Friday, July 27, 2007

القراءه للجميع ..ماعدا الدمايطه

لا أنكر اعجابى بمشروع القراءه للجميع ومع كل عام انتظر ان يصل المشروع الى

محافظتى وينتهى العام ولا أرى شيئا




فى هذا الموسم شاهدنا جميعا الحمله الاعلاميه الضخمه التى تصاحب المهرجان هذا العام والحشد الكبير من نجوم كل المجالات خاصة المثقفين منهم-باستثناء عصام الحضرى طبعا-وزرت القاهره ورأيت الاعلانات المنتشره فى كل مكان فضحكت على نفسى وصورت لى ان المهرجان اقترب من دمياط




الاعلانات منتشره فى المنصوره

وبورسعيد




ابحث فى شوارع دمياط


رأس البر




ولا اعلان





يبدو ان دمياط لا علاقه لها فى اذهان القائمين على المشروع سوى بالموبيليا

والحلويات فقط




وأخيرا منك لله يا حضرى كنت عرفهم اننا بنعرف نقرأ

18 comments:

ما علينا said...

هم يظهر اكتفوا بوجود الحضري في الاعلان وقالوا كدا كفاية على الدمايطة

واهو عصام مندوب عن دمياط كلها
يعني بدل ما ينزلوا الاعلانات في دمياط
حطوا دمياط في قلب الاعلان

عيني علينا
ولا شفنا الاعلان
في محافظتنا
ولا في مندوب من عندنا ظهر فيه

ولا يمكن وانا ما اعرفش ؟

تخاريف دكتور said...

على فكرة الاعلان السنة دى حلو قوى بتاع القراءة للجميع
يمكن علشان كده موصلش المحافظات النائية؟؟

فلاحين

david santos said...

My friend, I make votes so that you have a good weekend

ما علينا said...

على قولك يا دكتور
نظرية برضوا
هم من ناحية فلاحين
فلاحين ونص

ياي ايه دا
مش فاهمة ازاي لسه
الصنف دا موجود
وما انقرضش لحد دلوقت
حاجة صعب اوي الفلاحين دول

سلام يا دكتور
واوعى تكون بتكلم فلاحين

دكتور كسلان said...

يعنى هما بيحطوا فى الاعلان ايه غير صورة ماما سوزان
يعنى قلته احسن

zelaaaaaaaaaaaky said...

ياعم قراءة ايه اللى للجميع هوا الجميع لاقى ياكل ولا يشرب اما هيقرا (وسلملى على عصام الحجرى)

الطائر الحزين said...

ارسل برقية للسيدة سوزان وهتلاقى كل حاجة تمام

horas said...

عدم وصول فاعليات القراءة للجميع الى دمياط لا يعنى استثنائها منه فهناك العديد والعديد غيرها من المحافظات لا يصلها اى خبر عنه وهناك مناطق داخل العاصمه نفسها لا تعلم عنه شيئا ويا سيدى الفاضل من يقرأ لا يحتاج مهرجانا ولكن من يرعي المهرجان ويتولاه يحتاج بروباجندا وتحسين صورة..تحياتى

Salma said...

هيه حاجه غريبه صحيح بس ولا يهمك :) و ان شاء الله هتوصلوكوا الاعلانات, و بعدين الغايب حجته معاه :)
على فكره أنا كتبت بوست عربي.في انتظار زيارتك

ما علينا said...

بصراحة
انا جاية ارجع الحق لاصحابه
واحقاقا للحق
ومن باب الأمانة

باقر واعترف
اني طلعت مخطئة

واني اكتشفت ان المحافظة عندنا
ملغمة باعلانات
مهرجان القراءة للجميع

واكتشافي دا كان النهارده
لما دققت في اللوحات الاعلانية المختلفة الالوان
المعلقة على اعمدة الانارة
على طول الطريق

بس دا حيرني
لاننا فلاحين
وبرغم كدا الاعلان وصلنا

الا ما نكونش فلاحين يا دكتور
ولا يكونوا عاملين
مهرجان قراءة مصورة
يعني كتب صور وبس

e7na said...

ما علينا
طلعت اعلانات بس مفيش كتب

تخاريف دكتور
اه الاعلان فيه ناس مثقفين زى الحضرى ومتعب وتامر حسنى ويسرا

david santos
انت فاضى يا حاج

الطائر الحزين
بعت الرساله بس الرصيد كان لسه خلصان

zelakyyy
ايه الافكار السوده دى ده هيصرفوا ميه معدنيه مع بطاقة التموين

horas
سيبك الثلاجه الحلوه متتعوضش

salma
كان لى الشرف انى اكون اول معلق عليه

Abeer said...

احنا عندنا الاعلانات مغرقة الدنياااااا بشكل مش عادي

بس على راي واحد بيفهم .. القراءة للجميع .. في بلد نصها اميين
بلا خيبة

e7na said...

abeer
انا اكتشفت انها الاعلانات للجميع


انما لماذا لم يكن لنا حظ فى توزيع الاعلانات فقد تفضل الدكتور وليد بشرح وجهة النظر الحكوميه

فلاحين

ماشى يا وليد

انا باكرر اسمك واخد بالك

Geronimo said...

يابنى دة كلة شغل نصب وضحك ع الدقون يعنى هوة تامر حسنى عمرة مسك كتاب؟؟ جت على الحضرى

bedo said...

مفيش حد فاضى للكلام ده ياعم القاضى

hazem nokhala said...

رغم انك متضايق من عدم وجود الاعلان فى دمياط ، الا اننى كنت اكثر ضيقا بوجود الاعلان فى بلدى بورسعيد
بصراحه كنت شايف انها اهدار للمال بطريقه مستفزه وخاصه ان النتيجه من وراء تلك الحمله صفر

تقريبا يكاد لا يخلوا عمود اناره من وجود تلك الاعلانات
وهى اعلانات كان واضح جدا انها تكلفتها عاليه
كان اولى بهم انفاق تلك الاموال فى اشياء اخرى اكثر نفعا للمواطن اللى مش لاقى ياكل
واكيد بحثه عن لقمه العيش بياخد كل وقته وبالتالى مفيش وقت للقراءه

Anonymous said...

لى يا شباب اخدين فكرة وحشة كدة عن الدميطة هوا كل الى فبالكوا ان احنا نتنين وجيفين واغبية وجهلة مهو انتو متعرفوش الاكلام بس متعرفوش عنهم حاجة جربتو تنزلو تشوفو هما عيشين ازاى هما بيعملو الضيوف ازاى لالالا دا الى اتعلمتوة من الدين تشتموة فى الناس كدة جربوة تصحبو حد دمياطى كدة حتة لو على شات وبعدها شوفو مين الجاهل من المتعلم وعلى فكرة الحضري بادء من مفيش وشوفو بقا اى وغيرة وغيرة وغيرة من الدميطة (الناس الجهلة)هههههههههههههههههههههه والله عيب علينا نوعد نشتم فبعض كدة

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