Saturday, October 6, 2007

وضاع النصر يا ولدى

بنت البطل
قصه من وحى الخيال كما نعرف جميعا
ابى عاجز عن رؤية الارض التى دفع ثمن حريتها هو وامثاله من عمرهم ..فى حين يستمتع من حاربوهم طاردين اياهم منها ومحررينها من براثنهم بها وبتأشيرات دخول رسميه بدعوى السياحه
اننى اشكو المُا اعانيه عندما اجد ان مجهودات ابى وغيره ضاعت هباء ...ليستفيد منها من لا يعرفون عن كلمة 6 اكتوبر شيئا سوى انه اسم لكوبرى به منزل شهير يقودهم الى الزمالك حيث منازلهم العامره بالخيرات
أبى مطالب بأن يقوم باجراءات مهينه فى المكاتب الحكوميه اذا اراد مثلا الحصول على شقه تناسب امكاناته بدلا من شقتنا التى توشك على الانهيار لولا رحمة ربى
او عليه ان يناشد احد المسئولين عبر احدى البرامج الاذاعيه او التليفزيونيه مطالبا بحجره وصاله متاجرا بتسع سنوات بطوله حتى يمن عليه احد المسئولين
لم اعد اشعر بالفخر الذى كنت احسه فى الماضى كلما كان يقص ابى على مسامعنا ذكريات الحرب والنصر
أتدرى لماذا
لاننى صرت اعتبر تلك المشاعر الصادقه ماهى الا مشاعر عبيطه لطفله صغيره كانت تظن بناء هذا الوطن الذين دافعوا عنه ابطالا فى نظر الاخرين كما كنت ارى فى افلام السينما
اجزاء من رسالة ارسلتها ابنه لاحد ابطال اكتوبر نشرها بلال فضل اليوم لنرى بأعيننا كيف قضى مبارك وحزبه الوطنى على انجازات الماضى كما قضى على الحاضر والمستقبل

20 comments:

عدى النهار said...

أتذكر خبر قرأته منذ شهرين تقريباًعن أب من الإسكندرية إختفى إبنه ومعه إثنين من زملائه بالكلية وكان الشائعات تقول أنهم أعتقلوا بحجة إنتمائاتهم الدينية وأن أحدهم مات من التعذيب. الرجل لم يستطع أن يصل لأى معلومة عن إبنه وكذلك أهل زميليه... الخبر أشار إلى أن هذا الرجل كان أحد ضباط الجيش المشاركين فى حرب أكتوبر

دكتور كسلان said...

انا عايز ابعت للحكومة الاغنية دى

بسم الله
الله اكبر
بسم الله

اسرق وانهب

بسم الله بسم الله

ارهب وخوف

بسم الله بسم الله

الله اكبر

اسجن واضرب

وقول يارب

الشعب يفطس

Esmat said...

ياه صعبة الكلمات
والاصعب من يعيشها
من يستحقوا ان نحملهم فوق رؤسنا طوال حياتهم
نظير تضحياتهم
منسيون
ولكن الله شاهد
وحسابهم عند ربهم
وحسبنا الله ونعمة الوكيل فى كل من ظلمهم
ابطالنا جزاهم الله خيرا

ra7il said...

بصراحه انا كنت بقول ان دم الشهداء راح بلاش وان اسري الحرب والمصابين راح تعبهم خلاص بس دايما بتفكر ان اجرهم عند ربنا سبحانه وتعالي وان برضه ربنا هيعاقب اللي خلي كل اللي عملوه تقل قيمته يعني هما يموتوا وهما بيطردوا ناس واحنا دلوقتي بندخلهم البلد بس مش كده بس لاءعليهم حراسه كمان ومش بس كده اياك اي حد مصري يتعرض لهم بجد اللي يتقال لابطال اكتوبر ربنا يكرمكوا ويصبر الاحياءمنكم اللي شايفين ثمره تعبهم راحت خلاص وبالنسبه للي موافقين علي دخولهم البلد حسبي الله ونعم الوكيل ربنا المنتقم

رحــــيـل said...

بجد الله يكون فى عون الناس اللى حاربت وتعبت وبعد كده مش لاقين ابسط الحقوق
بس عايزه اقولهم ان احنا فاكرين فضلكوا كويس ومش ناسين
ده على اساس ان احنا مازلنا شعب مصر واصحاب البلد
سامحونا لو كنا مقصرين
مش لو ده اكيد

Unknown said...

