Sunday, November 25, 2007

جيفارا.....جدل لاينتهى

عاش جيفارا ...فيلم وثائقى للمخرجه مها شهبه نال اهتماما واسعا من وسائل الاعلام العربيه بالرغم من ان الفيلم ليس الاول الذى يتناول حياة الثائر الارجنتينى الا ان توقيت عرض الفيلم ومحتواه كان السر وراء هذا الاهتمام الكبير والملفت فعلا -وهو مارصده الفيلم-تحول شخصية جيفارا الى رمز تفرد له مساحات فى الصحف والمجلات ومواقع الانترنت وظاهره شبابيه تزين صوره جدران المنزال وقمصان الشباب حتى ان احدى الصحف المصريه احتفلت بذكراه هذا العام على صفحاتها
جدل بين الشباب


المعجبون بالشخصيه يرون أن شجاعة الرجل وروحه المتمرده الثوريه الرافضه للاستبداد والظلم والتى دفعته الى قيادة الثوره فى بلدان مختلفة المناخ والعادات واللغات أمر يستحق الاعجاب زاده ايضا انتهاء حياته بالاغتيال بتلك الطريقه المأساويه على يد أفراد المخابرات المركزيه الامريكيه التى تلاقى سياسته كره شديد من الشباب العربى وكرهه للمناصب السياسيه التى تخلى عنها وأبرزها منصب وزاره الصناعه ومنصب محافظ البنك المركزى الكوبى الا أنه آثر الجهاد على أن يجلس على المكتب وهو أمر لم نعد نراه اليوم كما أن الدافع الانسانى الذى حرك جيفارا ليدافع عن الفقراء والمقهورين فى بلدان العالم امر نفتقده اليوم كذلك
اما الجانب الرافض لفكرة أن يعجب شبابنا العربى بأحد اليساريين ويتخذه قدوه ويعلق صورته فى غرفته فيرى أن تاريخنا ملىء بشخصيات بطوليه تستحق أن تكون محل اهتمام شبابنا بدلا من ذلك الممسك بالسيجار والمتمرد دوما من اجل التمرد لا من أجل هدف محدد
كما أن تقييم تجارب جيفارا يقودنا الى تجربه واحدة ناجحه انتهت بوصول فيدل كاسترو الى منصب الرئاسه الذى لم يغادره حتى الان وفشل كبير لجيفارا فى المناصب التى أسندها اليه كاسترو كما أن تجربة الكونغو انتهت بالفشل بسبب اختلاف المناخ واللغه
مثلها تجربة بوليفيا التى انتهت بسبب الخيانه واغتيال جيفارا وهو أقوى دليل على أن الرجل كان مدفوع بتهور وعدم تخطيط فهدفه كان التمرد فقط
فى النهايه
يرجع المتابعين هذا الجدل الى اعجاب المجتمع المصرى بشخصية المتمرد الثائر الرافض للاستبداد والتى لاقت نجاح كبير فى ا لسينما المصريه مثل شخصيتى محمد أبو سويلم فى فيلم الارض وشخصية أدهم الشرقاوى الذى كان يسرق اموال الأثرياء ليعطيها للفقراء وهى شخصيات تلاقى قبول لدى شعوبنا ويذهب أخرون الى ان الظاهره اكبر دليل على نجاح الغزو الثقافى فى السيطره على عقول شبابنا ودفعه للتخلى عن هويته وتاريخه

تحديث

بوست رائع يرتبط بالموضوع عند العزيزه نواره نجم

18 comments:

خلود صلاح said...

عارف يا احمد
بغض النظر عن ان موضوعك جميل جدا وان اختارك موفق لشخصية الى اخترت تكتب عنها
انا بندهش من حاجة غريبة جدا
ان فى شباب ميعرفوش عن جيفارا الهوا وتبص تلاقيهم مثلا ملزقينه على عربياتهم او لابسين صورته باندانا او حتى داخلين بصورته على المسنجر .. طب اسألهم كدة مين دة ... يا خبر ابيض بسمع كلام غريب جدااااااا

سى السيد said...

