Tuesday, November 6, 2007

حينما تصبح اسرائيل حلما

فى مصر

فى اسرائيل

لم يكن خبر القاء أجهزة الامن المصريه القبض على مصريين بتهمة تهريب عدد من الافارقه الى اسرائيل الاول من نوعه فسلطات الامن المصريه أعلنت انها ضبطت خلال الشهور الماضيه المئات من المتسللين وكشفت ان العمليه تتم بمساعدة ابناء محافظات القناه خاصة الاسماعيليه وبدو سيناء بهدف الكسب المادى
وأشارت تقارير مركز الوثائق والمعلومات الاسرائيلى أن هذه العمليات تمولها مؤسسه عساف اليهوديه ...المؤسسه تنفق أموال كثيره لاستقبال وتوطين السودانيين والافارقه ومساعدتهم فى الحصول على اقامه كامله فى اسرائيل ويضيف تقرير اخرالى انه فى يونيو الماضى تمكن 2400لاجىء من الوصول الى اسرائيل بينهم 850سودانى


المصريين أيضا



التقاير بشان هذا الموضوع كثيره ومثيره ايضا فيذكر موقع ايلاف الاخبارى ان تقريرا اصدرته المخابرات العسكريه الاسرائيليه يشير الى ان عدد العمال المصريين يمثل 13بالمئه من نسبة العماله المدنيه بالجيش الاسرائيلى والاحصائيات الصهيونيه تشير الى وجود 25000مصرى مقيم فى اسرائيل


وكأن شيئا لم يكن



المصريين فى اسرائيل ناقش الموضوع قبل ذلك الشجاع يسرى فوده فى حلقه من برنامجه سرى للغايه وزار عدد من القرى المصريه التى سافر معظم شبابها الى اسسرائيل ودق ناقوس الخطر حتى يلتفت المسئولين الى هذه القضيه قبل أن تتحول الى ظاهره ومن بعده قدم وائل الابراشى عدد من الحلقات عن هذه الظاهره الا ان احد لم يحرك ساكنا

15 comments:

Anonymous said...

وما خفي كان اعظم !!!!!!!!!!

===============================
مهما كانت الاسباب والدوافع

لكنها ليست مبرر
للهجرة لاسرائيل بالذات
ممكن تكون سبب للهجرة لأي بلد
ماعدا اسرائيل

واكيد الموضوع دا وراه حاجات
تانية كتير مش بطاله واسباب اقتصادية فقط



===============================

أبوسويلم said...

تقدر تقول ان حكومتنا البجلة ماشية بالمثل اللى بيقول
اسرائيل حلوة
روح اسرائيل
لكن انا اللى كنت اعرفه من وسائل الاعلام
ان السودانيين دول مش بيحصلوا على اقامة واقامتهم غير رسمية رغم علم الحكومة
وده بسبب يهودية الدولة اللى بيتمسك بها المتدينين
وطبعا السودانيين دول من غير اليهود
اما مسلمين فى الغالب او مسيحيين
لكنهم بيستغلوا فى الاعمال الدنيا اللى ما بيقومش بها اليهود
فكرة برده مش كده
مصر ياليفى
سلام

Ahmed Al-Sabbagh said...

بجد جميل اوى اوى

ولا تعليق


تحياتى

loumi said...

لا أستطيع أن أفهم مبررات ودوافع كل من يفكر في اللجوء الى إسرائيل
والحكومه عمرها ما حتعمل حاجه
دي ما تصدق إنها تخلص منهم


وفعلأً ما خفي كان أعظم

تحياتي

ما علينا said...

طيب الحكومة

زبالة ومتعفنة وكلها فساد
هاننتظر منها ايه

وبعدين
اللي بيسافروا اسرائيل دول
ويقيموا فيها ويشتغلوا وياكلوا ويشربوا

لا يستحقوا الاهتمام بيهم
وما يستاهلوش غير ضرب النعال

وخسارة فيهم

خلاص ضاقت في خلقتهم

ما الذل مالي الدنيا
وعلى كل لون يا باتيستا

هواهم جابهم على اسرائيل يعني

ما يروحوا يتذلوا ويبيعوا نفسهم في اي حتى

وما حدش يقولي اسرائيل زيها زي اي دولة اجنبية اوربية


قبل كده قريت بوست
لدى احدى المدونات كانت كاتبة حوارات مع شباب نفسهم يروجوا اسرائيل


وساعتها
كان مسيطر على احساس واحد
كنت اتمنى يكونوا قدامي

لاتمكن اني ابصق على وجوههم

اسفة جدا جدا يا احمد
على اسلوبي


لكن
السيرة دي بتستفزني جدا

rainbow said...

