من الأول كده أعترف انى قروى ساذج لم أستوعب الرؤيه الفنيه المتفتحه والسيرياليه والحلزونيه لأننى من أبناء المدارس الحكوميه .........خلاص
سيبونى اقول كلامى
أنا مش شايف اي فن فى افلام يوسف شاهين
كلامى صادم؟؟؟؟؟................................
فعلا والله باستثناء رائعه عبد الرحمن الشرقاوى (الارض)وأداء المبدع محمود المليجى لشخصيه محمد ابو سويلم
انا مش شايف اى ابداع او بمعنى اصح مش فاهم حاجه
هل فعلا صلاح الدين الايوبى وقواد جيشه وجنوده كانوا بيتكلموا لغه عربيه فصحى بالشكل ده
لقد هجم الصليبيون يلا بينا نروح نقابلهم
أو مبرره للتعامل الحسن الذى يلقاه اهل الديانات الاخرى فى ظل الاسلام باقحام شخصية عيسى العوام ووصلات الخطب غير المبرره والكلام المباشر أكثر من اللازم
المصير...ابن رشد
سنتغاضى عن اللغه العربيه الفصحى
انم الناس فى العصر ده كانت طيبه قوى كده
كل بنت تقابل واحد فى الشارع تقول له هات بوسه
والناس لازم ترقص فى الرايحه والجايه
وتقريبا الاندلس مفيش حد فيها كان بيصلى ولا اى مظاهر اسلاميه
الاستاذ شايف كده
فيلم الاخر
وحب الام (نبيله عبيد)الشاذ لابنها (هانى سلامه)وهو أمر مقزز وأيضا حشر كلمات عن المعونه الامريكيه
هناك افلام اخرى أتمنى ان تقدم لها معامل انيس عبيد ترجمه او حتى يشوفوا لنا طريقة استعمال
انا كنت باحس ان المشكله عندى وان كل الناس اللى بتتكلم عن الراجل بيقولوا انه مخرج كبييييييييييير جدا بس لما سألت اصحابى لقيت أغلبهم ان لم يكن كلهم برضه مش فاهم حاجه
حاجات بتغيظنى
شرف كبير ان الاستاذ يختارنى فى دور واحد واقف على ناصيه الشارع
انا مش مهم عندى انى مش ظاهرفى الفيلم اساسا كفايه انى باشتغل مع يوسف شاهين ..ده يوسف شاهين يا جماعه
نيللى كريم :دورى فى فيلم اسكندريه نيويورك محورى ...أنا هأرقص وأتباس وأمشى
صفوه الرقاصه :سعيده لاختيار الاتستاذ ليا فى فيلم هى فوضى وهو شايفنى فى دور جديد عليا جدا ...أنا عامله صاحبه بيت دعاره
اكتشافاته العبقريه
طبعا قدم لنا الفنان الرائع خالد النبوى....وظل العذاب من نصيبنا بعد هذا الاكتشاف
وهانى سلامه ومخارج الفاظه وطريقة كلامه وتمثيله التى رفعت نسبتى الضغط والسكر عند معظم المشاهدين
وطبعا الممثل المعجزه اللى كان مع لطيفه فى فيلم سكوت هنصور...وكمية الصفار والبياض لدرجة انى نسيت اسمه
وننوس عين امه احمد يحيى بتاع فيلم اسكندريه نيويورك
تعرفوا لو كان هو اللى اكتشف تامر هجرس انا ممكن اروح اقتله
ولن ننسى انه دمر آسيا اشهر منتجه فى السينما المصريه بعد ان اقنعها بالانفاق على فيلم الناصر صلاح الدين حتى يفوز بالاوسكار
وتسببه فى اصابة اسطورة الغناء داليدا بالاكتئاب بعد ان تفنن فى اظهار تجاعيد وجهها فى فيلم اليوم السادس وهى حالة الاكتئاب التى لازمتها الى ان انتحرت
ارتباط الممثل الجميل محسن محى الدين باعماله حصره فى هذه المنطقه وحينما حاول الخروج من هذه الدائره بعد ان فات الاوان فشل فشل ذريع وترك الحقل الفنى نهائيا
تصريحاته بعد رحيل المخرج مصطفى العقاد ...كان تقريبا ناقص يقول الله يرحمه بس انا احسن منه برضه
21 comments:
إيه باإبني الدوشه الي انتى عاملها ديز صحيتني من نومي قبل الضهر
إيه بالظبط اللي انت موش فاهمه؟؟؟ بيقولوا يوسف شاهين مخرج كبير!!!! طبعا مخرج كبير
واكبر منك ومني كمان
لو موش مصدقني احسب كده انت عمرك كام سنه وهو عمره كام
تيك تاك
تيك تاك
....
