Thursday, March 29, 2007

بيبى هيفا.....................بقلم زويل

طبعا اذا كنت سيادتك من متابعى أخبار هيفاء وهبى زى اى شاب عنده غرائز هتعرف معنى العنوان ده .اما اذا كنت سيادتك مش من متابعيها -مش معنى كده انك ملكش غرائز-بالتأكيد بتابع اليسا أو نانسى ...ربنا يخلى لبنان
العنوان ده مش معناه ابن هيفا .الموضوع ان هيفا قررت تقتحم عالم الاطفال بألبوم غنائى -على حد كلامها-ده عنوانه.علشان تربى الجيل ده صح على ايديها وحتى تضع لهم القدوه والمثل فالبنات يعرفوا يرقصوا والولاد يجيلهم بلوغ مبكر
وأنا احب ابشرالعيال ان زمن المذيعه العجوزه ومايطلبه الاطفال والعبط ده انتهى خلاص وسلم لى على ارقص لى يافيل يا ابو زلومه ...فيل ايه اللى يرقص وعندنا هيفا ودومينيك ومروى اللى قرروا يقتحموا المجال ده برضه..كمان ايه القرش ده؟ -واضح ان الاغنيه دى كانت قبل الثوره-وزمن صفاء ابو السعود وياصحابى وصحاباتى خلص تماما ولافرشه سنان ولاصابونه بتزفلط ..الصابونه فى الموضه الجديده ليها استخدامات تانيه خالص...وقبل ماتفكر غلط المطربه هى اللى هتستخدمها علشان تعرف الطفل ازاى يستحمى ..آسف ياخد شاور
الاغنيه اللى عجبت هيفا جدا وقررت اعادة غنائها هى أغنيه انا ابريق الشاى ولكن مع بعض التعديل فاصبحت كلماتها
أنا أبريق الشاى ...بوزى كده .مع حركه راقصه وابراز جزء من الجسد يشبه البوز اسما ومعنى ....كده وحركه اخرى وكلمه لا استطيع ذكرها فنحن لسنا فى مقال ثقافى...وأعرف برضه ياوظاويظ ارقص استربتيز
ونحن من مدونتنا هذه نوجه تحيه عميقه معطره بالحب لهيفا واخواتها على مجهودهم الكبير فى تنميه عقل الطفل العربى وفى انتظار البومها الذى سيجمع الكبار والصغار امام برامج الاطفال

8 comments:

golden said...

انت بتتكلم في ايه يا عم ده العيال الوقت عارفه اكتر من الناس الكبيرة وربنا يخليلنا لبنان ومصر هوليود الشرق

صاحبكو said...

بسم الله ماشاء الله
إيه الثقافة العامة دي
هي مين دومينيك دي؟؟؟
مع اتفاقي معك في وجود الإعلام المفسد
فممكن تلاقي أمل في جيل جديد
يعرف الصح من الغلط
بس لو بعدنا عنهم الحاجات دي

G_Bouheerade said...

وان كان اعتراضك في محله
بس انت ما فرقتش عنها كتير في اسلوب انتقادك لانه متضمن تلميحات لفظية خارجة الى حد كبير
كنت ممكن تعبر عن رايك بشكل اكثر تهذيبا من كده
صدقني اللي ما شافش اغانيها بعد ما يقرا كلامك هيكون عنده فضول يشوف اللي انت معترض عليه
خصوصا وانك صورت الكليب بكلمات انا شايفاها بذيئة

e7na said...

بس انت مفرقتش عنها كتير
شكرا على الرأى وطبعا حرية النقد مكفوله فى المدونه وياريت تشرفنا بآرائك دائما

أبو سويلم said...

انا شايف ان احنا اللى غلطانين لان احنا بنركز فى حاجات غير اللى الست هيفا عوزانها نركز فيها ولكن ما حدش يقدر يقول غير ان هى ست فاضلة وصاحبة رسالة جامدة جدا وهاتك يا رقص.صحيح قبل ما امشى يا ريت يا زويل تتعاون مع الرقابة شوية وتعمل تيييييييييييييييت عند حاجات معينة.

Anonymous said...

البلوج بتاعكم هايل وحلوه جدا فكرة المجموعة , بس ممكن من فضلكم اختيار الالفاظ لان اختياركم لالفاظ بعض البوستات كان غير موفق.

e7na said...

سنأخذ ملاحظاتك فى الاعتبار

S H A H said...

هههههههههههههههههههههههههههههههه بجد انت تحفة في افكارك ز كلام, مدونتك رااااائعة