Tuesday, October 28, 2008

ناس سوبر




هناك كثيرون استفادوا جيدا من انتشار القنوات الفضائيه وكثرة الجرائد اليوميه وبرامج التوك شو ساعدتهم كثيرا ان يحققوا امالهم فى ان يصبحوا حديث الناس ونجوم المجتمع وبالفعل اصبحوا كذلك ....نجوما لدى البعض واراجوزات لدى البعض الاخر يشاهدهم ويتحسر على هذا الزمن
تامر حسنى.....لهذا هو اسطورة الجيل
مخطىء من يظن ان شعر صدر تامر حسنى هو الذى اكسبه هذه الشهره...اطلاقا ..الشهره دى مش جايه من فراغ على راى طلعت زكريا ..دى نتيجة تعب سنين كتابه كلمات اغانى وتلحين وتاليف وتمثيل وحديث عن طيبه قلب زينه
طبعا ...انت متخيل ان طيبه قلب زينه كان حدث بسيط..زينه كانت تتخبط وتبحث عن اى دور رفضته زميله من الصف الاول لترشق هى مكانها الى ان جاءت لحظه ميلادها من جديد فالتفت تامر الى طيبه قلبها ومن هنا فتحت لها ابواب المجد واصبحت تعترض على حجم صورتها على الافيش بعد ان كانت تمر من امام الكاميرا بالصدفه ...هكذا هو اسطورة الجيل اصبح مؤثرا للغايه ولفته واحده منه وتسبيله سحريه تضعك فى مصاف النجوم
تامر يحاول ان يصنع كوكتيل من كل النجوم الذين نجحوا قبله ..يبحث عن الدور الخيرى والاغانى الوطنيه كما ام كلثوم وعبد الحليم فى الماضى ومنير حاليا فيغنى هو لسنوحى وبلدنا اللى بنحبها ويختاره نظيف ليغنى فى منتدى دافوس لانه (مثال للشباب الوطنى) ثم يبحث عن اغانى الافيهات التى ظلت منطقه عمر دياب المفضله فيغنى بنت الايه واسكتى ...ثم منطقه السهوكه والتسبيل والتى جعلت منه فتى احلام بنات الثانوى الفنى والتجارى والفندقى وهذا الامر تتطلب منه تركيز كبير فى البدايه وبشهاده اكثر من بنت كان يتصل هو بالمعجبات ليبدين رأيهن فى انتاجه ثم اشتغاله الاحضان فى حفلاته والتى انتقل الفيروس المسبب لها الى اخواننا فى سوريا والكويت طبعا غير كلمات الاغانى التى تداعب مشاعر البنات فى حصص الرسم زى المونولوج الاذاعى
صوتك متغير ليه ...عندك برد ولا ايه
وانه لقطه واى بنت تتمناه وانك الخسرانه لوحدك ولازم تبوسى ايدك وش و ضهر انى باحبك
تصرفات تامر حسنى وتصريحاته جعلت منه ايضا ماده مغريه لمجلات من نوعيه عين ووشوشه وغيرها فاصبحت احداث مثل حضوره حفل منير وكلامه عن انه نجم مصر الاول وانه يسير على خطى ام كلثوم فى العمل الوطنى والخيرى هى حديث الساعه

لنا لقاء اخر مع سوبر هيرو جديد

11 comments:

هوندا said...

بلا وكسه اهو ده الى جايبنه لورا رأيى اننا منتكلمش عنه اصلا لاننا كده بنساهم فى أهميته

zelaaaaaaaaaaaaaaky said...

يا عم مش طلع بياجر المعجبين بالساعه

م/ الحسيني لزومي said...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
بنر الحملة موجود علي مدونتي

mohra said...

ههههههههههههه
عامه اذا كان سوبر هيرو فانا افخر بكونى من الحرافيش

شباب روش طحن said...

بالرغم من أن تامر يعتبر صورة مصغره لفئة معينة من شباب مصر البايظو أصبح ممثل ليهم لكن رأيي أنه ذكي فعلا يعني قدر في فترة قليلة يصنع من نفسه نجم مع إن في ناس كتير غيره أفضل منه ومع ذلك ما حصلوش علي ربع ألي حصل هو عليه

ahmEd_H said...

ليست زينه وحدها من صنعت نجوميتها عن طريق " طيبة قلبها " و لكن تامر هو الوحيد الذى صنع نجوميته عن طريق شعر صدره

تحياتى

e7na said...

هوندا
منوه يا استاذه

ZELAKY

اتاريهم بيبوسوا ويحضنوا بضمير

e7na said...

شباب روش طحن
النجوميه فى مصر مش محتاجهمجهود وا ذكاء
كن تافه وستصبح محط الانظار

سعيد بمرورك

AHMED H

متفق معاك فى ان المواهب دى سواء الطيبه او شعر الصدر وضعتهم فى اماكن لم يحلموابها
ربنا يخلى لهم شباب مصر

e7na said...

MOHRA

وأنا كمان يا دكتوره

GeBo0 said...

بصراحة انا متفق مع الرأي ان مجرد نقد شخصيات زي دي اسهام في اهميتها
زي مبيقول المثل
متعملش لل..... سعر

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