Thursday, March 29, 2007

التخديلات الدستوريه..طبق اليوم.....مفروس افندى

التخديلات الدستوريه
انتاج المطبخ السياسى المصرى
التاريخ 16/3/2007
الطهاه العائله الحاكمه وحاشيتها
المقادير
كثير من البهاله
مقدار معقول من الأونطه
ملعقتين استبداد
كوب توريث
فنجان كبير كبت حريات
طريقة التحضير
مطلوب ناس نايمه وسلبيه .دول اللى هيأكلوا الطبخه
مجموعه من رجال القانون يقف ابليس متواضعا أمام عبقريتهم
جهاز أمنى فهمه على قده ...ينفذ وبس
اخلط هذا المقدار ببطء يطلعلك ناس مفرومه بنكهة التعديلات الدستوريه
النتيجه
هذه التخديله لها قدره عجيبه على تغيير الاشياء تقدر تنقلك فى لحظه من بيتك الى منتزه طره وكان الله بالسر عليم
كما أن لها تأثير كبير على المراه بقدونس الحياه تحشرها فى كل حاجه لما ممكن يطلع لها شنب فى الاخر من كتر المساواه
الآثار الجانبيه
يصاحب هذه التخديلات بعض الهلاوس ..يعنى ممكن تاكلها النهارده وانت بيحكمك واحد اسمه محمد تصحى الصبح تلاقيك بيحكمك واحد اسمه جمال
فى كل أكله يقول الطهاه بالهنا والشفا لكن للأسف فى أكلتنا دى الطهاه قالوا بال......الهارى

14 comments:

محض روح said...

وكل الظروف مواتيه لصنع طبق زى ده
ومش كده وبس لولائم من الاطباق المشبه
خلاص مبقاش فيه فيده
هناكل ياعنى هناكل

أمــانــى said...

واى طبيخ مش فى ناس هتاكل من غير ما تسأل على نوع الطبخة ايه ومش بتفرق معاهم
ربنا يرحمنا من عنده

مهندس زراعي said...

لم يصوت على التعديلات الدستورية سوى أعضاء المحليات وموظفيها والعاملون بها . في الساعات الأولى من التصويت كانت اللجان خاوية من أي فرد يقون بعملية التصويت سوى أعضاء المجالس المحليه وبعض الموظفين والعاملين الذين تم أجبارهم من مديريهم على الأدلاء بصوتهم لصالح الاِنقلاب الدستوري . اللجان كانت خاوية تماما والمشرفين على الاِستفتاء كانوا اِما جالسين على الكراسي في الشمس أو يتحدثوا مع بعضهم البعض عن أحوال الدنيا والناس والتعديلات ونواتجها وبأنهم جميعا (عبد المأمور ) وبأن الناس لن تأتي كما حدث قبل سابق وسابق وسابق منذ خمس سنوات وأكثر قبل المرحوم الملقب بالأشراف القضائي السابق على نزاهة الانتخابات والاستفتاءات . الشئ الملفت للنظر والكيان هو الهدوء الشديد الذي كان يكسو البلاد أو بعض البلاد فالله أعلم بالباقي كذلك مارس الاعلام دوره بان الامور تسير على قدم وساق والمصريون يصوتون لمستقبلهم مع أن الشعب من الأصل لم يخرج من بيته لكي يقول نعم أو لا بأستثناء موظفي الاِدرات التابعة للحكومه والذين طبعا سيقولون نعم لأجل أي شئ في المقابل حتى لو كان بضع من الجنيهات وعلبة كشري . لقد استطاع الشعب المصري ان يؤكد على رفضه لما يحدث أو على لا مبالاته أو ان الامر ليس له أهمية عنده نظرا لأن الحكومه ستفعل ما تريده سواء برأيه أو رغم أنفه . هكذا كان حال شعب مصر يوم الاِستفتاء على الدستور والمؤشرات على ذلك انه في عشية ليلة الاِستفتاء كان الناس مشغولين بشراء حلوى المولد النبوي الشريف واللحمة والله أعلم هل سيجدوا ذلك العام القادم أم لا ؟؟؟
عمــوما كــــــل سنــــــــــــة وأحنا طـيـبـيـن
وحــــلاوة المـــولـــد يـــــــا دســــتــــور

Sharm said...

بالهنا و الشفا

صاحبكو said...

السلام عليكم
الكلام في السيايسة بيودي حتت حلوة
هتتفسحوا يعني
وتروحوا المنتزه
اسمه منتزه طرة!!!

golden said...

شافاكم الله وعافاكم ويا تري هتخدوا الاكلة دي عضل ولا وريد

نور العظماء said...

www.nourhetler2006.jeeran.com موقعي ادعو الجميع لتقييمه والمتابعه
واحيي صاحب المدونه لانها بجد بجد مدونه عظيمه جدااا

g_bouheerade said...

مفروس افندي انا مقدرة فرستك
بس طالما انت مفروس ودماغك صاحية للي بيحصل كده المفروض تكون ايجابي انت كده بتبكي الناس على حالها والناس مش محتاجة حد يفكرها بخيبتهم الناس محتاجين حد يقولهم فين الحل فياريت وانت بتضغط على الجرح يكون معاك مطهر وتعرف الناس ازاي يستخدموه
المطهر اللي انا اقصده
المفروض ان كل الناس عارفاه بس هم نسيوه ونسيو ان الحل فيه ياريت انت كمان ما تكونش ناسيه لو رجعنا كلنا ليه مهما يطبخوا مش هيكون ليه تاثير علينا لاننا احنا اللي وصلناهم لمطبخنا يطبخوا فيه زي ماهم عاوزين ويوكلونا زي ما هم عاوزين

zilakovich said...

كلوا واشربوا هنيئا لكم

موقع جمييييل جدا يا نور العظماء

وخصوصا هم يبكى وهم يضحك ههههههه

zilakovich said...

كلوا واشربوا هنيئا لكم

موقع جمييييل جدا يا نور العظماء

وخصوصا هم يبكى وهم يضحك ههههههه

e7na said...

محض روح
بلاش مفيش فايده لان سعد زغلول هيزعل
أمانى
هيسال ليه على الاكل هو مابيصدق يلاقيه
مهندس زراعى
شكرا على ملاحظاتك
sharm
ياعم دى تعديلات دستوريه مش حقنه
golden
نفس الكلام اللى فات
نور العظماء
الموقع رائع
zilako
انت ليه بتعيد التعليق وربنا هاشوف الاولانى

g_bouheerade said...

حقيقي انت ابن وقتك وزمنك
سلام يا ابن وقتك وزمنك وابن بلدي برضوا

mlame7 said...

البلوج مميز والبوست كمان وجميل البلوج ومستنيين الجديد....... وربنا يستر

Anonymous said...

mlame7.blogspot.com