......
شفت بقى الحكايه بسيطه ازاي
ياللا فرفش كده وروح هات لي كبايه شاي وسندوتشين طعميه والجرنان بسرعه ولك عليا لما ترجع أقلدلك يوسف شاهين وهو بأتب مع هنومه
كركركركركركر
فيه صحفي و كاتب عاجبني قوي اسمه أحمد المسلماني ليه برنامج علي قناة دريم .. مرة طلع في برنامج العاشرة مساء وكان مع خالد يوسف وسمية الخشاب والموضوع طبعا فيلم _ حين ميسرة _
المهم في أخر الحلقة بعد ما أعد بنتقد في الفيلم عجبني قوي لما قال : يوسف شاهين وخالد يوسف يحاولوا أن يوهمونا أنهم يمتلكون رؤية لاصلاح المجتمع وفي الواقع هم لا يمتلكوناه وان افلامهم يعني مجرد نقل لبعض جوانب المجتمع بصورة صادمة ليس فيها أي فكر .
انا زيك مش باحب يوسف شاهين وباتضايق جدا من المبالغات في تقديره كعبقري فذ ومثلك يغيظني رؤيته للناصر صلاح الدين ... والآخر .. وبحب جدا فيلم الارض
وبحب كمان ثلاثية سيرته الذاتية هو مخرج من جيل يمتلك رؤيا للحياة مش اللمبي واخوانه
وحقيقي افلامه الاخيرة ... طين يا ريت يبطل بقى ويتفرغ للعناية بصحته
بعد تعليق قليل من التفكير
الذي اعجبني جدا
قد استضاف المسلماني مؤرخ اسمه .. العراقي نسيت الاسم الاول وقد وصف فيلم المصير بالمسخرة وبتشويه سيرة ابن رشد اخطاء فنيه وتاريخيه بالجمله قادرة علي تشويه اي فيلم
*********
وعموما يا عزيزي
من لزوم الاكسسزار الثقافي زي الانتماء لجماعه ضد التعذيب والمطالبه باسقاط خانه الدين من البطاقه والتصقيف للمثليين ومتابعه الشعر الحنجوري لانه بس حنجوري
الاعجاب برضه بشاهين
الذي لم استسغ خطه وايام هي فوضي غرقنا في بوستات مبهورة مشلوله من روعه الفيلم
والذي لا يعدو كونه اكتر من منشور سياسي علي وصله ردح علي منظرين
شأن اي من افلامه
عليلمحه متعاطفه مع شخص شاذ ودي تيمه متكررة في اي من افلامه من اول الارض الي اخرها
لو حتي زي ما قلت علاقه مريضه مرعبه زي الاخر
الخط كله سخيف تثبت علي المنشور السياسي بعد ان من الله عليه بالانتقال من مرحله البارانويا والهرتله بتاعه التمانينات
حدوته مصريه واسكندريه ليه؟؟
شفت فيلم عجميستا
او شقه مصر الجديده فرق السما والعما خان عن شاهين
فرق الاساس والصورة العبقريه الرزينه والصورة المهذبه حتي مناظر الحب هي داخليه مش علي الافيش لسرقه جيوب صغار السن والمراهقين
وعموما
الاستاذ اللوزعي خليفه الاستاذ مستمر بخطه الي حين
عشان ما نتحرنش من عبقريته برضه
والعينه بينه
تحياتي
سر قوة يوسف شاهين
أنه أحسن واحد يقدر ينزل بالموسيقى التصويرة في توقيت شديد الحساسية وهي موهبة لا يمكن إنكارها في وجهة نظري
كما إنه من أفضل المخرجين المصريين الذي يجيدون تكوين صورة غنية وعميقة جاءت على سبيل إنقاذ المتفرج من شلل الخلفيات الزرقاء والصور المشطوفة مثل روائع أحمد بدير وعايدة رياض والمنتجات دي
المشكلة
انه بيكتب السيناريو بالفرنساوي الأول وبعدين يترجمه
ان أفلامه ذاتية أوي
بمعنى انك ممكن تفهم لكن عشان تقدر تكون وعي موحد بيبقى صعب شوية لإن اغلب التصورات من جواها لجواه
الافتعااااااال والمبالغة أحيانا
..
بس انت كتابتك ظريفة ولو إنها محتاجة بعض الحياد
...