ايه فيه حد سبقنى لا
والله انا اول واحد نلت شرف قرأت البوست دا
بوست جامد وفعلا انت عندك حق فى ل كلمه قولتها
جيفارا مين والناس نايمين
سلام ياغالى
البوست دا المفروض يتنشر فى احسن الجرائد

بنت القمر said...

فضلا اقرأ الرابط
http://tahyyes.blogspot.com/2007/10/blog-post_16.html

السيد شبل said...

عزيزى احمد:
تناول معقول لموضوع بيمس شخصيه مؤثرة ف التاريخ العالمى كله.....
انت كنت محتاج تتعمق اكتر من كده ...
انا بحترم جيفارا جدا لكن انا مع الراى بتاع الاعتزاز بابطال تاريخنا احنا مع احترام رموز زى جيفارا
........
رائع انك حطيت صورتة مع عبد الناصر
"هكذا يتحد الاحرار"
.............
سلام

princess dodo said...

عزيزى أحمد

موضوع جميل ان تطرحه
لشخصية فعلا تستحق
التوقف أمامها

أكثر ما يجذبنى
لشخصية جيفارا
هذا التمرد الذى تحدثت عنه


تحياتى لك

rainbow said...

العزيز احمد
موضوع مثير نظرا لتكرار مشاهدات صور التشى فى كل مكان
وقرأت تحقيق عن هذا الموضوع فى مجلة الشباب منذ فترة اصابنى بالضيق لان الصحفى الذى سأل عدد من الشباب فى جميع المستويات ماذا يعرفون عن جيفارا وجد ان بعضهم حتى لا يعرف الاسم !!! وان اغلب الفتيات كانت اجاباتهن قاتلة من عينة جيفارا واو عينيه مش ممكن انا جبت صورة للعربية وصورة فى اودة النوم !! ؟؟

شىء محزن

العبدة لله تتفق معك فى الرأى القائل بأن تمرد جيفارا كان من اجل التمرد اكثر من اى شىء آخر

وربما يكون هذا هو سبب تعلق شباب كثيرين به لوجود تلك الثورات الداخلية الباحثة عن اى مثل اعلى ولو كان عالموضة ليه لأ !!؟

تحياتى لاختيارك الذكى
ولشخصك العزيز

هدى

fanan fa2eer said...

بص بقي ياسيدي

جيفارا ماهو الا بشر يفكر حتي وان كان خانه التفكير ولم يتميز بالحكمة وحسن التصرف

هاتلي شخصية حالية تمردت علي اللي احنا فيه
الناس بتحب جيفارا عشان بتلاقي فيه اللي هي مش قادرة تعمله انها تقول لأ حتي لو لمجرد التغيير بدل ما كله طيب نعم حاضر علي طول

مرة في حياتهم يقولوا لأ مش قادرين مش عايزهم يعجبوا بواحد طول عمره بيقول لأ؟

وبعدين أنا عن نفسي شايفة ان جيفارا ده انسان محب للحرية وعايزها تتنفذ في كل حتة بس كل انسان وله أخطاؤه مافيش حد كامل وأهو أحسن من ناس كتير مافيش عندها حاجة واحدة صح


تعرف لماأنا عملت الاختبار بتاع تشابه شخصيتك مع حد من الشخصيات العالمية طلعت شبه مين؟

جيفارا

:)))))

متهورة أنا ع الآخر


خلاصة الكلام ياريت نتعلم من أي شخصية تاريخية مصرية ولا ان شاء الله تكون حتي مريخية انما تبقي عملت حاجة فادت بيها بلدها والسلام

والسلام ختام

محمد مارو said...

مدونتك جميله
و بخصوص موضوع جيفارا
اى انسان لازم يحب و يعشق التمرد انا بعشق التمرد جدا
ع شان كده بحب جيفارا

نونو said...

