Tuesday, March 13, 2007

ولعه ..........تخاريف دكتور

ولعه
كبريت لو سمحت
من العنوان يعنى اللى بيقول انى محتاج حاجة والحاجة دى هى الكبريت............... ياسبحان الله نبيه!
اه مش دكتور لازم اكون نبيه
المهم بقى يارجالة ولا بلاش رجالة عشان محدش يقول عدو المراة ولا حاجة.......... نقول ياجماعة؟؟
المهم يا جماعة موش أنا اللى عايز الولعة دى أو موش أنا اللى عايز الكبريت
الموضوع كله هى النكتة اللى جاية دى
نكتة: " شوية مساطيل قاعدين فى خيمة والكبريت اللي معاهم خلص واحد ابن حلال قال أنا هاقوم أجيب كبريت خرج من باب الخيمة ودخل من الباب التانى وسألهم معاكم كبريت قالوا له اقعد استنى إحنا باعتين واحد يجيب ولما يجى هنعطيك"
عارفين بقي ياجماعة انا لما سمعت النكتة دى فكرتنى بحاجة حلوة قوى قوى
فكرتني بحالنا........ اه والله حالنا احنا
حالنا واحنا مستنين اللى يجيب الكبريت وهو اصلا قاعد معانا مستنى
طبعا احنا مش مستنين كبريت احنا مستنين الفرج قول مستنين الموت قول المهم مستنين
وأنا على فكرة مسطول برضه معاكم قصدي مستنى معاكم
"غطيني ياعم الحاج"
وياريت حد فينا عارف هو مستني ايه كنا بقينا أحسن شوية
سؤال الحلقة : السؤال مقتبس من الأغنية
مستنى ايه ؟؟؟؟؟؟؟؟؟؟؟؟؟؟؟
تخاريف دكتور

1 comment:

g_bouheerade said...

بصراحة عندك حق يا دكتور كلكم مساطيل
وطبعا مفيش احسن من السطل
بس كل واحد فيكم بيتسطل بمعرفته لكن في النهاية كلكم مساطيل ومستنيين
وفي ناس بقى عدت المرحلة دي
السطل على بيهم اوي اوي ومابقوش يستنوا يعني هم كدا تمام التمام ولا ناقصهم ولعة ولا اي حاجة
بس كويس ان في ناس منكم هنا حاسة انكم مساطيل
مش كل رؤيتهم للاوضاع انكم مظاليم وبس
انتم مساطيل السطل جاب لكم الخيبة
و عموما فكرني ابعتلكم مذنب او شهب على الخيمة بتاعتكم من كوكبنا اصل احنا عندنا الولعة كتير كل واحد ماشي بولاعته شغالة في دماغه