Friday, January 2, 2009

أحب على ايدين اهاليكم فوقوا
يا بشر بصوا واسمعوا واقراوا
يا جدعان اسرائيل مستغله الاله العلاميه ومروجه صورة انها ضحيه حماس وصواريخ المقاومه وانها بتدافع عن نفسها وانتم هنا زى البغبغانات بترددوا كلام عن الاماره الاسلاميه على حدود مصر والمد الشيعى والاساءه لسمعه مصر والنيل من دورها
يا بشر
اكبر اساءه لسمعة مصر هو الكائن المسمى ابو الغيط اللى طالع يقول لنا ان زياره ليفنى المتعمده قبل العدوان بايام كانت لان الرئيس حس ان اسرائيل مقبله على الخوه دى فقال لهم هاتوا لى الست دى
ابو الغيط اللى قال ان حماس رافضه فتح المعبر ولما المراسلين والكاميرات فضحوه رجع وقال اصل فتحة المعبر ضيقه
اكبر اساءه لدورنا وتاريخنا هو قمع المظاهرات ومنع الناس من صلاة الجمعه الا بعد الاطلاع على البطاقات الشخصيه لمعرفه اذا كانوا من اهل المنطقه ولا لا
اكبر اساءه اننا قاعدين هنا نقول ان حماس بتستغل دم الفلسطينين وبتستغل ده اعلاميا وسياسيا وبتعتدى على الفصائل التانيه وعلى الرغم من ده حماس وفتح والجهاد والجبهه الشعبيه والويه الناصر صلاح الدين وكل الشرفاء فى قلب المعركه بيقصفوا بصوراريخهم المتواضعه وبيقدموا افرادهم فى القصف وانتم قاعدين بتحاكموا الناس بالكيبورد
اكبر اساءه هى منظرنا كشعب واحنا ساكتين على تصريحات مبارك بان المحتل هو اللى يحدد مين يدخل ومين يخرج
بذمتكم انتم فكرتوا فى جمله زى دى معناها ايه
اكبر اساءه اننا نسكت على ضرب حدودنا بالصواريخ وده جزء من امننا القومى ومابالك بان اللى بينضرب ده اخوك
وياريتنا بنتظاهر ولا حتى بنسكت ده احنا حتى بنتهم اللى بيصرخ ويتظاهر بانهم حنجوريين وعملاء لايران وسوريا
الامن المصرى بيعتقل المتظاهرين دى محلتش فى تشيلى وفنزويلا

No comments: