Tuesday, May 20, 2008

عينى ع الاعلام وبلاويه


الموضوع مش جديد ...اتكلمت فيه غاده عبد العال قبل كده
وهو ان اغلب البرامج التلفزيونيه لما بتستضيف حد يتكلم عن كتاب ومناقشته المحاور نفسه بيبقى مفي عنده اى فكره عن الكاتب ولا الكتاب
فى حلقة العاشره مساء بعد فوز بهاء طاهر بجائزه النسخه العربيه من البوكر كان واضح جدا ان منى الشاذلى ولا قرأت واحة الغروب ولا حتى قرأت اى موضوع عنها فى الصحف سواء المختصه بالادب او اليوميه ورغم محاولات فريق الاعداد لتفادى المنظر الوحش لكن فى النهايه الهدف من الحلقه كانت مواكبة حدث فرض نفسه على الاخبار فاستضافوا الرجل من باب اننا مش مقصرين يعنى
نفس الشىء فى نفس البرنامج لما استضافت غاده وغاده ورحاب (اصحاب الكتب الصادره عن دار الشروق) وكمان فى حلقة البرنامج عن موقع facebook واللى كان واضح فيها جدا ان معلومات منى الشاذلى عن الموقع الاجتماعى هى نفس معلومات سعد الصغير عن موسيقى بيتهوفن
فى حلقه من حلقات برنامج مساءك سكر زياده على otv كان الضيف هو البراء اشرف للكلام عن المدونات والفايس بوك وعن فيلمه التسجيلى الاخير (المدونون ...الصحفيون الجدد) وكانت نفس المشكله ظاهره بقوه
والنهارده فى حلقة شبابيك كان الضيف هو العبقرى الدكتور احمد خالد توفيق لن اتكلم عن ان الدكتور احمد اضطر ان يحكى رواية يوتوبيا للاساتذه الافاضل وكأنه جدتهم وبيقول لهم حدوتة قبل النوم ولا هاتكلم عن استغراب التلاته ...اياد وهبه وسلمى من مصطلحات ودراسات واحصائيات وكأنهم جايين من كوكب تانى ...حتى سلمى الصباحى التى كنت احسبها اكثر اطلاعا من ذلك
لا ...انا هاقول بس ان سلمى كانت مش عارفه اسم الدكتور احمد
ونفس البرنامج استضاف اكتر من ممثل علشان يناقشوا معاهم افلام وطول الحلقه يقولوا -انا لسه مشفتش الفيلم -بس كنت عاوز اسال عن فكرة ....
هى الناس دى بالتأكيد مش فرض عليها انها تعرف كل حاجه طبعا..بس على الاقل من باب احترام الضيوف واحترام المشاهدين اللى نجاح حضرتك ونجاح برنامجك بهم انك تقرا عن الكلام اللى انت هتطلع توصله للناس
بلاش...هات لقاءات سابقه اخبار وتحقيقات صحفيه عن الموضوع
علشانكم شكلكم ميبقاش وحش كده

21 comments:

Bella said...

هذه ليست المرة الاولى التي يظهر فيها جهل منى الشاذلي

ورايي دائما في العاشرة مساء ان طاقم الاعداد يبذل جهد كبير جدا للتغطية على عيوب الست منى

والحقيقة ان الجهل المتفشى في البرامج الحوارية لايظهر الا في برامج مذيعينا نحن فقط

تابع اي برنامج حواري على اي فضائية عربية محترمة كالجزيرة مثلا ستجد المذيع مذاكر الضيف تماما

يعني خذ مثال برنامج زيارة خاصة

تجد المذيع سامي كليب بخلاف ثقافته الرهيبة وادبه الجم على دراية بكل صغيرة وكبيرة تخص الضيف موضوع الحلقة ولايمكن تشعر معه بملل ولا تشعر بانه لايعرف اي تفصيله ولو صغيرة عن الضيف مما يسهل عليه الانتقال من نقطة لنقطة بمنتهي البراعة

والامثلة كثيرة في باقي البرامج الحوارية

ولااتفق معك في ان مش لازم يعرفوا

الحقيقة انهم ضروري يعرفوا ويذاكروا كويس كل مايخص الضيف ولا يعتمدوا على جهد الاعداد فقط

حتى انهم لايكلفوا خاطرهم بقراءة مايكتبه المعدون

منتهي قلة الادب منهم الحقيقة واستهانة كبيرة بحق الضيف وبحق المشاهدين

اما عدم معرفتهم باسماء الضيوف فحدث ولا حرج

تصور ان تستضيف ضيف ويبدو من قول اسمه غلط انك اصلا لم تكن تعرفه من قبل

كسلانين حتى يعرفوا اسم الضيف

جاتهم الوكسة بدري

تحياتي

hoda omran said...

عادى بقة

جت على دى بس


ربنا يرحمنا من البلد دى بقة

dodda said...

كلام مظبوط
100%

انا شبابيك بتنقط قدامه
بينقطوا جهل!!!
غالبا كان المفروض يقتصر على مقابلو ابطال الفيديو كليب

هوندا said...

