مع بدايه الموسم الصيفى السينمائى تتأهب كل قنوات الاغانى والافلام لاستقبال اغانى الافلام
فقبل ان ينتهى الفيلم يكون صناعه صوروا كليب الاغنيه على الاقل من باب الدعايه للفيلم ويقوم مؤلف الاغنيه بكتابتها عن طريق حشر اسم الفيلم وسط عدد كبير من الكلمات وبعد ذلك توضع مشاهد من الفيلم او كواليسه مع الاغنيه ووزع يا عم على القنوات
فيلم تيمور وشفيقه وضع موسيقاه العبقرى عمر خيرت وقلت خلاص يعنى اكيد هيبقى عمر خيرت بس لكن لقيت فيه اغنيه بصوت حسام حبيب
فيلم 45يوم المفروض انه فيلم نفسى واحداثه سريعه ومركزه لكن فيه اغنيه لمحمد عدويه ...فيلم هاله خليل قص ولزق المفروض انها مخرجه مثقفه وبتقدم سينما مختلفه لكن الفيلم فيه اكتر من اغنيه ده طبعا الى جانب الجريمه اللى عملتها غاده عادل واحمد فهمى فى اغنيه داليدا... وفيلم تامر حسنى اللى هو عباره عن اغانى اساسا وفيلم عجميستا الوحيد اللى اغنيت مبرره لان فيه دويوت جميل لمدحت صالح وايهاب توفيق
فيلم احلام حقيقيه اول فيلم رعب مصرى
تعاقد المنتج مع ديانا كرازون لغناء اغنيه الفيلم بمقابل 200الف جنيه
وطبعا لسه بقى محمد سعد ومحمد هنيدى وافلامهم باغانيها العظيمه
6 comments:
انت هتعملى فيها حلمى بكر
ارحمنا يا ريس
خفيف من يومك
بعد كده متلعبش فى الكمبيوتر لوحدك احسن تتكهرب
والله يغملو اغانى يصورة من فوق الجبل
ما هدخل سينما السنادى يعنى مش هدخل
هيا فعلا ظاهرة فكل الافلام
بس كتير بتخدم الفيلم
ربنا يستر على افلام الصيف ده
انا دخلت عمر وسلمى وهوا عبارة عند فيديو كليب كبير
semsem
ليه القرارات الحاسمه دى وتهون عليك السينما المصريه
break
بقى تدخل عمر وسلمى طيب كويس انك لسه بخير
Post a Comment