Tuesday, July 24, 2007

سرى للغايه....عن يسرى فوده نتحدث

انه صاحب سرى للغايه ذلك البرنامج المثير الذى أعاد للأذهان صورة الباحث عن الحقيقه الساعى ورائها وقد شارفت هذه الصوره الجميله المتعبه على الانتهاء
انتقل من البى بى سى الى الجزيره
درس الاعلام وقام بتدريسه فى جامعة القاهره والجامعة الامريكيه
عتمد منذ انتقاله الى قناة الجزيره أن يتطرق الى موضوعات شائكه
فى رحلته الى جوانتاناموالتى كشفت العديد من الجوانب الخفيه .ويقابل رمزى بن الشيبه وخالدشيخ محمد فى كراتشى ليلقى القبض عليهم بعدها وتصدر القاعده بيان تبرأ فيه سرى للغايه والجزيره من تهمه تسهيل الكشف عن مكانهم ....لقائه معهم معصوب العينين لم يمنعهم من مداعباتهم بأنه يصلح ان يكون من رجالاتهم لذكائه الحاد
يدخل الى ملف اغتيالات العلماء العرب وخاصة العبقرى المصرى يحيي المشد ليثبت فى برنامجه بالادلة القاطعه ضلوع الموساد فى هذه الجرائم وعجز الانظمه العربيه عن الرد بل وتجاهلها للامر برمته ولا يتردد وهو يسخر من هذه الحكومات المنشغله بأمور أكثر اهميه
يتسلل مع المتسللين من البلدان المحيطه للعراق لنرى معه على بصيص ضوء الكاميرا المحموله كيف يذهب هؤلاء الى الموت بأرجلهم ولماذا يذهبون وباى قضية يؤمنون
يتحدث عن الطرق الصوفيه وأخطارها
لم تكن صورته عند البعض هكذا فقد وصفته العديد من مواقع الانترنت بالجاسوس وارجعت اليه المسئولية عن الكشف عن افراد القاعده وحذرت مجاهدى العراق من لقائه
لكن يثير هذا الرجل تساؤلات عديده مع كل حلقه يظهر فيها اين هو من الداخل المصرى ولماذا يتجاهل هذا الأمر...كم تمنيت ان يفتح هو ملف التعذيب فى اقسام الشرطه.نرجو منه ان يلتفت الى مصر

22 comments:

دكتور كسلان said...

اناقلت اعلق لك اول واحد
معلهش مش هالحق اكمل
انا رايح اصلى العصر
يبقى انااكيد فى مصر
هههههههههه
نلتقى بعد الفاصل

ما علينا said...

الحق قبل الدكتور ما ييجي
واضح ان الفوقة بتجيلك في دنيا التدوين يا دكتور

بالنسبة للموضوع بقى

اعتقده مش ناسيها
اصل مصر اساسا مش محتاجة حد يتكلم عنها

مصر تتحدث عن نفسها
هايقول ايه هو زيادة
وادلة ايه اللي هايثبت بيها
هو احنا محتاجين ادلة
ما الادلة مننا فينا

عارف
انا كرهت كل البرامج الحوارية
وكل الجرايد والصحف

المصداقية انعدمت
واللي بيهللوا ويعارضوا
شوية وتكتشف ان مفيش حاجة ببلاش
وتكتشف عالم الصفقات
والاتفاقات اللي من تحت الترابيزة
عك كتير كدا

الاعلام الموجه مش غريب علينا
حتى الجهات التي تدعي الحرية
تجدها لها اتجاهات محددة واغراض محددة

الخلاصة يعني
كل اللي هم بييجوا ويعملوا انهم
فجروا قضايا وقنابل
بيكون هو دا المسموح بيه انه يخرج للنور

زي المزادات
لما تنزل حد قصادك يعلى السعر لمدى معين
وبعد كدا يقف

طبعا عارف ان دي مجرد وجهة نظري الشخصية
وعارف اني هنا باخد راحتي
ما انتم دلعتوني من الاول
استحملوا بقى

aliaa said...

يسرى فودة مش بيتكلم عن الحكومات العربية بعينها هو مجرد انه بيتكلم عن القاعدة او اى شئ اخر لكن ميقدرش انه يتكلم عن الشرطة واللى بتعمله فى الناس فى مصر لان الشرطة فى مصر تعنى وزارة الداخلية والداخلية يعنى السيد حبيب العادلى وبكده نقف لحد هنا لانه مش هيقدر يعمل حاجة ومفيش حد هيتكلم اصلا هنا ولا فى موضوع زى ده هو علطول اول ما يفتح بوقه هيكون معتقل
فعلى ايه ؟

zelakovich said...

تعذيب ايه اللى هيتكلم عنه فى مصر
ولكم فى هويدا طه عبره يا أولى الألباب
وبعدين الموساد وجانتانامو أرحم من
حبيب قلبك

واسأل عماد اللى كان كبير

Abeer said...
This comment has been removed by the author.
Abeer said...

في نوع من الديموقراطية الممارسة جديدا
وديه المسموح بيها من الحكومة
عايز تتكلم عن القاعدة براحتك
لكن تتكلم عن امريكا بحدود
وهكذا
الحكومة .. نقط معينة تمسها

Abeer said...