لا استطيع تفهم اى اسباب تجعل المصرى مهما حدث له يلجأ او يهرب الى الد اعداؤه
هذا مؤشر خطير الى ان حالة التدهور والمعاناة التى تطحن المواطن قد وصلت حضيضا لم يسبق من قبل
فمنذ ان نعى الحياة كنا نرضع كراهية هذا الشعب شعب اسرائيل وكل ما يمثله من لؤم واخفاء حقائق وسيطرة كلوبى مهيمن على اعلام العالم كله

فكيف مهما حدث نتناسى ونتطبع فعلا
وهل بلاد الارض ضاقت على من يلجأ لاسرائيل بما رحبت فلا يجد سواها

اجراس خطرتدق
ربنا يلطف بينا

تحياتى
هدى

رحــــيـل said...

الناس مبقاش يهمهاهى بتلجأ لمين او بتهاجر على فين
بيقارنوا بس بين الوضع اللى هما عايشينه فى مصر واى وضع تانى فى اى بلد تانيه
المشكلة ادنى متطلبات المعيشة مبقتش موجوده فى بلدهم
فحينما تصبح اسرائيل حلما اعلم ان مصر اصبحت كابوسا
خالص تحياتى لك

مدحت محمد said...

تصدق بالله
انا قلتها قبل ست سنين
فى عصر اصبحت اسرائيل غايتنا
والعمل بها اسمى امانينا
على راى شعار الاخوانجية
الموضوع بجد خطير اوى
ولازم حل
عشان نحل مسالة الانتماء ده
مش عايزين احتراف ارجوكمممممممممممممم

بتاع الجاز said...

ان هؤلاء ينطبق عليهم مثل (المستجير من الرمضاء بالنار)......انهم هربوا من جحيم العيش فى مصر فالتجأوا لأكبر اعدائهم.


ولا عجب فى ذلك فمن المؤكد ان حياتهم هناك مع الصهاينه اليهود احسن لهم من العيش فى بلد واحد مع الصهاينه الذين يجكمون البلد


سلامى ليك ياصديقى وسلامى للجميع

Anonymous said...

عادى
بعد اللى بيحصل وهايحصل مستنى ايه
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

منى said...

لما يتكرر موضوع غرق او فلتقل انتحار الشباب المصرى على شواطئ ايطاليا او اليونان او او بعد ما يكونوا باعوا كل الى يملكه اهاليهم من غير ما يتهز جفن للمسئولين ولا يتوب واحد من الفاسدين يبقى مش غريب ان اسرائيل تبقى حلم

Anonymous said...

ربنا يستر عالبلد وناسها ويحفظ يارب شبابها من الأوغاد دولز

hoda omran said...

عادى يابنى

مبقاش فيه انتماء

وثانيا يعنى بلده اديته ايه

هو بيفكر كدة

وبعدين لو فكرت يعنى تفرق ايه امريكا عن اسرائيل؟؟؟؟؟؟

Doaa Ebrahim Aaql said...

منتظر ايه يحصل
بعد كل اللى حصل قبل كده

ولا تعليق

*****

وبعدين انت مكتئب ليه بس
كنت عاوزة اعلق على البوست الجديد بتاعك بس مش عارفه

انتظر
يمكن يكون الانتظار خير ليك
مين عارف

ربنا يسعدك يا احمد

سلام

سفير جهنم said...

بعد التحية
انتا حضرتك غلط اما قولت عليهم مصرين
25000الف مصرى


ليه مصر اما الدنيا يا جماعة انا مش عارف والله العظيم


حسبنا الله ونعم الوكيل






بس بوست اشيد لهوا وقارا واحتراما لانك تناقش قضية مفيش حد فتح فى الموضوع ده قبل كده






برنس