Wednesday, February 27, 2008

أقر انا المضحوك عليه


كنت مستنى الاوبريت ده بفارغ الصبر

وعامل له دعايه بين كل اصحابى وزمايلى والطلبه عندى فى الفصل

تغاضيت عن ان زووم هى اللى هتذيعه

وكمان تغاضيت عن ان اسم الشاعر(سيد شوقى )ينفع اسم مغنى شعبى

وان كمان الملحن طارق ابو جوده

لكن انه يطلع بالشكل ده

مقلب كبيييييييييييييييييييييييييييييييييييييييييييير

سمعت بروموهات للاوبريت وشفت استضافة غسان بن جدو لأحمد العريان .....مخرج ومنتج وشاعر وصاحب الليله كلها ..ده حتى كمان بيعلق بصوته ...صاحب المصلحه بقى

المهم كان الكلام مبشر

والاعلانات اللى قبل العرض بشهر او اكتر

وجاءت اللحظه الحاسمه

عدد كبير من احسن الاصوات العربيه ومقدمه تاريخيه مبشره لوديع الصافى ومحمد العزبى ولقطات ارشيفيه مختاره بعنايه

لكن للاسف الكلمات ركيكه جدا

ومكرره بشكل فج ومستفز فوق ما احتمال اى حد

موسى وعيسى ومحمد

الاسلوب ده استهلك فى الكتابه من زمان قوى
والضمير الابكم
وسلاح الشجب معانا شايلينه فى الازمات
مفهومك للحريه ضد حقوق الانسان
كلها معانى استخدمها مدحت العدل قبل كده فى الحلم العربى وغيره منا لشعراء
فين الجديد بقى
بالاضافه الى ان يحيى حقى الموزع كبيره قوى عليه حكاية توزيع اوبريت يضم اصوات بهذا الكم
كمان تقسيم اسماء ضيوف الشرف من الممثلين والمذيعين حسب المناطق(نجوم مصر-نجوم الاردن -نجوم سوريا وكده)
يتنافى تماما مع ان العمل عربى فى المقام الاول


يبدو ان احمد العريان اكتفى بوجود العدد ده من المغنيين ومش مهم بقى... الاصوات واللقطات هتدارى البلاوى دى

وللاسف احمد العريان كان واضح انه بيدس مناخيره فى كل كبيره وصغيره لدرجة المقدمه والنهايه بصوته وهى مباشره بطريقه غبيه

والكلام من نوعية الحاج جرجس ومحمد وحنا اخوات ويلا بينا نصحى ضميرنا العربى ونظبط له المنبه

منك لله يا احمد يا عريان

7 comments:

الساحرة said...

كلنا مضحوك علينا دة اوبريت اونطه عامل زي الضمير العربي اسم علي مسمي

appy said...

ههههههههههه يا حرام انا كنت متوقعه من قبلها بص اصل مفيش ابتكار وكله بقى مكرر يعنى حتى الاغانى والافلام وكل حاجه حتى حياتنا بقت تيمه واحده او نمط واحد

مدحت محمد said...

هههههههههههههههه
والله انا بعتبرها لهاية
بيسكتو بيها الشعب
فعلا مقدموش جديد
تحياتى

SKOBL- Little Lazy Me said...

طب كويس انني ما باسمعش عن انجازات العرب غير لما يكتشفوا انها قرعه .. المشكله ان هما لسه بيتعاكملوا معانا على اننا حفنة أطفال أغبياء .. و هما كاملي العقل .. يعني كامل و كامل و كاملة .. سيبك يا عم انت

ضد الظلم said...

والله كنت متشوق اشوف الاوبريت ده بس انت قفلتنى منه

يلا بقى مش مشكله

هتفرج عليه قبل ما احكم

تحياتى

may said...

سيبك من كلمات الاغنيه
وكل الحاجات دي
بس المشاهد نفسها تقطع القلب
واهم قدمو كليب الضمير العربي
فين بقي الضمير العربي؟؟

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