Saturday, July 21, 2007

عفوا........قصه قصيره

ربما يبدو الاعتراف مؤلما ولكن ماذا افعل بعد ان ضاقت امامى السبل ولم أجد سوى البوح ملاذا أخيرا
كنت أتأثر كثيرا حينما أستمع لمقارنة بين الواقع والاحلام
كيف يتجراون على عقد هذه المقارنه بين وردية الاحلام وألم الواقع
أعرف اننى متهم بالهروب
وأنا أعترف بذلك
فمنذ زمن بعيد وأنا أمارس هذا الهروب حتى أتقنته
ارى مشهد محمد الدره وهو يرفع يديه
فأهرب للنوم لأحلم بوطن يجمعنا
أرى مذابح قانا
فأرى فى أحلامى ألوان بيضاء لعالم خالى من الصهيونيه
مصور الجزيره وقدماه المبتورتان
فأذهب لنومى وأحلامى
كانت الاحلام ملاذى
هل قلت كانت ؟
نعم
حتى جاء ذلك اليوم الذى خلدت فيه لنومى وجائتنى الرساله
عفوا لقد نفذ رصيدكم من الاحلام
يرجى اعادة شحن البطاقه

31 comments:

Abeer said...

بجد رائعة ومعناها وصل
وكلنا بنهرب من واقعنا بالاحلام
بس زي ما قلت
الخوف
ان نصحى في يوم نلاقي الحلم باة مستحيل

**mlame7** said...

بصراحة مش لاقية تعليق اقوله !!!!!!

اسلوبك اكثر من رائع

والقصة رائعة

ربنا يوفقك
والى الامام دائما

دكتور كسلان said...

بدل ما تشحن
ابقى قول لى وانا احولك وانا نايم

Anonymous said...

روعه بجد و الله
يا رب حقائقنا تبقى احلى من احلامنا يوما ما و ياريت اليوم ده يبقى قريبا

horas said...

شيء مرعب فعلا ان تنفذ احلام النوم لكن الأكثر رعباً ان تنفذ أحلام اليقظة

خيرالدين said...

abeer
ساعتها نعمل ايه بقى ؟

mlame7
شكرا يا ملامح على الك-لام الجميل ده

دكتور كسلان
اتصلت بيك ولقيتك نايم

محمد
شكرا على اول زياره ويارب نكون عند حسن ظنك دائما

horas
وما أقساه من شعور

كراكيب عادل said...

عجبني الاسلوب دة

لا والنهاية اجمل

أبوسويلم said...

لن يغير الله ما بقوم حتى يغيروا ما بانفسهم
خير الكلام ما قل ودل
ربنا يوفقكفى القادم دايما
وابقى خلى كسلان يحولك زى ما قال علشان هو خبرة فى الحاجات دى

yasmina said...

لطالما كانت الاحلام ملاذا واملا بمستقبل افضل فلا تحزن
ولا تجعل رصيدك ينفذ منها
اجعل منها طريقا للوصول الى تحقيق الاحلام في الواقع

تحياتي

hoda omran said...

وجعتنى يااحمد
..........
ما اروع اسلوبك
:)
انا جيت خلاس

ما علينا said...

فعلا يا احمد
قصتك مؤلمة جدا

واجمل مافيها وفي نفس الوقت هو اكثر ما فيها الما

نهايتها الساخرة

لحظة ما قراتها ووصلت لنهايتها ما ضحكتش
افتكرت جزء من تتر ليالي الحلمية

ليه يا زمان ما سيبتناش ابريا
وواخدنا ليه في طريق مامنوش رجوع
آآسى همومنا تفجر السخرية
وأصبى ضحكة تتوه في بحر الدموع

كبرنا وادراكنا للواقع اصبح اقوى من ان احلامنا تقدر تموه صورته

كلنا جات لنا لحظة نفاذ الرصيد
واللي ما وصلهاش مسيره يوصلها
المهم نلاقي منافذ لبيع كروت اعادة الشحن

ta5areef said...

عفوا
لا تعليق

DARK said...

الله .. الفكرة حلوة أوى
بس فيك تحول الحلم حقيقة؟

Unknown said...

الموضوع رغم قصره بس رائع
الحلم شئ رائع لو موجود .. و أروع لو تحقق
و لا أسوء من أن نعيش بلا أحلام سوي أن يغتال أحلامنا الأخرون

Ert3ashat said...

