غباء الآخرين

نعم انه ذلك المقهى الشهير بحواراته الساخنه وارائه الجريئه ....دعونا نقترب

انا مش عارف ايه يااخى اللى مصبرنا على الهم ده؟...وهنفضل ساكتين لامتى؟-
انت متاثر قوى ليه؟ انا اول مره اشوفك كده-
الموضوع زاد عن حده قوى يامنصور-
عندك حق والله الناس كلها بتتقدم واحنا مشغولين بالخناق ومش عارفين ناخد قرار واحد-
ايوه حطيت ايدك على اهم نقطه ...عاوزين قائد يقدر يلمنا حواليه زيهم-
قدروا يقفوا صف واحد ويبقوا ايد واحد واحده .فوصلوا بسرعه-
احنا بنحارب فى كام جبهه وكل ما واحد يفلح يخطفوه -
لا يامنصور ماهو احنا اللى مش بنقدرهم -
بنقدر مين ياعم ؟ ماعندك المدافعين كلهم جايين بشىء وشويات -
مدافعين؟؟؟ انت بتتكلم عن ايه؟-
عن الزمالك طبعا هو فيه غيره اللى مبهدلنا معاه ....امال انت مفكرنى باتكلم على مين؟-
ده انا دماغى راحت لبعيد خالص .واستغربت اول مره اسمعك بتتكلم فى السياسه

-
يرتفع صوته وهو ينطق بكلمه السياسه فيلتفت من حوله فى المقهى مذعورين من غرابه الكلمه

سألتنى ابنتى

سألتنى ابنتى

أبى.... هل كانت كليوباترا غانيه؟؟

وهل كان فاروق عربيدا

وماذا عن محمد نجيب

هل كانت حرب اكتوبر ضربة جويه فقط

وماذا فعل الاخوان لمصر

لكنى

لم أرد

وزادت حيرتها

ملحوظه:لاداعى للاجابه

وانا فى الميكروباص

امبارح وانا فى الميكروباص

السواق طلع لزق وقعد يلزق فى الفلوس والشارع زحمه

وكان فيه ام عماله تدلع ابنها لانها كانت رايحه المستشفى

وكان فيه شباب عمال بيستظرف

مش عارف ليه وسط ده كله

افتكرتك

مين هناك

حائر انا كعادتى فى الايام الاخيره.....أنهض من فراشى بجسد متكاسل وأنظر الى وجهى فى المرآه وأسألنى ماذا أريد ؟؟؟

وما الذى اصابنى ؟؟؟
تفاجأنى صورتى متعجبه ومندهشه وتسألنى هى الاخرى سؤال يزيد حيرتى
من أنت لتسألنى كل هذه الاسئله ؟؟؟؟؟؟
أنظر اليها وقد تذكرت

صحيح هو انا مين؟

كادر فى الالولو

الكادر....الكادر....الكادر

دكاتره ومدرسين ....قاعدين مستنيين

ولا جاى شمال... ولاجاى يمين

مع الاعتذار للعنب والخيار

روتانا وسبق جديد

بعد مفاوضات استمرت شهور عديده حصلت شركة روتانا على توقيع أيمن الظواهرى الرجل الثانى فى تنظيم القاعده وبمقتضى العقد تحتكر الشركه كل اعمال وحفلات وخطابات الظاهرى الصوتيه والمصوره

وياتى التوقيع كصدمة جديده يتلقاها كل من نجيب ساويرس وجمال مروان ضمن منافسات الثلاث شركات فى احتكار اعمال كل نجوم الساحه الفنيه

وفى المؤتمر الصحفى الذى حضره لفيف من نجوم روتانا والاعلاميين والصحفيين .رحب زملاء الظواهرى بانضمامه لهذا الصرح الفنى العظيم وتناوب النجوم فى التقاط الصور التذكاريه مع الزميل الجديد

وقالت جومانه ابو عيد الصحفيه ومذيعة روتانا والتى أدارت الحفل ان الحدث كبير ويستحق العديد من الاحتفالات والمؤسسه التى تتبعها لن تتوقف عن ضم النجوم الكبار والموهوبين الشبان كل سواء

وقال الظواهرى فى كلمته انه رغم خلافاته مع بن لادن بسبب هذه الخطوه والذى كان يتمنى ان ينشأ شركة انتاج تتولى انتاج اعمال كل منهما وتبعدهما عن الاحكتار الا أنه-الكلام للظواهرى-رأى ان روتانا ستحقق له الدعايه الكافيه والانتشار المضمون وأبدى حزنه لحرمانه بعد هذا التعاقد من ظهوره على قناة الجزيره القطريه والتى تعود معجبوه على مطالعة اعماله من خلالها

وقال ابو خطاب مسئول رابطة محبى الظاهرى ان هذه الخطوه كان لابد منها وانها انتصار لرابطته على رابطه محبى عمرو دياب ومحمد منير

وجدير بالذكر ان الظواهرى سينتقل للاقامه فى لبنان ويبدأ بلقاء عدد من الشعراء والملحنين ليستقر على اغنيات الالبوم الجديد

وأكد سالم الهندى المسئول فى روتانا ان الشركه تلقت العديد من التهديدات من منظمات استخباراتيه لوقف صفقه الانتقال الا انه راى ان الفن الهادف يستحق المغامره

فى حين أبدى مصدر بالموساد رفض ذكر اسمه استياءه من الصفقه واصفا روتانا بتمويلها للاعمال تخريبيه على حد وصفه