انا الحمدلله مبتفرجش ع التلفزيون قليل جدا اما اقعد قدامه لانى بتفقع
ولما كنت بتفرج ع منى الشاذلى كنت بحس ده اوقات فى كلامها وده شىء مستفز للضيف طبعا اولا ولينا ثانيا
ان كده الحوار هيكون تقليدى وغير بناء لانه متناولش اسئله البنى ادم الطبيعى الى اكيد هيكون نفسه يسالها للكاتب او الضيف عموما لانه ببساطه قرا الكتاب او القصه

دكتور كسلان said...

انا عرفت ايه الدكتور رفعت
الشخصية اللى فى قصص الدكتور احمد خالد توفيق
كان عند لقلب ليه
اكيد كان بيتفرج ع البرامج دى
وممكن يكونوا استضافوه مرة

مش اسمه رفعت برده
ولا انا بألف وهتقعد تتريق عليا

سلاااااااااااااااااااااام

weswes said...

كلامك لا خلاف عليه ورغم ان دى الحالقه التانيه لمنى الشاذلى عن الفيس بوك
والحلقه يمكن الالرابعه عن المدونات
الا ان برضوا مفيش اى نوع من الاجتهاد
بقوا شبه موظفين الحكومه
يجتهدوا ليه ما كده كده البرنامج ماشى وكده كده بيقبضوا مرتبات
وبنسبه لمنى الشازلى فهى توجها لكبار السن اللى بالفعلا كثير منهم لا يعلم شئ عن الانتر نت غير ان بنته او ابنه قاعد قدامه طول النهار فبالتلى اى معلومه هتكون مثيره بنسباله حتى لو كانت ضعيفه
اما شبابيك فده اى كلام شباب عايزين قابلوا نجوم وبس لا تحضير ولا ترتيب ولا اى حاجه
وكله بيعدى يا عم احمد

ابو العربى said...

فعلا لازم بس يعنى منى الشاذلى وصباحى من الناس المفروض اهم مطلعين جدااا مش عارف فى ايه
تحياتى
ابوالعربى

Empress appy said...

يووووووووووووا متعدش والله كان فيه دكتورة اه والله وصوحفيه بتتكلم فى برنامج بس مش فاكرة اسمها ايه بصراحه
المهم مش عارفه الفيس بووك ولا عارفه تقول الكلمه صح
الناس دى حتى لما هجمتنا راهنت انهم اسااسا ملهومش فى الكمبيوتر وقد كان منى يعنى ممكن تبقى غلطات او حتى متكبرة ان ى حاجات زى ما هما بيقولوا عيال وهى اكبر من كده يا سيدى سيبك منهم

علوة said...

قولت لك كذا مرة قبل كده
انت بتلقط وبتكتب
..
يا بني أشتغل بقى أبوس إيدك
..
حلو أوي البوست يا زعيم
والأحلى انك مش بتعبد الأصنام

خيرالدين said...

bella

احنا عندنا الموضوع سلق بيض ودى سمه غالبه فى اى حاجه
والناس كلها بتتصل تقول انا باحييى حضرتك على البرنامج ده
ودى حاجه استحاله تلاقيها فى اى مكان فى العالم غير عندنا
والدليل الاكبر على سلق البيض القصور فى نقطه الاعداد واللى غالبا اللى بيقوم بها هو المذيع او المحاور ولو وجد المعد الجيد بيكون مهضوم الحق

خيرالدين said...

همسات

ماشى يا ست المخنوقه

خيرالدين said...

dodda

تقريبا هو ده اللى هيعملوه

خيرالدين said...
This comment has been removed by the author.
خيرالدين said...
This comment has been removed by the author.
خيرالدين said...

هوندا

الامتحان اللى فات كان ماده اسمها فنون الالقاء
النقطه الاهم فى صفات اى ملقى او اى شخص بيواجه الجمهور الى جانب الموهبه والثقه بالنفس
هى المعرفه
لان الملقى او الشخص ده بيعرض عقله ومعارفه وخلاصة خبرته على الناس
يقال ان عبد الملك بن مروان سئل عن الشيب الذى انتشر فى شعره فقال
شيبنى صعود المنابر والخوف من اللحن (الخطأ

خيرالدين said...

دكتور كسلان

انت ما تعرفش تعلق تعليق طبيعى
لازم تهزر
ايوه اسمه رفعت
بس مش ابو توتو على فكره

خيرالدين said...

weswes

طيب ما تتكلم عن اى خبر او اى حاجه بدل الاحراج
ولا بينى وبينك احنا اللى بندقق شويها الناس التانيه بتبقى عاوزه تنام ومش مركزه

خيرالدين said...

ضد الظلم

فيه اكتفاء بالشهره والمدح

منور

خيرالدين said...

appy

والله انا سايبنى منهم بس اللى بيضايقنى ان دول يبقوا نجوم مجتمع والنجوم الحقيقين اللى يستحقوا الاهتمام ولا حد يعرف عنهم حاجه

خيرالدين said...

علوه


يكفينى انك قرأت البوست يا معلم
وجاى لك
هانت

Anonymous said...

Thanks to the blog owner. What a blog! nice idea.