تقدر تعتبرني قروي ساذج قادم من الريف برضه
معلش انا لي راى فى ده ان يوسف شاهين بيعمل افلام يتفرج عليها الناس الى بتحب السيما
مش زى محمد سعد اقصد كتكوت الى نفسى افهم معنى للفيلم مع انى شوفته حوالى 400 مره
انا نفسى مرة افهم كلمه من اللى بيقولها بجد ولا افلامه بتاعت اسكندريه دى بس هو له مغزى ايه هو معرفش بس بعيدا عن الافلام بحبه معرفش ليه يكونش علشان طاقق زى كده ودماغه مفوته على الدور التانى جايز
لو الزمن جه عليا يعنى واتضريت انى اتفرج على فيلم ليه باقعد باربع عيون وخمس اودون انى افهم كلمة ابدااااااااا - بس بابا قايلى انتى مش هتفهمى حاجة زمان كنت باحسبه بيتريق على قدراتى بس بعد كدة فهمت ان العيب مش فيا اطلاااااقا
he like shocking the spectator...I don't like him either...for there are other promising directors who deserve the light shed upon him!
I loved the way you wrote this review...especially "ekteshafat Jo" lol and laughed at Tamer Hagrass ya rabby 3alih lol
هههههههههه
انا عندى نفس المشكلة بردو...مش بفهم حاجة من افلامه نهائيااااااااا..مرة قلت اتفرج على اسكندرية كمان و كمان من اوله...اعدت ساعة و انى افهم الفيلم بيتكلم فى ايه ابدا..قلت اقوم بكرامتى احسن
دا عقدنى بجد
نيللى كريم :دورى فى فيلم اسكندريه نيويورك محورى ...أنا هأرقص وأتباس وأمشى
يخرب بيت فقرك
انا فرطت ضحك على الجمله دي
-----
بص يا باشا
يوسف شاهين من نوعية المخرجين اللي بيعملو سينما بتخاطب فئه معينه
فئة قليله قوي
لا انا ولا انت
بيتكلم عن فئه نرجسيه
ركز معايا
نرجسيه
عندها رغبة في اثبات الذات الشخصيه لنفسها اكتر من الاخرين
ولأن القائمين بالعمل الفني والاعلامي من هذه الفئه .. فطبيعي انهم يعيدو ويزيدو ان يوسف شاهين مخرج كبير
عشان يبان انهم بيفهمو .. وانهم من الفئة دي
ملحوظه
محمود المليجي قال تصريح عن فيلم الارض وعن فيلم عودة الابن الضال وعن افلام يوسف شاهين .. قال ايه
الواد ده انا مش فاهم هو عايز يقول ايه .. بس مايمنعش اني اشتغل معاه .. ده دارس سينما بره
فهمت الحدوته .. عقدة الخواجه
اللي درس الفن بره
سلامووووووووووز
السلام عليكم
بصرف النظر عن كون دا بوست قديم وكون اسلوبك الممتع بيشدني من بوست لبوست وبنسي اعلق
بجد انت رائع
افلام يوسف شاهين
انا متفقه معاك في وجهه نظرك ودخلت في نقاشات كتير اوي وقال ايه خرجت منها باني شبه متخلفه ومبفهمش طيب اللي فهم يقول يعني
حتي المممثلين ادائهم في افلام يوسف شاهين وطريقه الحوار تشل بجد
فيلم زي الاخر والنقطه اللي انت اشرت اليها شئ واحد في الفيلم دا عجبتني فكره مجمع الاديان
لكن باقي الفيلم ما يسواش 3 ابيض
اكتشافات يوسف شاهين اولهم زي ما قلت خالد النبوي والانسان دا بجد بيقف في زوري ومبقدرش ابلعه
المغرور هاني سلامه حسبي الله ونعم الوكيل
مره مذيعه بتنافقه وبتقوله قد ايه صوتك حلو مبتفقرش تغني
قها والله نظرا لانشغالي مش حاطط الموضوع في دماغي حاليا لا غني غني علشان تبقي كملت
واذا كنت انت بتقول ان فنه سريالي
فالسرياليه منه بريئه اسفه علي الاطاله
بنت القمر
زكرت اسم مؤرخ ... العراقي
هو فيلسوف وليس مؤرخا واسمه عاطف العراقي
أفلام يوسف شاهين...تقليد أعمى للغرب، و محاولات يائسه لتطبيق ما هو غربي على السينما العربيه
و عمل أربعة أفلام تحكي قصة حياته !! ايه النرجسيه دي ؟
ده مش مصدق انو مخرج ؟
يعتبر شاهين من ابرز المخرجين المصريين والعرب واستطاع ان يؤسس اوسع مدرسة سينمائية في تاريخ السينما العربية.
وقد تتلمذ على يديه العديد من المخرجين الذين رفدوا السينما المصرية بافلام تعتبر من بين اهم الافلام مثل يسري نصر الله والراحل رضوان الكاشف وعلي بدرخان وخالد الحجر وخالد يوسف ومجدي احمد علي وعماد البهات.
