Tuesday, May 27, 2008

أخيرا يا زمالك


انا فرحان

بس مش علشانى والله قد ما هو علشان اخويا الغلبان اللى طلع لقى نفسه بيشجع الزمالك

علشان اخوه زملكاوى

وبقى له اكتر من اربع سنين بيسالنى هو احنا هناخد بطوله امتى

وعلشان سى السيد اللى قرب يجى له ضغط من تشجيع الزمالك

وعلشان الواد محمود الغلبان اللى راح الاستاد رغم انه عارف اننا هنتغلب

وعلشان الواد زلاقى اللى بعد كل ماتش يقول خلاص انا هأشجع الالومنيوم

وبتاع الجاز اللى كل ما يروح معايا الاستاد انا وهو وسى السيد

لازم نرجع مدلدلين ودانا ومكسورين الجناح

وخاصة فى رمضان

واخيرا علشان وليد كساب وشادى عيسى

وكل الزملكاويه

14 comments:

المخبر العام said...

وعشان كده احنا اخترناه

bernard n. shull said...
This comment has been removed by a blog administrator.
mohra said...

معاك حق و الله
اخيرا مبروك

e7na said...

المخبر العام



الزمالك طبعا

وش بيغمز

Epitaph said...

الي الشعب الزملكاوي الشقيق
نهنئكم علي فوزكم عشان خاطر الغلابة اللي نسيوا طعم الفرحة

انا قال ايه بقي
كنت مختفية كام يوم كدة
ومنقطعة عن اخبار الدنيا ونص الدنيا
قوم صحيييييت
لقيت قال خير اللهم اجعله خير الزمالك كسب
وقال ايه اخد معرفش ايه الكاس
قلت لا اله الا الله
ايه اللي حصل في الدنيا
هي القيامة قامت

وبصفتي اهلاوية صميمة
احب اشاطركم الفرحة اللي يا عيني نسيها الزملكاوية (واولهم ماما اللي يا عيني مضطهدينها في البيت بسبب الموضوع ده) وطبعا غير اني اكتشفت ان حضرتك زملكاوي وبعض الاصدقاء اخيرا رفعوا رؤاسهم واعلنوا ميولهم الزملكاوية فده يخليني اجي كاهلاوية صميمة اهني وابارك
ومنجيلكمش في حاجة وحشة

:)))

ra7eel said...

هو الصراحه انا مش بحب الكوره ومليش فيها

بس انابحب الاهلى مش عارفه ليه
هههههههههههههههههههههه
شكلى هضرب لما امشى بقى احسن

e7na said...

mohra


ربنا بيكرم

e7na said...

epi

عزيزتى هاجر
لو اعرف ان بطولة الزمالك هتكون سبب لتعليقك كنت طالبت ممدوح عباس انه يعمل مكافأه للفريق حتى لو من جيبى
يا فندم احنا على استعداد نشجع الاهلى علشانك
شفتى التضحيه الجامده دى

e7na said...

رحيل


ماشى يا ساره
اهلاويه
ماشى

أنونيمس said...

يلا من نفسكوا شويه

:P

zelaaaky said...

يا عم والله الكاس دا جاى علينا بخساره دا بيقوللك علاء عبد الغنى هيجدد وطارق وعبد الحليم وبشبش بيقول استنونى الموسم اللى جاى لما اخف بس وبيفاوضوا واحد اسمه السيد حمدى دا اسمه لواحده ينزل درجه تانيه والله انا خايف ليكون المدرب السوبر فاروق جعفر (ماهى المشرحه ناقصه قتله)

e7na said...

انونيمس

هو انت طلعت اهلاوى عميل

ماشى

زلاقى

السيد حمدى؟؟؟؟
ده اخره محصل نور
هى كانت ناقصه
انا اللى مزعلنى بقى هيقولك مطالب الجماهير ومحمد حلمى تراجع عن الاستقاله علشان الجماهير وحازم رجع فى ا لاعتزال علشان ا لجماهير
يوم ما كانوا مع شوبير كان عبد الحليم بيقول احنا محتاجين حازم
كنت عاوز اتصل اقول له احنا مجتاجينك تمشى انت وحازم

سيبك انت

منورنى يا معلم

lottery winners said...

Baw ah, kasagad sa imo maghimo blog. Nalingaw gd ko basa.

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