Wednesday, November 14, 2007

تفاهه



تفاهه
الوصول الى اختصار لهذا المعنى الواسع امر صعب لكن نحاول

التفاهه الفرديه
سيادتك دى بمجهود فردى يعنى تلقائيه كده ودى تتمثل بقى فى الناس اللذيذه اللى لازم تعرفك الموبايل بتاعها ذاكرته قد ايه لما تسمعك كل الاغانى اللى عليه وانت راجع تعبان من شغلك أو جامعتك وربنا كرمك وركبت جنبه الميكروباص
ده غير بقى مهاويس النجوم ونظره لشريط الشات هتشوف نورمن السعوديه مجنونه عمرو دياب وأكرم من مصر مجنون ديانا حداد الى جانب جنان من الكويت اللى صرفت ميزانية دوله على رسائلها لتاكد ان اليسا احسن صوت فى الوطن العربى
وطبعا هناك تفاهة حوارات بعض البنات فى الميكروباصات والكلام عن موضوعات خطيره مثل نوع المسكره التى استخدمته احداهن واثبت كفاءه عاليه او عن صديقتها التى تمت خطبتها امس
ما ذنبى لأعرف كل هذه الاخبار
تفاهه منظمه

أما التفاهه المنظمه والتى ترعاها جهه معينه او يشترك اكتر من شخص فى تنفيذها مثل رنات التليفون التى تحمل اسماء الاشخاص وتشوف الاعلان بتاعها كأنهم جابوا التايهه او شرائط الشات التى تمر فى اسفل القنوات وتحمل الكثير من التفاهات وهناك ايضا التافهين الذين جعلوا من موهبه عاديه فى مصر ملايين غيرها لم يسمع عنها احد تحول بسبب هذه التفاهه الى اسطورة الجيل على رأى ميشيل نبيل صحفى الدستور (فنان متعدد المواهب بيمثل ويألف ويغنى ويربى شعر صدره)
الى جانب طبعا الاخوات والاخوه المتصلات بأمير القلوب المعذبه ومداوى الجراح العاطفيه دكتور اسامه منير

16 comments:

rainbow said...

استاذ احمد
يمكنك ان تقول بكل ثقة اننا نعيش فى زمن التفاهة بكل انواعها منظمة وفردية وجماعية بل وحزبية ايضا

نجلس لتشاهد برنامجا محترما فتتعجب من اسئلة المذيعين ومن اجوبة الضيف ومن انفسنا لصبرنا على كل هذا

تشاهد كمية الاغانى المهولة وكيف يرددها الاطفال فنشعر بالخزى لما نتركهم له من تفاهة

حتى المشاعر اصبحت اغلب الوقت معرضة للتفاهة فأول سؤال نبتدر به بعضنا بلا صدق حقيقى فى المعرفة : ازيك عامل ايه .. اليس التساؤل تافها ؟ وهل يمكن تلخيص انا عامل ايه فى كلمتين سوى الحمدلله

تحياتى لانتقائك هذا الموضوع المتمدد الابعاد

سؤال : لماذا الغيت التعليقات فى البوست السابق ام انه ليس بوست وكان حالة خاصة جدا ؟

عميق تحياتى وعذرا للاطالة
هدى

سفير جهنم said...

بعد السلام

انتا عاوز مجتمع عايش على احسن مغنين عمرو دياب وتامر حسنى والموضةوالافلام والمسلسلات


ده تسميه مجتمع فاسق وغير معروف بيه لانه مش مبنى على اساسيات واضحة



مهوا اصل حال الدنيا كدا


والسلام ختام

منى said...

عندك حق والله
بس زى ما فيه ناس هايفه برضه بلدنا مليانه ناس عقلها جامد قوى
ممكن سؤال؟
مين اسامه منير ده

zelaaaakey said...

عندك حق والله يا نجم (ولا بلاش يا نجم دى لاحسن اخوانا يزعلوا)

ra7eel said...

تفاهه فعلا فى كل مكان وفى كل وقت
وفعلا من الحاجات الى بتغيظ بجد امور البنات التافه
ببقى حاسه انى فعلا هطق
لا والجيل الجديد الاطفال يعنى بيتعلموا الهيافه من صغرهم
بجد الله يكون فى عونهم
خالص تحياتى ياحمد

محمد صبرى said...

