Thursday, July 5, 2007

روتانا وسبق جديد




بعد مفاوضات استمرت شهور عديده حصلت شركة روتانا على توقيع أيمن الظواهرى الرجل الثانى فى تنظيم القاعده وبمقتضى العقد تحتكر الشركه كل اعمال وحفلات وخطابات الظاهرى الصوتيه والمصوره
وياتى التوقيع كصدمة جديده يتلقاها كل من نجيب ساويرس وجمال مروان ضمن منافسات الثلاث شركات فى احتكار اعمال كل نجوم الساحه الفنيه
وفى المؤتمر الصحفى الذى حضره لفيف من نجوم روتانا والاعلاميين والصحفيين .رحب زملاء الظواهرى بانضمامه لهذا الصرح الفنى العظيم وتناوب النجوم فى التقاط الصور التذكاريه مع الزميل الجديد

وقالت جومانه ابو عيد الصحفيه ومذيعة روتانا والتى أدارت الحفل ان الحدث كبير ويستحق العديد من الاحتفالات والمؤسسه التى تتبعها لن تتوقف عن ضم النجوم الكبار والموهوبين الشبان كل سواء



وقال الظواهرى فى كلمته انه رغم خلافاته مع بن لادن بسبب هذه الخطوه والذى كان يتمنى ان ينشأ شركة انتاج تتولى انتاج اعمال كل منهما وتبعدهما عن الاحكتار الا أنه-الكلام للظواهرى-رأى ان روتانا ستحقق له الدعايه الكافيه والانتشار المضمون وأبدى حزنه لحرمانه بعد هذا التعاقد من ظهوره على قناة الجزيره القطريه والتى تعود معجبوه على مطالعة اعماله من خلالها

وقال ابو خطاب مسئول رابطة محبى الظاهرى ان هذه الخطوه كان لابد منها وانها انتصار لرابطته على رابطه محبى عمرو دياب ومحمد منير

وجدير بالذكر ان الظواهرى سينتقل للاقامه فى لبنان ويبدأ بلقاء عدد من الشعراء والملحنين ليستقر على اغنيات الالبوم الجديد
وأكد سالم الهندى المسئول فى روتانا ان الشركه تلقت العديد من التهديدات من منظمات استخباراتيه لوقف صفقه الانتقال الا انه راى ان الفن الهادف يستحق المغامره
فى حين أبدى مصدر بالموساد رفض ذكر اسمه استياءه من الصفقه واصفا روتانا بتمويلها للاعمال تخريبيه على حد وصفه

9 comments:

ta5areef said...

يبدو ان روتانا اتعاقدت مع عدلى القيعى
شوفلما الموضوع ده يمكن نرتاح

Radwa said...


انا مش فاهمه حاجه ايه المشكله لما تتعاقد روتانا مع الظواهرى ولا حتى مع ابن لادن

يا عم كبر مخك دول اساسا ناس كده مع بعضهم زيتهم فى دقيقهم يعنى

وبعدين دى روتانا سنيما ياراجل
مش هتقدر تغمض عنيك

ما علينا said...

مسخرة ....صحيح
مظبووووووووط

فعلا يا دكتور
ما بيخلص الصفقات كدا
الا القيعي

خيرالدين said...

تخاريف دكتور
عدلى القيعى ولا مهندس صفقات ولا حاجه شوف كده كل الصفقات اللى عملها للاهلى من عينة كاسيللو وماكى واحمد عادل وافيلينو واحمدرضوان وعمرو سماكه والناس العظيمه دى

خيرالدين said...

sendrlla
يبدو ان الفكره موصلتش لحضرتك انها تريقه

خيرالدين said...

ماعلينا
شدى حيلك فى الامتحانات

عبده الميكانيكى said...

بس ياترى اول كليب نازل امتى ؟؟ وياترى هيكون فيه مين بيرقص معاه ؟؟

S H A H said...

انا بعد ما قريت الكومنتس كمان اتأكدت ان الموضوع بجد

انا هبقى اصوتلو بمسجات بقى لو دخل مسابقات و كدة

Anonymous said...

محسن جابر اعلن التحدى وتعاقد مع عبود الزمر مع انهلسه فى السجن