Friday, June 29, 2007

لكل فيلم اغنيه

مع بدايه الموسم الصيفى السينمائى تتأهب كل قنوات الاغانى والافلام لاستقبال اغانى الافلام
فقبل ان ينتهى الفيلم يكون صناعه صوروا كليب الاغنيه على الاقل من باب الدعايه للفيلم ويقوم مؤلف الاغنيه بكتابتها عن طريق حشر اسم الفيلم وسط عدد كبير من الكلمات وبعد ذلك توضع مشاهد من الفيلم او كواليسه مع الاغنيه ووزع يا عم على القنوات
فيلم تيمور وشفيقه وضع موسيقاه العبقرى عمر خيرت وقلت خلاص يعنى اكيد هيبقى عمر خيرت بس لكن لقيت فيه اغنيه بصوت حسام حبيب
فيلم 45يوم المفروض انه فيلم نفسى واحداثه سريعه ومركزه لكن فيه اغنيه لمحمد عدويه ...فيلم هاله خليل قص ولزق المفروض انها مخرجه مثقفه وبتقدم سينما مختلفه لكن الفيلم فيه اكتر من اغنيه ده طبعا الى جانب الجريمه اللى عملتها غاده عادل واحمد فهمى فى اغنيه داليدا... وفيلم تامر حسنى اللى هو عباره عن اغانى اساسا وفيلم عجميستا الوحيد اللى اغنيت مبرره لان فيه دويوت جميل لمدحت صالح وايهاب توفيق
فيلم احلام حقيقيه اول فيلم رعب مصرى
تعاقد المنتج مع ديانا كرازون لغناء اغنيه الفيلم بمقابل 200الف جنيه
وطبعا لسه بقى محمد سعد ومحمد هنيدى وافلامهم باغانيها العظيمه

6 comments:

ta5areef said...

انت هتعملى فيها حلمى بكر
ارحمنا يا ريس

خيرالدين said...

خفيف من يومك
بعد كده متلعبش فى الكمبيوتر لوحدك احسن تتكهرب

semsem said...

والله يغملو اغانى يصورة من فوق الجبل
ما هدخل سينما السنادى يعنى مش هدخل

break said...

هيا فعلا ظاهرة فكل الافلام
بس كتير بتخدم الفيلم
ربنا يستر على افلام الصيف ده
انا دخلت عمر وسلمى وهوا عبارة عند فيديو كليب كبير

خيرالدين said...

semsem
ليه القرارات الحاسمه دى وتهون عليك السينما المصريه

خيرالدين said...

break
بقى تدخل عمر وسلمى طيب كويس انك لسه بخير