هى خصلة يرى المصرى انه المتفرد بها دون غيره وحقا هو كذلك .انها الفهلوه وتفتيح المخ .فالمصرى يرفض الاعتراف بعدم معرفته بشىء ما فهو خبير وموسوعى فى كل مناحى الحياه
يفتى فى امور الدين فى اول جلسته وتتشعب منه الافكار ليروى كيف استطاع ان يصلح سيارته دون الحاجة لميكانيكى وكيف ان ذهنه الحاضر قد كشف له مؤامرة امريكا ببناء حائط الصواريخ فى البلدان الاوروبيه ثم يدلى بصفته متخصص فى الاغذيه بان الاطعمه الدسمه محفز وباعث للنشاط وخطأ حسن شحاته باللعب بمحمد شوقى بجوار حسام غالى وكيف ان الصداع يتبدد مع استخدام وصفة كذا
ادى العيش لخبازه
منذ 7 آلاف سنه وخباز مصر ينتظر ان يتعطف اى مصرى وينفعه لكن ازاى؟
احنا بتوع كله ...دماغنا شغاله فى كل حاجه
لانعترف فى بلدنا بمبدأ التخصص وان لكل دوره وعمله فى الحياه يجتهد ليؤديه وتدخل الاخرين بشكل جائر يفسد هذا العمل .اما فى الاشياء التى تستلزم راينا وجهدنا فعلا نتراجع ونرفض المشاركه وتبدأ سلبيه اخرى
وهى انا مالى انتظر ان يكتب عنها احدكم
ساكتب الايميل فى التعليقات وانتظر تفاعلكم
15 comments:
e7nablog@yahoo.com
مستنيين المشاركات
الحلقة اولى انطلاقة موفقة
لاننا كدا جبنا الشخصية المصرية الغالبة والمنتشرة وحطيناها قدامنا
عايزين نبدا بقى تشريح ونعرف ايه الاسباب التى ادت لوفاة الشخصية المصرية
التى حسب ادعاءها يجب ان تكون معمرة
حضاريا وتصمد وتتحدى كل صعب
عارف انا عندي واقعة مناسبة جدا لمبدا وانا مالي
ومجرد ما اكتبه هابعته على طول
نتعليق بسيط بس
الدين اختى لا يجب ان يتجزء عن حياتنا
فهو جزء منها
مش ينفع نجزء الدين
ووقت نتكلم فيه ووقت لاء
لا مينفعش طبعا
لازم الدين يكون معانا فى كل وقت
وايه المانع نكون لنا فى كل حاجه
علماء زمان كانو علماء موسوعيين
لهم فى شتى العلوم
ليه منكونش زيهم يعنى
والكلام فى الدين او فى السايه مش عيب
لازم نكون على علم بكل شىء
السلام عليكم
ياريت تقنعوا اللى بيصلح العربيه من غير ميكانيكى يحترم نفسه وبلاش يقطع ارزاق الناس
بلوج ورائع ومعبر فى كلمات
e7na
ادعوك للمشاركة في استطلاع راي
عن اكثر عشرة مدونات تاثيرا في قرائها
عل مدونتك واحدة منهم
اليك الرابط
http://www.6ef.blogspot.com/
المصريين فعلا بيدخلوا في اللي لهم واللي مالهمش فيه
لكن برده أرجع ده الي نوع من أنواع الكسل للجوء للمتخصصين اما للتكلفة المادية أو التكلفة الذهنية أو البدنية
أو لعدم ثقتهم في المتخصصين دول بيلاقوا كل متخصص له رأي مختلف عن الآخر مع انهم داخل تخصص واحد وده بيؤدي الي التشتت وعدم الثقة
وده راجع لنواحي كتيرة مش سبب واحد ولو حبينا نحل الموضوع ده هيبقي لازم نحله من كل أطرافه الفرد والمجتمع والمتخصصين أنفسهم
لاتعليق علي كلامك بس انا مش شايف امل في التغير دي طبيعه باين مش عارف
تحياتي لاسلوبك الرائع
ده الي بسموه البني ادم الكشكول بتاع كلو الي عمرو مافهم يعني ايه تخصص ..محاسب شغال صيدلي بتاع اداب شغال في فرن محامي على تكس و هكذا ..
تحياتي
انا سعات بحس ان موضوع بتاع كله دة حاجة لا ارادية
اه والله كانه مرض عضال
بس عموما دى حاجة كبيرة كدة زى الوحمة اللى بتعلم الشعب المصرى
مدونتكم عسولة ربنا يوفقكم وانا كمان يا رب
على فكرة الموضوع دا مش موجود في المصريين بشكل عام...موجود في الرجاله بس ...لأن الراجل بطبيعته ميحبش راجل تاني يتفوق عليه في حاجه ...يعني اشمعنى اجيب سباكـ هو انا يعني معرفش اصلح البلاعه ...وليه نجيب كهربائي مش هعرف انا اعمل اللي هو هيعمله ...وممكن دي نبعه من ثقة الرجل بنفسه ..أنا مش حيادية بس انا سمعت الكلام دا من كذا اخصائي NLP
واحده زيي مثلاً لا ممكن ابداً اقول ماعرفش غير لما اجرب كل الحيل كهربا تليفونات سباكه بتاعة كله و لما تسألني عن السبب اقولك اني باحس باني سعيده جداً لو نجحت في تصليح الحاجه علشان كدا مش باستسلم بسرعهغير لما الحاجه تخرب خالص بقي لو لقيت دوا للموضوع دا ابقي قولي عليه
الفكره ساعات مش بتبقى فهلوه قد ما هي غلب يعني توضيحا للكلام نص اللي بيصلحو الحاجات لنفسهم اذا ما كانش اكتر اتبهدلو كتير من السباك و الميكانيكي وغيرهم فبشكل عام اتخنق من كونه مستغل من كل البشر اللي على ضهر البطاقه عندهم كلمة مصري
المهم الشعب المصري شعب خلق ليكون بهذا المنظر ومش هيتغير
رجاء صغير :
فونت الكتابه قرب يعميني معلش غيره حفاظا على نظرنا
انا مش لاقى تفسير للداء ده وواضح من التعليقات انه منتشر فعلا وان كانت اسبابه مستتره
حد عنده حل يا اولاد الحلال
ولا هنفضل نرصد الظواهر وبس
اولا هوا تحليل موفق جدا لاوضاع المصريين
وخاصة الرجالة
لان فعلا الرجالة هما اللى بيحبو يعملو نفسهم بيفهموا فكل حاجة
تحياتى وفى انتظار الحلقة الجاية
Post a Comment