تفتكرهتتشحن
لنا الله

ليكي عندي تاج

Anonymous said...

لو بطلنا نحلم نموت


و انا بطلت أحلم مؤقتآ

لو الحال أتحسن ح أرج أحلم

و لو لأ يبقى ح أفضل ميته

________

موضوع جامد بجد

خيرالدين said...

كراكيب عادل
شكرا على الرأى اللى يشرفنى

أبوسويلم
ايه النور ده

yasmina
نتمنى أن يحدث ذلك قريبا

همسات
سلامتك وعود حميد

ماعلينا
دورت على تحويل رصيد حتى مش لاقى

تخاريف دكتور
انت بتريح نفسك ولا ايه؟

dark
ياريت نقدر قريب

أنونيمس
يظهر مش باعرف اكتب حاجه طويله
منورنى

ارتعاشات
منور

sarah daw
الاستاذه ساره بنفسها بتعلق عندى لتانى مره
يا دى الهنا

Unknown said...

ما عندها حق شركة التليفونات تقولك كدة بقالنا 100 سنة بنحلم ومافيش واقه كله أحلام كان لازم الرصيد يخلص

ربنا يستر ونشحن الواقع قبل ما يخلص رصيدنا في الحياة

مختصرة ولكن جميلة

تحياتي

احساس لسه حى said...

لو عشنا على الاحلام لم نغير الواقع يا ريت احلامنا تكون جزئ من واقعنا علشان نعرف فى الحلم ازاى نغيره فنغيره فى الواقع
سلاام

linda said...

الواقع والأحلام

الحقيقة والأوهام

شيئان متلازمان ولكنهما متضادان
لا اعلم ان كنت استطيع الجزم بان الكدب هو الحل في ازماتنا هده
ومع هدا الكدب على نفس لن يجدي

حقا قد مررت كتيرا بموضوعك هدا ولم اجد تعليقا سويا

فأعدرني

semsem said...

عاوزة اقول كلمه واحده بس
رصيد احلامنا مبيخلص
الا لم بتنفذ قدرتنا على تحقيق هذة الاحلام

فالحلم جزء
والباقى تحقيقه

وان كان الحلم الكل

اسمحلى فقد نفذ رصيد احلامنا جميعا

خيرالدين said...

fanan
قولى لهم
فيه ناس مش بتحب الاختصار

احساس
أكيد يوم االاتنين هيبقوا واحد

linda
شكرا على تشريفك ورايك الجميل

semsem
والله انا شاكك ان الاتنين نفذوا

loza said...

وردية الاحلام وألم الواقع
فعلا هناك فرق كبير بين احلامنا الورديه والواقع المؤلم ..
لكن للاسف عليا الخروج من قوقعة الاحلام والاستضام بالواقع ...

لكن عموما الواقع مش كله مر ومؤلم في حاجات حلوه كتير .. اولهم ان نلاقي عل ارض الواقع ناس تقول كلام حلو زي حضرتكم كده

تحياتي

نهر الحب said...

الحياه بدون احلام ليست حياه

تحياتي

نهر الحب said...
This comment has been removed by the author.
Radwa said...


فمنذ زمن بعيد وأنا أمارس هذا

الهروب حتى أتقنته

ويمكن ما بقيتش بعرف اعمل غيره
ممكن اهرب نفسى علشان ما اوجههاش
صح ولا ايه

اسلام رفاعى said...

جميلة اوى
........................
سعيدؤبزيارة مدونتك اتمنى تشرفنى فى مدونتى

اسماء العريــان said...

جميله :)

LAMIA MAHMOUD said...

هفوا لقد نفذ رصيدكم من الحياة:(

خيرالدين said...

loza
حتى الاحلام مهما كانت جميله بنصحى من النوم فى الاخر
شكراعلى كلامك الجميل


نهر الحب
والحياه بهذا الالم ليست آدميه

سندريلا
صح يا أستاذه
اسعدنى مرورك

اسلام رفاعى
وأنا أسعد

أسماء العريان
شكرا على الزياره الجميله

lamia
زيارتك الجميله أنارت المدونه

بنت القمر said...

اولا شكرا على الزيارة والتعليق عندى تانيا على فكرةاصعب الاحلام اسهلها!!!!!!!ا