة النيل الازرق او اليمن

g_bouheerade said...

بصراحة فعلا الشكل الجديد للمدونة صعب جدا
بس اشمعنى انتم اللي هاتريحوا الزوار
واللي عجبوا يدخلكم على كدا اهلا وسهلا بس صحيح يا مسافر انت خلاص مش لاقي غير القناتين دول مش عاجبينك بلاش تغير عليهم دا بقى مفيش اكتر من القنوات
وانا لو منك وعايز اعصابك ترتاح خليك في الاولى والتانية
انت تعرفهم الاول
بس تجيب تليفزيون ابيض واسود موديل 75 وتتفرج اعصابك هاترتاح جدا
انا اصلي التليفزيونات الحديثة دي مش بتلقط القناة الاولى والتانية خالص
انت ممكن تعملك تليفزيون عمولة عند اي واحد سمكري
وبدل وجع القلب

اتفرج على الراديو وانت بتسمع التليفزيون احسن

e7na said...

اسف ياجماعه لو تغيير الشكل مضايقكم بس لو تعرفوا السبب هتستحملوا
احنا ناويين نشتغل المرحله الجايه فى الازرق فاللون هيساعد معانا
ارجوكم انتم كمان تساعدونا

mlame7 said...

فعلاً بجد عندك حق !!!
ويا ريت كانوا القناتين دول وخلاص؟؟؟
لالالالالالالالالالالالالالالالالالالالالالالالالالالالالالالا
دا في زيهم كتييييييييييييييييييير
والقنوات اللي الشاشه كلها شات
والقنوات اللي شرايط الشات وال SMS اخده نصها والقنوات اللي بتفضل اسبوع على سؤال أو فزورة وكأن كل مشاهديها مصابين بالعته!!!!
سبحان الله حاجه غريبه جداً .
ربنا يحفظنا

ليه ستايل البلوج اتغير؟؟؟؟؟؟؟؟؟؟؟
mlame7.blogspot.com