Tuesday, July 31, 2007

اغانى واحلامى

مش عارف ليه ارتبطت الاغانى معايا بالاحلام ...ممكن يكون هروب.-الفكره مسيطره عليا -.بس هروب جميل بموسيقى وكلمات رقيقه


لما منير وحميد يحلموا بعالم فيه قلوب بريئه دافيه تضمنا ويشوفوا الكون عمار فى دنيا ما تعرف دمار...وتحس مع الاغنيه انهم نفسهم يحققوا ده فى عالمنا بجد


ومحمد فؤاد ايام ما كان بيغنى معانى جميله كان بيقول
نحلم على كيفنا ..نغلب عذاب خوفنا
وكنت بأزعل قوى من مدحت صالح اما يقول باحلم على قدى...واقعد افكر فى كلام منير ازاى قبل ما احلم افوق


اما الجانب النسائى فصوت فيروز وحده حلم جميل ورقه صوت انغام ياخذك لعالم أخر
والاصوات التى غابت عنا مثل عايده الايوبى رغم ان صوته لم يكن قويا الا انها تعبر به عن الكلمات بشكل خيالى

وايضا رجاء بلمليح وهى تسال ياغايب عن عيونى اما آن الاوان

والفراشه المصريه حنان ماضى بصوتها الحنون


تفتكر الاصوات دى والمعانى دى ممكن ننساها ونبطل نحلم معاها

15 comments:

Anonymous said...

عفوا

هذا زمن روبى

ابقى قابلنى

horas said...

اذا ماتت هذه الاحلام الجميلة بداخلنا
وانطفأت هذه الشموع
لا أعتقد
أن قدرتنا على المواصله
ستظل بنفس الكفاءة
بوست رائع يقلب في الذكريات

صباح الصباح said...

بجد كنت بحب اوى سماع حميد تحديدا خصوصا فى البومات زمان زى جنة وشارة كنت بحس بروح امل براق مع نبرة الصوت
يااااة كانت احلا ايام

Abeer said...

عصفور فى ليل المطر
وقلبه جمرى نار يصرخ
يقول يا بشر باحلم
يجى لى نهار يااحلامى
الكبيره ما بين امال وحيره
سرق الزمن صوتى
قبل الغنوة الاخيرة يا عصفورى الحزين
سافر وانسى الحنين
خد منى ذكرياتى ورجع تانى السنين

Vs
لو أحنا فينا من كده هنقلب فى اللى فات
يا حبيبى فى اللى فات وهو دة النظام
بلاش انت فى كل دة .. دة انا عارفه عليك حجات

مش هطول اكتر من كدا
أظن المعنى وصل

ما علينا said...

كل انسان فيه حاجات معينة بترتبط معاه باحلامه
مش لازم الاغاني

المهم هل هو لسه قادر يحلم
امازال لديه حيز ليتجول فيه داخل احلامه

او كما سبق وقلت انت
هل مازال لديه رصيد يكفي ليحلم

ام نفذ رصيده

الحلم اساسه الامل
ثم نربطه نحن باشياء ورموز في حياتنا


يعني لو الحلم موجود رموزه الخاصة به لدينا
ستبقى

اما ان تلاشى الحلم
ستاخذ رموزه في التضاؤل
الى ان تصبح اطياف نتذكرها لماما

**mlame7** said...

مش عارفه اقوللك ايه !!!!!!!!!!!
البوست جميل جدا
واسلوبك هايل
انت تقريبا اخترت ناس كلامهم يتحس وتعيش معاه في أحلامك وحتى في أيامك

Salma said...

محمد فؤاد "ايام ما كان" بيغنى معانى جميله.أعتقد بقوا كلهم
"أيام ما كان/كانت":))
البوست جميل و الفكره عجبتنى أوي.يمكن أنا عشان الأغانى مرتبطتش معايا بالأحلام قبل كده فأنا مش عارفه أرد على سؤالك. بس اللي عايزه أأكد عليه هو أن الأحلام تبني الأهداف و وجود الأهداف هو الذي يجعلنا نستيقظ من نومنا كل يوم...و لو بطلنا نحلم نموت ;)

momken said...

انت نسيت ان فى حد اسمه حليم ولا ايه
كمان فى وحده اسمها ام كلثوم
وكمان فى حد اسمه عبد المطلب ووديع الصافى
هما الناس دى ملهاش انطباع عندك

انا بستغرب

تحياتى

Ert3ashat said...

اكيد لا

عشان هما عايشين معانا ب اغانيهم..

خيرالدين said...

zelakovich
عندك حق يا رفيق
ده حتى بلدياتكم المغنيه الروسيه ناسى عجرموف لها البوم جميل اسمه
اه ونصوف

horas
وهل تقليب الذكريات جيد ام سيىء

germinio
حميد مش صوت جميل قوى بس حاله مختلفه وجميله

abeer
انت شايفه ان نتيجة المواجهه دى كام؟؟

ماعلينا
تقصدى اطياف ولا اوهام

ملامح
شكرا على كلامك الرقيق

salma
لسه فيه ناس قليله مصره على مبادئها
زى منير ومدحت صالح مثلا

momken
بالراحه طيب
حليم وام كلثوم ماضى انما انا باتكلم عن ناس موجوده
المقارنه بين حليم واى واحد موجود فى الزمن ده ينفع ؟؟؟؟

ارتعاشات
شكل الناس مش فاهمه قصدى

hoda omran said...

ابدا ابدا ابدا
مش ينفع ننساهم
لو نسيناهم يبقى فى حاجة غللللللللط

Unknown said...

لو بطلنا نحلم نموت
لو عاندنا نقدر نفوت
لو عدينا مرة خلاص


حبة صبر حبة حماس
يبقي الحلم صورة وصوت

لو بطلنا نحلم نموت



أكيد لسة فيه أمل

nosha said...

طول ما فيه حياة .... طول ما هيفضل جوانا الأمل
وبعدين الأغاني والأصوات الجميلة دي سهل جداً أن يكون فيه أغاني وأصوات تانية زيها
بس هو إحنا حنحلم وناخد الأمل من الأغاني ؟؟؟
أنا بقول لا

muntacher said...

انا بامكاني احلم معاك واتخيل ان انا اعرف حاجه من ال انت كاتبها

romansy said...

انا عجبتنى الفكرة دى
وافتكرت معاك
اغنية محمد منير
لو بطلنا نحلم
ويارينا كلنا نحلم