بجد احساس يكسر اي فرحه و يحسس بالعجز
ان عائلات الشهدا مافيش اهتمام بيها و الي ادا دمه و روحه للبلد مافيش حد حاسس بيه
بيت بلد المرتشي و الفاسد

Sara Swidan said...

أحمد ... أنت بتحبطني !!

مش حدخل على البلوج بتاعك تاني الا لما تكون عندي رغبة ف الحسرة ع الحاجات الجميلة !

مش كدة !

داليا عز said...


طبعا مش غريبة على واحد احتكر الحرب كلها فى الضربة الجوية بتاعته

ولا غريبة على واحد ما يعرفش أى حاجة عن الشعب اللى خلاه حاكم

ولا غريبة على واحد فاكرها تكية ابوه وعايز يورثها لابنه

مش غريبة ابدا على حسنى

بس الغريب فى الموضوع : اننا حاططين إيدينا على خدودنا وقاعدين مستنيين الفرج

يبقى نستاهل اللى يجرالنا
صح ولا إيه ؟؟


يا خوفى عليك يا بلال يا فضل انتا كمان

بنت النيل

خلود صلاح said...

لاننى صرت اعتبر تلك المشاعر الصادقه ماهى الا مشاعر عبيطه لطفله صغيره كانت تظن بناء هذا الوطن الذين دافعوا عنه ابطالا فى نظر الاخرين كما كنت ارى فى افلام السينما
--------------------------------
مؤلمة جدا
ممكن اقولك رسالة تبلغها لاستاذى الفاضل بلال فضل؟

بنحبك يا استاذ وعايزينك كويس والله تيك كير الله يسترها معاك:)

Doaa Ebrahim Aaql said...

مؤلمة وموجعة
لكنها واقعية للأسف

أحييك على اختيارك للمقال



سلامى ليك

Desert cat said...

سبحان الله هو دهنصر اكتوبر اللى كان زمان بيبقا عيد فى المدارس وفى كل بيت وشارع مصرى
دلوقتى ولا كان حاجه بتحصل
وكانه يوم عادى جدا من ايام السنة
للاسف راح النصر وراحت فرحته بادينا احنا المصريين
وحسبى الله ونعم الوكيل

Barrak said...

اه يابلد

البِـئرُ والظمّأْ said...

سلام الله عليك
انت حسرتني بجد على ما مضى و على اللي احنا عايشين فيه
حسبي الله و نعم الزكيل
.
زيــزي

ما علينا said...

حسبي الله ونعم الوكيل
هانقول ايه غير كدا

مفيش غير كدا يتقال

الأستاذ said...

وهذا يفسر ما قاله نزار"طريقك مسدود يا ولدي" مغلق في وجه من هم من أبناء هذا الوطن ومتاح دائماً لأعدائه, وكما قالت الأستاذة "داليا عز" أن الموضوع حصر في من احتكر الحرب في ضربته الجوية ونسب له كل الشرف وكأن أحداً من الجنود لم ينزف دماً وهو يرفع العلم أو غيره لم يضحي بعائلته فداءاً لوطن يعني له كل ما في الدنيا

عمر أفندى و أبووه said...



و بحبك وحشتينى

"مصر هية امى..نيلها هو دمى...شمسها فى سمارى ..دمها فى ملامحى...حتى لون قمحى ..لون نيلك يا مصر...مصر ...مصر" دى كانت كلمات الاغنية التى تغنت بها المطربة عفاف راضى من زمان قوى و اتربينا عليها...اتربينا على ان مصر هية امى...غنيناها فى المدرسة فى الابتدائى فى حفلات المدرسة و قولنا مصر هية امى ..و انا بدورى بقولك يا سيد عمر افندى...من هنا و رايح (مصر هية امك) و لازم تفهم ده كويس.

باقى المقال
و بحبك وحشتينى
على عمر افندى

www.omarafandy.com

أبوسويلم said...

وسياتى اليوم الذى نجلس فيه سويا
لنتذكر
كيف حققنا النصر
وكيف استطاعت قواتنا المسلحة عبور قناة السويس وتحطيم خط بارليف المنيع فى ست ساعات
وهاتك يا رقص
للاسف احنا قرينا تاريخ غلط
و6 اكتوبر اللى قرفونا بها طول عمرنا هى اللى جابتنا ورا
منه له
منه له
منه له
سلام

قطوف said...

نسيت المقهى الشهيره فى حلوان إللى كانت إسمها 6 أكتوبر وكانت بقوم بعملية تثقيف الشباب

واحده من الناس said...

كلام يوجع ويقهر
ربنا يقهر ويجازي اللي كان السبب

Anonymous said...

حاجه مش تمام