في تاج عندي لييييييك

همسات said...

جميل اوى يااحمد طريقة تناولك للموضوع
والشخصية بس هو يمكن مش بيتناول الداخل المصرى لأنه مصرى
ممكن
زى مالجزيرة بتتجاهل فساد الداخل القطرى عشان قطرية يمكن
عالعموم الايام هتورينا

دكتور كسلان said...

عدنا
ماعلينالوسمحتى عايز احسدك ع النشاط اللى يخليكى تكتبى الكلام ده كله
بالنسبة للموضوع
اناشايف ان ده مش تقصير من يسرى فودة
انت نسيت هويدا طه
وحتى لو عمل موضوع عن مصر
ياعم دول ناس معندهمش دم
ما هى مصر مليانة بلاوى ومفيش حد من الحكومة بيتحرك
وبعدين هو عمل قبل كده حلقة عن مذابح الاسرى المصريين
وعن اغتيال الدكتور المشد زى مانت قلت
ومفيش حد عمل حاجة
وعلى راى حسب الله الكفراوى
ربنا يهديهم يا ياخدهم
وانا بقول ربنا ياخدهم

اول مرة اكتب تعليق طويل هه

Sarah Daw said...

بتتمنى من أيه بس

هى دى بلد الواحد يتمنى فيها حاجة زى دى

ما هو لو أتكلم عن الموضوع ده ممكن أنت و كل النا مش يشوفوه ولا يسمعوه تانى

ربنا يقوينا و يرحمنا
____

لكن بجد بوست هايل

horas said...

انا بضم صوتى لصوتك وبناديه يتكلم عن اى فساد ف مصر مش شرط التعذيب..قلة المياة..اضرابات العمال..الفساد التعليمى..الفساد الصحى..كل موقع وكل مكان فيه فساد والمفروض كشفه وفضحه بكل الطرق مهما كانت النتايج

klmat said...

فى الحقيقه انا ماشفتش
االبرنامج بتاع يسرى فوده علشان
كده مش حاقدر اعلق عليه
بس انا عايزه احييك على المدونه
من اول اسمها الى كل ماكتب فيها
مفيد وطازه
طبعا مش اولاد النهارده
تحياتى وسلامى

e7na said...

دكتور كسلان
بأضم صوتى لصوتك
ربنا يخدهم

ماعلينا
الاعلام لايمكن انكار دوره وبرغم كل الشخصيات المستفيده من المواقف العنتريه انما فيه ناس شرفاء بتكتب من اجل الحريه ومصلحة البلد
ربنا يطول تعليقاتك كمان وكمان

aliaa
شكرا على المرور الكريم
والخوف من الاعتقال مش هو السبب

zelako
العائله الكريمه تمطرنا بتعليقاتها العظيمه

abeer
التاج ممنوع والزعل مرفوع

همسات
وربنا منورانى

sara
أمين
والله زياراتك دى سعاده كبيره ليا

horas
هنخاف من ايه ؟؟هيحصل لنا ايه اكتر من كده

klmat
الشهاده دى وسام على صدرى

وينكى said...

حفلة ايامنا الحلوه يوم الجمعه27 يوليو الساعه8:30 بساقية الصاوى..قاعة الحكمه
اكبر تجمع بلوجرى اوعوا يفتكوا
Blogger Radio Station

مروة جمعة said...

صباح الورد
أنا بجد أول مرة اعرف يسري فوده
يمكن لأني متقوقعة داخل إعلامنا المصري الجميل -طبعا طبعا!-أجمل حاجة انك تفتش عن المنسي ..وتدور عليه
وتكشف المزيفين برضه
تحياتي

e7na said...

وينكى
تأكدى انه هيفوتنا لانى مش قاهرى


مروه جمعه
عارف انا قصدك مين بالمزيفين ...ولا بلاش أقول لا يزعل
تعليقك نورنى

تخاريف دكتور said...

باشا
ليك تاج عندى
وعايزه يلف ع الرجالة واحد واحد
هه؟؟

R.O.U.R.O.U. said...

post gmil fe3lan,bs yosry foda yelteft lih masr,la la la,mate7salsh fi masr abdan

Ert3ashat said...

انا بعشق البرنامج ده
جداااااااااااااااااااااااا


بجد احييك اوييييييييييييييي

أبو سويلم said...

اولا انيك يا برنس على فكرة التدوينة
ثانيا انا شايف انه ما بيغفلش مصر فى برنامجه لان فيه حلقة عن تعذيب الاسرى المصريين فى اسرائيل واخرى عن المشد ويمكن انت شايف كده لان برنامجه مش دورى وبييجى على فترات كبيرة
ثالثا انا مستغرب من الناس اللى بيشككوا فى يسرى فودة وفى الجزيرة لان انا لا اعتقد ان اعلامى ناجح زى فودة يخاف من الامن لانه ببساطة عنده الف بلد يعيش فيها وبحريته
اما بالنسبة للجزيرة فاحب اقول انها اكبر انجاز صنعه العرب فى العصر الحديث وستثبت الايام على المستوى البعيد ذلك وحينها يقال أبو سويلم قال

أبو سويلم said...

معلهش ابقى زود الهاء الناقصة واحذف التعليق ده لان انا ما اخدتش بالى الا بعد ما نشرتها

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