Friday, September 19, 2008

ع الماشى

المخرج التونسى شوقى الماجرى أثبت ان المخرجين العرب اكثر درايه بامكانات ممثلينا منا........ لاحظ اختياراته فى اسمهان وأداء احمد شاكر فى دور فريد الاطرش ويوسف شعبان ...حسنين باشا و بهاء ثروت ...محمد التابعى
الله ...الوطن ...أما نشوف ......مدونه وجدتها بالصدفه واصبحت اتابعها بانتظام ...صاحبة المدونه مثقفه جدا وتتمتع بحس أدبى وفكاهى عالى ومتقبل للراى الاخر بصوره رائعه ...كل هذه المميزات جعلت جريدة الطريقه تختار تدويناتها للنشر فى العدد الاسبوعى بصوره شبه منتظمه
من الاشياء المستفزه جدا فى رمضان هذا العام اعلان مسلسل الدالى ....من النهارده مفيش حد هيسبق سعد الدالى ....ملعون ابو التخلف
على قنديل فاجأنى بالمشاركه فى الحلقه السابعه من سيت كوم العياده .....المفاجأه كانت جميله جدا وعلى ممثل جامد جدا انتظروه
نجاح البرنامج الكوميدى لمبه شو هذا العام يؤكد ان الاعتماد على الوجوه الجديده والكتابه المميزه والاخراج الذى يحترم عقل المشاهد وذوقه هو الطريق المضمون للنجاح الفنى والمادى
غيرت وجهة نظرى فى احمد سعد بعد أن قدم اغانى مسلسل هيمه بهذا الاحساس العالى والتعامل مع كلمات سيد حجاب وعمار الشريعى بهذه الحرفيه الشديده
بالمناسبه سيد حجاب تفوق على ايمن بهجت قمر هذا العام بكلمات اغانى شرف فتح الباب وهيمه
يسرا ....نور الشريف ....فيفى عبده ....تيسير فهمى.....احمد عبد العزيز ..عزت ابو عوف ....داليا البحيرى...لقاء الخميسى........ عاوز اقول لكم كلام قبيح قوى
فى اطار خطتها لتطوير برامج المنوعات استقدمت شبكة قنوات النيل كوكبه من التحف لتقديم برنامج يومى على قناة النيل لايف اسمه نهارك سعيد ....تحفتين من قناة مزيكا وتحفه اسمها فرح من دريم ولم يستدل على عنوان باقى الشروه
أما قناة الساعه فحصلت على توقيع حياة عبدون (لن تديروا مؤشر التلفزيون) لتقديم برنامج يومى ايضا ....لطفك بعبيدك يارب
كثيرون اشادوا بفكرة برنامج نجيب ساويرس يحاور مع انها تشبه الى حد كبير فكرة برنامج على كرسى المذيع وايضا تدل على تعامل رجل الاعمال مع القناه كأنها المندره بتاعته
يبدو ان صناع مسلسل ناصر نسوا كتابة جملة (رضى الله عنه) فى تترات المسلسل

4 comments:

mohamed alhaddad said...

هو مسلسل الدالى مسلسل جميل اوى بس فعلا الجمله اللى فى التتر دى مستفزه لاحد كبير فعلا
بس اللى مستفز أكتر منه اعلان شيبسى فوكس .... جدا

أما بالنسبه لأحمد سعد همرى مااقتنعت بصوته بينرفزنى جدا بس المره الوحيده اللى عرفت ان صوته قوى كانت فى اغنيه بيقول فيها موال غير كده مابستحملوش خالص .
اما سيد حجاب ده فى كفه وايمن بهجت فى كفه
ايمن بهجت بكتب اغانى للعامه لكن سيد حجاب بيكتب شعر على حق كل كلمه ليها مغزى وهدف راجل عبقرى واول ما خلانى اخد بالى من سيد حجاب كلمات تتر مسلسل العفاريت كانت جامده جدا

برنامج نجيب سويرس كويس أوى عاجبنى رغم الشبه فعلا

اما مسلسل عبد الناصر فعندك حق عبد الناصر ده ملاك من الزمن
أنا مش متابعه بس هما مطلعين صلاح نصر برده من السما ولا ايه ؟؟؟

الله...الوطن...أما نشوف said...

ايه دة؟؟؟هي لسة بتنشرلي الجريدة دي؟؟ لا لا لا...انت تحتفظلي بعدد ولا اتنين منها ولما ربنا يأذن واشوفك على خير ان شاء الله تبقى تسلمهولي يدا بيد...طب امتى العدد الاسبوعي دة...يا نهار دة فيه ناس بتقرا الكلام اللي باقوله وكدة؟؟طب ممكن تقوللي هم مثلا نشروا ايه تاني غير "يحدث في عربية السيدات"؟ اصلي مش لاقياها على الفرشة اللي باجيب منها جرايدي بصراحة!! والله سريت خاطري يا سيدي:))
وسعيدة جدا بتشريفك المنتظم لتدويناتي ووصفك لي شديد الرقي, حقيقي اسعدتني...على فكرة البوست اللي انت مقتبسه من رواية احمد خالد توفيق معلق معايا اوي اوي...اختيار فيه حساسية كبيرة...
ماتنساش بقى...الاعداد ها...جريدة الطريق..."أما نشوف"!:)
تحياتي

إبـراهيم ... said...

تخيل كنت فاكر تتر أغنية (هيما) كلمات أيمن بهجت قمر يا أخي ، على فكـرة قربوا من بعض قووووي ، تحياتي على كـل حـال

و حلوة اللي ع الماشي ده

الله...الوطن...أما نشوف said...

...ما تخليش حاجة تحرق في دمك...ادعي بس معايا يطول بينا العمر ونشوف لها آخر حالة الانتكاس اللي طولت دي...والله أحيانا مابالاقي حاجة أكتبها واعصر دماغي ما اعصرها مافيش حاجة تتقال حتقول ايه بس...وأحيانا تانية تنفجر الحاجات في دماغي ومابقاش عارفة الاحق على سيل الكلام...علق يا عم براحتك وفضفض...واللي مالوش خير في اخواته المدونين مالوش خير في حد:))