Saturday, November 22, 2008

عارفه؟؟؟


انا كتير قوى حلمت انى اعمل الحركه المجنونه دى ..تكلمينى وتقولى نفسى اشوفك ...انزل اجى على بيتكم اقف قدامك اشوفك وارجع تانى من غير اى كلمه
مفيش عندى اعتراض انك تختارى معايا اسم البنت بس انا شايف ان اسم طيبه مناسب قوى ....موافقه؟؟؟
)مش غريب أوى ان الواحد ممكن يرضى بمقايضة كل احلامه بحضن عينيكى) لما قرات الجمله دى فى مدونة فنتازيا حسيت انها اختصرت كل الكلام الحقيقى اللى عاوز اقوله لك
علشان خاطرى بلاش مكياج مش فكرة حلال ولا حرام بس انا باكرهه ...اه عاوزك صافيه وبلاش كمان النضاره الشمس وعارفه لو شفتك لابسه جزمه فضى
حاولت كتير ابطل بس اعمل ايه ..انت كمان هتتعودى ...هم شوية اكتئاب بعد كل ماتش وكام شتمه قبيحه لللابيض ابو خطين وانت نفسك هتعذرينى وهتحاولى معايا والله انا هاحبك اكتر من الزمالك
هتتعودى ...يعنى هتحبى المسلسلات السورى واغانى منير والدستور البديل وجلال عامر وسحر الموجى ومنير وانغام او مش مهم تحبيها خالص بس مش عاوز اسمع اى تعليق عليها
ممكن اول خروجه تكون حفله لعمر خيرت واول هديه تكون من الورشه اللى انا كنت باشتغل فيها ويكون شريف عاملها مخصوص علشاننا؟؟

6 comments:

رحــــيـل said...

بجد

جميل جدا
جدا
جدا

ربنا يكرمك دايما

mohra said...

صدق من قال الحب بهدله
ربنا يسعدكم

noor said...

..انت كمان هتتعودى ...هم شوية اكتئاب بعد كل ماتش وكام شتمه لللابيض ابو خطين وانت نفسك

!!!!!!!!!!!!!!!!!!!!!!!!!!!

وانت ليه ما تتعودش على الجزمة الفضي ؟؟؟؟؟؟

بوست جميل اوي

تحياتي

zelaaaaaky said...

والنعمه ما فاهم حاجه (لامؤاخذه)

محمود محمد حسن said...

في ظل هذا الطوفان التدويني الذي ملأ الإنترنت ،

بوستات قليلة تقرأها فتشعر بها جدا

البوست ده من البوستات دي

تحياتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