وقال المخرج داود عبد السيد الذي عمل مع شاهين مساعد مخرج في فيلم "الارض" الذي يعتبر من العلامات المميزة في السينما المصرية ان "يوسف شاهين من اهم المخرجين المصريين لانه صاحب افلام غاية في الاهمية في تاريخ السينما المصرية".
وذكر من بين هذه الافلام "صراع في الوادي, وصراع في الميناء, وباب الحديد والارض, والناصر صلاح الدين".
واضاف "لكن اهميته تنبع ايضا من انه شكل مدرسة حقيقية مباشرة وله تلامذته الذين تعلموا منه", كما "شكل اهم مدرسة انتاجية حيث خرج اهم المنتجين في السينما المصرية وذلك لاستفادتهم من عمل شاهين وشركته بنظام الانتاج المشترك مع اوروبا وخصوصا فرنسا".
"شاهين شكل اوسع مدرسة في السينما المصرية طوال مسيرته الفنية فقد استفاد كل الذين عملوا معه كمساعدين ثم عملوا كمخرجين من اساليبه في العمل والاخراج كل بطريقته دون ان يفرض عليه اي توجه معين".
واعتبره الناقد طارق الشناوي "اهم مخرج بين المخرجين المصريين الذين شكلوا مدارس في تاريخ السينما المصرية مثل صلاح ابو سيف وفطين عبد الوهاب وكمال الشيخ وهنري بركات ونيازي مصطفى, لان شاهين تفوق عليهم وكانت مدرسته اكثر بريقا واتساعا وخرجت العديد من المخرجين الكبار".
اما نجمة السينما المصرية يسرا التي عملت معه في خمسة افلام اولها "حدوته مصرية" في عام 1982 مرورا بفيلم "المهاجر" وانتهاء ب"الاسكندرية نيويورك" فرأت في شاهين "اسطورة غير متكررة في السينما العربية والعالمية".
واعتبرت ان "تاثيراته لا يستطيع احد ان ينكرها محليا وعالميا ومهما تحدثت في هذا الموضوع فاني لن اوفيه حقه". واشارت الى "القيمة الانسانية التي يمثلها شاهين في التعامل مع العاملين معه من فنانين ومساعدين فهو يؤسس لعلاقات عائلية بين العاملين معه ويخلق اجواء تدفع
الجميع للتعامل كاسرة واحدة يحبون بعضهم بعضا يحملون همومهم المشتركة".
وكان المخرج والمنتج المصري المولود في 1926 في الاسكندرية (شمال) حصل العام 1997 على السعفة الذهبية لمهرجان كان على مجمل اعماله.
وشاهين معارض لنظام الرئيس حسني مبارك وكذلك للاسلاميين. وندد باستمرار بالرقابة والتطرف.
وتميزت افلام شاهين التي بدأها بفيلم "بابا امين" في مطلع الخمسينات بان غالبيتها حملت بعدا سياسيا وهموم المواطن المصري والصراع الاجتماعي القائم في مصر طوال تجربته مثل افلام "الارض" و"الناصر صلاح الدين" و"العصفور" عن هزيمة 1967 وصولا الى اخر افلامه "هي فوضى" الذي ينتقد فيه بشكل لاذع الفساد في مصر رغم الملاحظات الفنية التي سجلها النقاد عليه.
وحصل شاهين على الكثير من الجوائز والتقديرات المصرية من قبل جهات مختلفة مهتمة بفن السينما وحصل على الكثير من الاوسمة.
يشار الى ان شاهين عمل اكثر من اربعة اعوام خارج مصر من 1964 الى 1968 اثر خلافات له مع بعض رموز النظام المصري وقام خلالها باخراج عدة افلام من بينها فيلم "بياع الخواتم" للمطربة اللبنانية فيروز.
وعاد الى مصر بوساطة من عبد الرحمن الشرقاوي مؤلف رواية الارض التي حولها شاهين الى فيلم بنفس الاسم بعد عام من عودته الى مصر.
معلش يا رجالة اللى مايعرفش يقووووووووول عدس؟؟؟؟
مش عارف أرد أقول إية
بس واضح إن أنت من مشجعي السبكي و أتباعه
Waan , hassan Moursi
Allah yenawar
de 3alaam wakla baloza
بصراحة انا مستغرب من كمية التخلف ال عايشين فية دا و امتة هنرحم نفسينا و ندى فرصة للناس الفاهمة و نشجعهم و بلاش ننتقدهم لاجل النقد فقط لا غير فارحموا انفسكم و ارحموا البلد من كمية التخلف ال عايشين فية
تصدق عندك حق ؟ والله بتفهم عشرة على عشرة بجد
يوسف شاهين افلامه تافهة وغبية بس الاعلام المصري نفخه لأن أفلامه مابتستحيش
Post a Comment