والله موضوع جميل ولكن انا اختلف معاك بخصوص
جيفارا هو صحيح انسان ثوري ونصير الفقراء
يكفي انه حارب كل المحتلين وكان نفسه العالم كله يكون حر
وحارب في دول مختلفة لانه الانسان انسان في اي مكان وانت بتتعاطف مع قضايا الفقراء والمساكين والمحتلين والمشردين والمقهورين يعنى انسان بمعنى الكلمة
بالنسبة للشباب على الاقل ممكن يكون اعجاب تقليد وليس اعجاب بمضمون
وعلى راي بعض الشباب هو كوووووووووول جدا
وبالنسبة للامثلة حوالينا والله ما خلوا حد في حاله
قولي لي على اي بنى ادم من تاريخنا ما طلعهوش خاين والا غدار والا منافق والا بايع القضية والا بيقبض من امريكا والا بيقبض من الهباب الاسود
يعنى من الاخر ما خلوش حد في حاله
وكمان بالنسبة لجيفارا حاليا حسب قوانين السيد بوش هو يعتبر ارهااااابي وليس ثوري
يعنى حتى السيد جيفارا ما سابهوش في حالة
الله يرحم ايام زمان

منى said...

الحديث عنه متجدد لان الحاجه للتمرد تتولد باستمرار والرغبه ملحه لوجود بطل
بالطبع التاريخ العربى والاسلامى ملئ بالابطال لكن قد يكون شكله العصرى او معاناته الشخصيه سبب فى افتتان الشباب به
فنح فى زمن بلا ابطال

e7na said...

خلود صلاح

تقدرى تقولى مجرد تقليد اعمى ودول كتييييير جدا يا خلود
وشكرا على الكلام الجميل

سى السيد

شكرا يا ريس
ولا يهمك خلود سبقتك
ملحوقه

e7na said...

بنت القمر


اه فعلا قرأته قبل كده


السيد شبل

الله يخليك منوره

e7na said...

dodo

تمرد نافع
؟؟؟؟؟

rainbow

عيون جيفارا
مين البنى ادم ده
ده لعيب كوره ارجنتينى
دى فعلا اجابات سمعتها يا هدى

e7na said...

فنان فقير

علشان كده متحيزه له
طبعا هو رجل سعى ليحقق مبادءه وافكاره وان لم يكن بالصوره الصحيحيه
لكن أنا اقصد الهاله الاعلاميه

بس
نورتينى يا سالى

محمد مارو

شكرا يا محمد باشا
مش ضرورى نكون بنحب التمر كمبدأ
التمرد على الظلم مثلا

ده يبقى مفيد


نونو
بلا حكاية أيام زمان دى

احنا معاك فى ان معظم الناس بتصدر احكام وخلاص

بس برضه فيه ناس كويسه
ومحترمه


منى
لا يا منى
فيه ابطال والله

Bossy said...

السلام عليكم ورحمه الله وبركاته

بجد بوست رائع

احييك جدا عليه لانه عجبني في عرضه واسلوبه
ويدي تفائل لان اجيال المستقبل بين مربي فاضل ان شاء الله

جيفارا مات
الشئ اللي يغيظ بجد واعتقد انك تكون متفق معايا فيه

ان اصلا تسعين في الميه من الناس اللي بيعلقوا صور جيفارا ولا يعرفوا عنه اي حاجه وصلت لدرجه انهم ميعرفوش اسمه
وشر البليه ما يضحك انك تلاقي توك توك حاطط صوره جيفارا وفوق علي الازاز صوره هيفا

طبعا مساله محسومه من بدري

ومش هقول غير جيفارا مات

e7na said...

بوسى

فعلا اغلب الناس دى مش عارفه حاجه عن جيفارا

شكل مختلف طيب نحط صورته على العربيه


سعيد باهتمامك بالتعليق على الموضوع

loumi said...

العزيز
أحمد
كثيرمن الجدل يحيط بشخصيات عامه
وهذا طبيعي
فكل إنسان له معتقدات وافكار وعندما يؤمن المرء بتلك الأفكار فإنه يبذل قصارى جهده لتحقيقها
وعندما يكون شخصيه قياديه فإن الإنبهار به والإقتداء به يكون اكبر
وخاصة عندما تكون أفكاره تخص الغالبيه العظمى من الناس

تحياتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