معلش أنا مقريتش البوست ده أصلا لأنى مش فى حالة مزاجية تسمحلى بالقراية و أتمنى إنك متعتبرش ده وقاحة منى, أنا دخلت المدونة بالصدفة و كنت خارج على طول و الله , لكن البوست بتاعك اللى فات -فلتسخر منى-كان مختصر و بخط كبير و واضح , مش عاوز بقى اقولك كنت هنفجر انا ازاى لما ملقيتش حد رد عليه , و حسيت انى هنفجر اكتر لما لاقيتك لاغى التعليقات عليه اصلا , و لانى لازم اعلق عليه دخلت اعلق فى البوست ده, شوف يا استاذ احمد مش محتاج الواحد يقرا موضوعات و ابحاث و تحليلات كتير لحد معين عشان يحس انه قريب منه او انهم متوافقين فى حاجات كتير , كفاية انه يقرا بوست زى فلتسخر منى عشان مدى التقارب من عدمه يبقى امر محسوم و بجد انا لازم اشكرك لانه البوست ده بجد بجد اكثر من معبر بس يصراحة هو معبر عنى يمكن اكتر مهو معبر عنك

شوف انت بتقول ايه

- أنتظر
لا أفعل شيئا غير ذلك

و رغم كده انت مثلا بتكتب و بتناقش فيه ناس بقى وصلت لمرحلة
-أنتظر
لا أفعل شيئا غير ذلك

ثم

انتظر
لا
أو أكتئب
لا أفعل شىء سوى ذلك

الظاهر يا أستاذ أحمد إنك مش هتلاقى حد يسخر منك لأنه بقى فيه كتير اوى يستحقوا السخرية أكتر منك


خالص تحياتى



حد منتظِر

ما علينا said...

مالك يا عم احمد

طيب قولي انت الناس لو ما
غرقتش نفسها في التفاهة
هايعملوا ايه

اتعلموا ايه غيرها يعملوه

لو بقوا جادين
واستخدموا عقولهم صح
يبقى لازم يعيشوا حياتهم صح
يعني لازم يطالبوا بحقوقهم
ويدافعوا عن ادميتهم

اعتقد انت عارف ساعتها هيكون ايه الوضع


اما الانكسار وخيبة الامل
او ان يحصل انتكاسة

ويبقوا منبع تفاهة ولا مبالاة


هو ددا الجو المتوفر والمتاح

التفاهة


معاك انها حاجة تخنق

بس هم ما اخترعوش التفاهة

دي من اقوى سياسات البلد
ان


شبااااااااااااااااب المستقبل
ينغمس في التفاهة


قول يارب

أبو سويلم said...

المشكلة ان الجميع مشارك فى تفشى التفاهة
ان لم يكن بالفعل فبتشجيع الفعل
وان لم يكن بتشجيعه فبالسكوت عنه
من الاخر
احنا شعب يعشق كل ما هو تافه
سلام

آلام وآمال said...

والله يا احمد فعلا مش انت لوحدك اللي بتعاني م التفاهات دي
بقت حاجة تنرفز ومبالغ فيها بجد وتحس كده انها بقت سمة العصر ف الأيام اللي بنعيشها وان اللي مش راضي بيها هو اللي يبقى غريب ومش طبيعي كمان

ربنا يرحمنا ويعفو عنا
تحيتي لك

سى السيد said...

ياعم سيب الناس تعيش
هيعملو ايه
يعنى
التفاهه احسن

klmat said...

عندك حق
احنا فى مرحله
العبور للتفاهه الشامله
ربنا يصلح حالنا
تحياتى

أنونيمس said...

التفاهة يا باشا نوع من أنواع الهروب الجماعي من الحياة الأصلية
و أحنا في مصر بالصلاة على النبي أحسن شعب ممكن يهرب من حياته ويعمل أجدعها حياة موازية أو بديلة

fanan fa2eer said...

ياسيدي خدها مني حكمة

في الدنيا دي كل يغني علي ليلاااااه

تعرف كنت باتكلم مع واحدة صاحبتي عن البرنامج الرئاسي للسيد الرئيس وبعدين بقول لسه هانشوف هيعمل ايه تاني

لقيتها بتتهمني اني انسانة مابتعرفش ترتاح
وتقولي عيشي
عيشي حياتك من غير تعقيد

وكأن القلق علي مشاكل وهموم بلدي بقا دلوقتي عيب في شخصية البني آدم


وبعدين كله الا التريقة علي كلام البنات ايه يعني مش عاجبك ولا ايه؟

:))

دكتور كسلان said...

نسيت تفاهة بتاع فيلم بلية

بس تفاهة تخينة شوية

بجد تفاهة البنات وصلت لاقصى درجة

فى الميكروباص وفى الشارع وفى كل حتة

سلاااااااااااااااااام

ma2tshren said...

عشان كدة لازم نقوووووول بصوت عالى مش بحبك طبعا هههههههه
كفايه تفاااااااااااااااااااااااااااااااهه بقه أرحمونااااااااااااااااااااااااااامع انى اشك بيني وبنك قرب ودنك أنها سياسه عليا في تتفيه الشعب وترقيص وتهيصوو مهو يحرام ولا بيتعلم ولا بيشتغل مش يرفهو عنو أيوووة عليكم يااعداء الترفيه

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