Friday, June 29, 2007

وزارة الصحة تحظر جراحات ختان الإناث نهائياً

لقيت الطفله بدور12عاما مصرعها أثناء اجراء جراحه ختان لها كان هذا الحدث بمثابة الانطلاقه لجميع الصحف والمراكز التى تدعى اهتمامها بالمراه وكثفت ندواتها وتواجدها فى وسائل الاعلام حزينه على وفاه هذه الفتاه


لسنا هنا بصدد بيان هل الختان جريمه اما لا


فالاحصائيه التى ذكرتها المصرى اليوم تؤكد ان اكثر من 90%من نساء مصر مختتنات اى ان نشاط السيده سوزان مبارك ومراكزها واعلاناتها لم تات باى ثمار


ما اريده هنا


هل وصلنا من البجاحه ان نقيم الدنيا لوفاه هذه الطفله وننسى الطفله الاخرى التى ماتت فى الشمس وهى تنتظر وزير التعليم ولا الاخريات الاتى يتعرضن للتحرش يوميا فى المواصلات العامه ولا غيرهن اللاتى يملأن الطرقات ويتسولن من المارين ولا فى المواصلات بتوزيع الادعيه الدينيه


أين كانت هذه المراكز حينما قامت وفاء مكى وبوسى سمير بتعذيب خادماتهم وقتلهم


أين كانت هذه المنظمات حينما اتفقت وزيره القوى العامله التى لا تفقه شىء على تسفير بناتنا للعمل كخادمات فى بلاد الخليج واله اعلم هل هن خادمات ام جوارى وملك يمين


شكرا للسيده الفاضله سوزان مبارك ووصيفاتها مشيره خطاب وغيرهن

17 comments:

Salma said...

أتمنى أن أكون قد لبيت الدعوه سريعا.أنا تصفحت المدونه, و قرأت موضوعات كتير فيها,و عجبتنى جدا مواضعكم و أسلوبكم الساخر في عرض بعض الحقائق و واقعنا الأليم و حالنا اللى في النازل. بدون أى مجاملات..المدونه ديه تستحق المتابعه و أنتوا" فعلا جامدين و الى الأمام دائما"

Salma said...

و بالنسبه لهذا لموضوع فلا أجد ما أقوله سوى...حسبنا الله و نعم الوكيل

e7na said...

شكرا على تلبيه الدعوه
ورايك ده شرف كبير لنا

Hosam said...

عزيزى
لولا موضوع الختان الغرب واقف ضده مكنتش لقيت المهرجانات دى كلها
لان فى حاجات بتحصل كتيره فيها جرح وذبح للادميه لاطفال كتير فى الشوارع
ولا على رائيك اللى يموت من الختان جريمه ومن الشمس قدر من الله

SAMEH said...

يا عزيزي
في بلدنا الحبيبه، مابقاش فيه إي خبر يدعو للدهشه و الإستنكار
كلنا عارفين إن الإعلام عندنا هو ديل الحكومه .. و مدام الحكومه عندنا بدأت تحارب موضوع الختان .. فمن الطبيعي إنك تلاقي كل يوم و التاني مجله أو صحيفه أو برنامج بيحارب الموضوع ده .. و ممكن تلاقي شيخ بعمه و جلبيه طالع في أي برنامج و بيحرم الختان
أو دكتور كبير طالع يحذر من خطورة الختان على الصحه العامه
أو يطلع مفكر يحذر من التأثير السلبي للختان على الفرد و الأسره و المجتمع
و طبيعي إن خبر زي ده لازم يستغل كويس و يتعمل له بروباجاندا كبيره علشان يخوفوا الناس
ده إذا ما كانش الخبر متفبرك أساساً و مفيش أي بنت ماتت و لا حاجه
ما هو الكدب حاجه مش جديده على إعلامنا و حكومتنا الرشيده
قال يعني وزارة الصحة عندنا شايفه شغلها كويس و مستشفياتنا ميت فل و أربعتاشر و البنات عندنا مابيموتوش إلا في عمليات الختان
معلش الكومنت طويل شويه .. بس الموضوع ده غايظني بقاله مده
شكراً

e7na said...

hosam
كلامك صح وده اللى انا قصدته

e7na said...

sameh
الاعلام الفاسد مسئول عن جزء كبير جدا من مشاكلنا

Spyfun said...

