نعم انه ذلك المقهى الشهير بحواراته الساخنه وارائه الجريئه ....دعونا نقترب
انا مش عارف ايه يااخى اللى مصبرنا على الهم ده؟...وهنفضل ساكتين لامتى؟-
انت متاثر قوى ليه؟ انا اول مره اشوفك كده-
الموضوع زاد عن حده قوى يامنصور-
عندك حق والله الناس كلها بتتقدم واحنا مشغولين بالخناق ومش عارفين ناخد قرار واحد-
ايوه حطيت ايدك على اهم نقطه ...عاوزين قائد يقدر يلمنا حواليه زيهم-
قدروا يقفوا صف واحد ويبقوا ايد واحد واحده .فوصلوا بسرعه-
احنا بنحارب فى كام جبهه وكل ما واحد يفلح يخطفوه -
لا يامنصور ماهو احنا اللى مش بنقدرهم -
بنقدر مين ياعم ؟ ماعندك المدافعين كلهم جايين بشىء وشويات -
مدافعين؟؟؟ انت بتتكلم عن ايه؟-
عن الزمالك طبعا هو فيه غيره اللى مبهدلنا معاه ....امال انت مفكرنى باتكلم على مين؟-
ده انا دماغى راحت لبعيد خالص .واستغربت اول مره اسمعك بتتكلم فى السياسه
-
يرتفع صوته وهو ينطق بكلمه السياسه فيلتفت من حوله فى المقهى مذعورين من غرابه الكلمه
يرتفع صوته وهو ينطق بكلمه السياسه فيلتفت من حوله فى المقهى مذعورين من غرابه الكلمه
15 comments:
يا احمد يا ابنى انا كام مرة قلت
لك
ابعد عن السياسة واللى بيشتغلوا بالسياسة
دول اخرتهم وحشة
والانجليز اليومين دول زى المجانين من اللى شايفينه من الالمان
ومش هيسيبوا حد فى حال
كل اللى عليك تعمله
تهتم بمذاكرتك
وان شاء الله لما تاخد البكالوريا وتبقى محامى قد النيا ابقى دافع عن الغلابة وعن البلد زى ما تحب
يا ابنى يا حبيبى
عقلك فى راسك تعرف خلاصك
على فكرة الكلام اللى فوق ده هو اللى
وصل الناس اللى فى القهوة للخوف والاستغراب من كلمة السياسة
والسلام
لحسن حظى انى فعلا بكره السياسة ومش مهتمة بيها اصلا
بس انه ينفى انه بيتكلم فى السياسة بكلامه عن الزمالك يبقى كدة يستاهل الى يجراله
يارب مااكون دخلت مدونة واحد زملكاوى
اناماليش فى الكورة يا عم هههههههه
ههههههههه
عزيزى احمد
اشتغالة تمام
بوست حلو اوى
والمدونة كلها جميلة
تحياتى
احمد الصباغ
طب الاهلويه يحماده ليهم اللي يصبرهم على حال البلد انما اللي زيي انا وانت المستقبل امامه مظلم عشان نرتاح حل من اتنين ينسيب مصر او نسيب الزمالك .....بقولك ايه عايزين نتجمع الماتش الجاي احنا والغلابه اللي زيينا في بورسعيد لاني فكرت في الحل الاولاني لقيته اسهل ..الماتش السبت الجاي يوم 27 اكتوبر
هى دى مصر يا احمد
اساتذة فى فن التنكيت على احوالنا الزفت وحتى لو جينا نتكلم بصدق ايجابى عشان نلاقى حل نفتكر المخبر اللى على اول الشارع والظابط اللى فى القسم وحتى امين الشرطة الغلبان انه مش من حقنا حتى نتكلم
حسبى الله ونعم الوكيل
مدونتك افكارها حلوة جدا وعميقة
تحياتى
ما هو اللى جايبنا لورا خوفنا من الكلام فى السياسه
ومن الكلام فى احوالنا واحوال بلدنا
فضلنا نمشى جنب الحيط علشان خاطر العيلين لحد ما بقينا بنشى جوزا الحيط زى الحشرات
بوست حلو قوى
هى فعلا اشتغاله تمام
بس المشكله ان الناس ليها حق تخاف
مكنتش بصدق اللى بيحصل غير لما لاقيته قريب منى بجد
فصلوا واحده زميلتى لدواعى امنيه مع انها مش بنتمى لاى جماعه
مجلس الاباء لما عرفوا ان فى اولياء امور اخوان
هددوا الاخصائيات المسئولين عنه وطلبوا تغيره
مع انها حركه غير مقصوده بالمره
عرفت الناس خايفه ليه
حقيقي ابدعت فيه
عبرت عن فئات الشعب المختلفة
فئة المهمومين بقضايا حقيقية
وفئة المهمومين بقضايا اخري
والفئة الثالثة
هي فئة الشعب
الخائف
المذعور
وكل هذه الفئات
موجودة
ولم تتعدي نطاق
القهوة
تحياتي
بنت الاسلام
هههههههههه
حلوه وملعوبه
في الجون
الكوره وغيرها بقت سياسه
الواحد ماعدش عارف يتكلم في ايه بعيد عن السياسه اللي تودي ورا الشمس
الا ورا الشمس ده يبقى فين؟؟!!
طبعا عارف رايي
زي ما قلتلك
ما ينفعش نوصف الجميع بالغباء
طالما الجميع بيسر في نسق واحد وهو الوضع الطبيعي
الحالة الفكرية الغالبة ما ينفعش نسميها غباء
لانها هي الوضع الطبيعي
الشذوذ عن القاعدة الجماهيرية العريضة
هو اللي يبقى ايه
؟؟؟؟؟؟
واسمع كلام الحاجة
قصدي كلام عمك ابو سويلم داخايف عليك
وبلاش تمشي ورا العيال الهتيفة بتوع نموت نموت وتحيا ميت عقبة
أبو سويلم
أول تعليق يا كبير
ايه السعاده اللى احنا فيها دى
لا يا با انا مش عاوز ادخل مدرسة الحقوق
انا هادخل المهندس خانه
خلود صلاح
ليه بس ياخلود دى السياسه حلوه خالص
للاسف يا أختى العزيزه محسوبك زملكاوى
احمد الصباغ
كنت عامل حساب الناس الجديده
على فكره يا احمد اسمك ينفع اسم بكباشى فى القلم السياسى
انا باهزر اوعى تزعل
شرفتنى بالزياره
محمد نزيه
مظلم ؟؟؟
هو فين المستقبل ده اساسا
rainbow
أستاذتى هدى
ايه النور ده
شكرا على الاطراء
اخجلتم تواضعنا
desert cat
بلاش يا ستى كلام فى السياسه شوفى تعليق ابو سويلم واسمعى نصايحه
ra7eeel
ساره ...الخوف والجهل هم السبب طبعا يا أختى
بنت الاسلام
كل الكلام الجميل ده ليا انا
شكرا ياستى
وانت كمان مدونتك وافكارها اكثر من رائعه
أوشه
ورا الشمس أكيد بقى
complet
مش عارف أكيد فى لاظوغلى
ماعلينا
وحشتنى تعليقاتك
هأسمع الكلام
حاضر
أسلوبك و صياغتك للجمل جيده
إلى الأمام دائمآ
Post a Comment