Friday, February 29, 2008

سنه بس؟؟؟؟؟؟


اول مره اعرف يعنى ايه مدونه كان من مقاله فى الدستور فى صفحة رأى كان فيها جزء من مدونة عاوزه اتجوز
وبدأت بعدها ادور على مدونات تانيه
عجبتنى قوى
باب مردود وكأنت بأحس فيها برومانسيه البنت اللى مبقتش موجوده وكمان روح فانتازيا الرائعه وأسلوب صاحبها محمود العبقرى وطبعا سخرية غاده عبد العال فى عايزه اتجوز
الموضوع عجبنى قوى وفضلت لفتره كبيره ادور ومن لينك للينك
وفكرت ان كلامى البسيط اللى مفيش حد غير اصحابى بيشوفه وبيجاملونى ويقولوا لى انه جميل..... حد مختلف يشوفه ويقول رايه
اى نعم مع الوقت معظم التعليقات بقت جميل ...ربنا يوفقك وكده ...لكن اوقات فيه اراءا بتبقى حقيقيه وتفرح وتخلى الواحد طاير منا لسعاده
ـــــــــــــــــــــــــــــــــــــــــ
مع العالم الجميل ده عشت حاجات مختلفه وعرفت ناس أعتز بيها وبقيت نهم للمعرفه بشكل فظيع
سمعت فيروز بشكل مختلف ...نظرتى للدنيا اتغيرت ...حتى اصحابى فى الحياه بقيت لما اشوف مدوناتهم اكتشف مناطق جديده فى شخصياتهم عمرها ما كانت هتظهر الابالكتابه

يمكن انا مقصر فى حق ناس كتير بس انا مش باحب التعليقات والردود اللى من باب المجامله
انا متابع جديد مئات المدونات بس مش بأحب اعلق ساعات
بيعجبنى قوى براءة
هاجر...وجنون نواره ...ورزانة انونيمس وبأشوف حاجات جديده فى العبقرى قنديل
و
علوه حبيبى


بأفرح جدا لما الاقى بوست جديد عند بنت القمر او الاقيها مختاره بوست من عندى
مش بأرد على التعليقت من فتره لظروف النت لكن والله انا مش متجاهل الناس ولا حاجه وكفايه انكم بتجبروا بخاطرى
ـــــــــــــــــــــــــــــــــــــــــــــــــــ
بأتضايق قوى اما الاقى واحد بيعرف نفسه انه مدون او انى الاقى صفحه فى مجله او جريده بتناقش نفسيات المدونين كأنهم ناس من كوكب تانى
الموضوع بسيط يا جماعه دى مساحه بنتكلم فيها
بس
ـــــــــــــــــــــــــــــــــــ
مصادفه اسعدتنى...ان تبدأ سنه جديده فى عمرك مع عمر هذا المكان الذى اعشقه
كل سنه وانت طيبه


وكل سنه وزويل الذى يشاركنى هذا المكان من وقت لاخر


متالق دائما

13 comments:

appy said...

كل سنه وانت وهى طيبين عجبنى قوى كلامك عن المدونة وعن المساحات بتاعتنا

أتضايق قوى اما الاقى واحد بيعرف نفسه انه مدون او انى الاقى صفحه فى مجله او جريده بتناقش نفسيات المدونين كأنهم ناس من كوكب تانى

كوكب تانى ده غير كوكبى ولا ايه هو فيه حد بينافسنى هههههههههه

دكتور كسلان said...

كل سنة وانت طيب يا ابو حميد

وكل سنة وانت نشيط

وعمرك ما تكون زيى


والله انا عايز ارجع تانى للتدوين
بس انت عارف الكسل بقى

ادعيلى


سلاااااااااااااااااااااااااااااااااام

Duran said...

This comment has been removed because it linked to malicious content. Learn more.

سمراء said...

قرأت الصفحة صدفة انا معجبة جدا بصدقك وشفافيتك ودي اكثر المدونات الي بحبها اللي بتتكلم عن انسان مش اديب
انا بحب الادب والروايات لكن انا لا شاعر ولا كاتب ولا اديب ولا صحفي انا انسان
اشكرك لانك بتنبة المدونين انهم مش من كوكب تاني
التدوين هو فرصة علشان نحس اننا عايشين في عالم واحد ممكن نكون مختلفين لكن مشتركين في الاحساس بالفرح والحزن والالم والثورة على الظلم حتي لو مكنش على نفس الاسباب
احييك

وينكى said...

سنه عدت
ياتى حاسس انها اقصر من اللازم ولا أطول من اللازم؟
سنه كامله عشت فيها ألف حياه تانيه
عجبنى قوى تعريفك للتدوين بمنتهى البساطه
صح احنا مجرد ناس عاديه عندها حاجه تقولها وعندها الجرأه انها تشارك غيرها فى افكارها
مش انت لوحدك اللى مقصر مع التدوينات والتعليق
انا باتعذب مع كلمة لوم بتترميلى من اقرب المدونين ليا لما بابعد ومش بتابع اخبارهم ولا باعلق عندهم
كل سنه وانت طيب
وعقبال المئوية

بنت القمر said...

ميرسي اوي ميرسي بجد
كلنا اخوات وبشر بنتواصل انسانيا وبنتفاعل مع الاحداث ويمكن بنتفاعل ونعرف بعض هنا اكتر من بعض المحيطيين بينا ودايما بنتابع بعض حتي لو الوقت مسعفناش في حكايه التعليق بقينا مجتمع تاني موازي للمجتمع الحقيقي
مش عارفه اقولك ايه بس شكرا شكرا بجد

بطوط حبوب said...

جو اون يا مان
المدونه عجبتنى اكيد هنبىق اصحاب

walaa said...

كل سنه وانتم كلكلم طيبين
انا كمان فى عالم التدوين اكتشفت ناس حلوه قويه وناس بتحب بلدها بجد ونفسها تعمل حاجه وافكار تانيه كان نفسى اتعرف عليها
تحياتى ولاء

Desert cat said...

كل سنة وانت طيبة
وكل سنة ومدونتك فى تالق

أنونيمس said...

الهي وانت جاهي .. يكرمك وينولك اللي ف بالك

أنا رزين؟؟
يارب ما نعدمك ولا نعدم أدبك وزوقك
يا حلو انت يا حلو
:)

كل سنة وانت طيب
وعقبال ما تدوب المدونه ف عرق العافيه

صالح سعيد said...

بصراحه عالم التدوين فعلا كبير جدا
عامل زى البحر
فى اوجه استفاده كبيره جدا
وكل سنه وانت طيب
تحياتى

Epitaph said...

قريت التدوينة اول ما اتنشرت لكن نظرا لغلاسة النت معرفتش يومها اعلق

كل سنة وانت مدون ومتألق
:)

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