ختان البنت هو المشكله دلوقتي
الختان حاجه موجوده في الاسلام يعني مش حرام
هو احنا بنيجي في الهايفه و نتصدر
معلش هي دي بلدنا اللي كتير من شعبها بيحبها ومش عارفين علي ايه بيحبوها

ضد الظلم said...

بس انت مقولتش بردو انت مع الخيتان ولا لا
انا مع الختان بس المشكله مع تجريم عمليه الختان هتلاقى اى حد بيعمل عمليه الختان مش دكتور يعنى لان الدكتره هيخافو ودى مشكله
وطبعا هما فى الهيافه بيجرو ويعملو ضجه على الفاضى

تحياتى

g_bouheerade said...

العبرة ولا القضية مش في موت الطفلة
العبرة في ارتباط موتها بعملية الختان

وكان غرف العمليات لا يموت فيها مئات
بسبب اهمال الاطباء
وكان الختان عملية دخيلة وغريبة
لم تكن تتم بدون اطباء اصلا
ولم تكن تمثل اي خطورة

ولكن تقدر تقول تلكيكة
فاكر رشدي اباظة
لما ضرب شادية قلم في الزوجة الـ13
قالها وكمان بتقولي لي صباح الخير
هو كان عايز يستعرض قوته
ومش لاقي مدخل

نفس الحكاية
الجماعة حبايبنا
ما بيصدقوا يلاقوا تلكيكة

على راي المثل

دي مش دبانة دي قلوب مليانة

الناس بيهاجموا الدين وخلاص

وعلى فكرة
عايزة اقول حاجة
كلامي مش كتير ولا جامد عليكم
انتم تستحقوه واكتر

وانت شرفتني
بزيارتك
وشرفتني اكتر لما عرفتني اسمك

ودعواتك بقى
انا داخلة على امتحانات
وغصب عني
هاغيب فترة

شاب نفسه يحقق حلمه said...

مش مهم وزاره الصحه تقول
هما يقوله اللي هما عاوزينه
المهم ان الناس تعرف ان موضوع الختان ده خطر علي البنات
احنا في الالفيه التالته
ولسه عندنا اميه
وطول ما في اميه وجهل هتكون العواقب اكتر من كده
تحياتي
يا ريت تشرفني

عين ضيقة said...

تسلم



تحياتى

break said...

هيا فعلا حاجة تخنق

حسبى الله ونعم الوكيل

:(

kasperb4 said...

آآآآآآآآآه ثم آآآآآآآآآآآآه
على حالنا وما صرنا اليه
حسبنا الله ونعم اوكيل

لقد اسمعت لو ناديت حيا
ولكن لا حياة لمن تنادي

e7na said...

شكرا لكل اللى علق على الموضوع

R.O.U.R.O.U. said...

begad ana mesh 3arfa aol eh,,
ya gama3a 5etan 2l 2enas 7aram 7aram
a7na asasan azay benetna2esh fi share3 rabena ,rabena me7aram 5etan 2l 2enas ,a7na ne3melo azay we leeehhh
a7na mesh 7an3aned rabena a3oz bel allah
begad ana ma3ako fi any aol
7asbena allah wa ne3ma al wakil

ra7il said...

اول حاجه عايزه اقول حسبي الله ونعم الوكيل
وكمان اللي اعرفه والله اعلم ان الختان مش فرض للاناث لكن سمعت مره ان فيه ناس قالت انه سنه والله اعلم
غير كده الدوله مش معترضه علي الموضوع ده علشان البنت الصغيره توفت ما فيه ناس كتيره ماتت قبلها عملوا حاجه لاء مش عملوا ناس كتيره اتسرق اعضائها في المستشفيات ناس بتموت لان سيكيورتي المستشفي مش عايز يدخلها عملوا حاجه لاء مش عملوا يعني هو ختان الاناث لو اتمنع الدوله هتتحسن مستوي التعليم لاء يعني مستوي رفاهيه الدوله هيزيد طبعا لاء بس هما بيعملو كده لان في اوروبا والدول المتقدمه زي ما بيقولوا بيعترضوا علي الموضوع ده فطبعا مصر اولي انها تقلد الدول ديه وتسمع كلامهم وتقول حاضر علي طول وهاقول تاني حسبي الله ونعم الوكيل
واسفه طولت قوي