Sunday, January 6, 2008

هذى البلاد لم تعد كبلادى


لن تجد يا صديقى مثل هذا البلد ستظل تجوب البلاد ولن تجد هذا الدفء وهذا الحب
ستقابل بلدان مبهرة واضواء وصخب لكنها بلا روح
لن ترتاح ولن تتخلص من لعنة حب هذا البلد كما تسميه

هى حقا لعنه
كانت تطاردنى كل يوم وانا اتساءل بينى وبين نفسى عما يجعلنى اتحمل البقاء فى هذا البلد
رغم ما أراه من ...قرف فى كل تفاصيل الحياه

هل ترى ذلك مبرر ...أتذكر ذلك الحوار الذى ورد فى رواية شيكاغو بين الفتاه الثوريه
وحبيبها الذى ظن انه تصرف بعقلانيه وترك البلد بكل همومها
هل تذكر كيف اصبح حاله وكيف كان ينزل الى قبو منزله الفاخر ليرتدى ملابسه التى قدم بها الى
شيكاغو لعلها تطفأ حنينه الى بلده

هل تظن ان شخص مثل أحمد زويل او فاروق الباز قد يداوى حنينه بهذه الطريقه ان كان هناك حنين
حنين لماذا ؟؟؟
لبلد لو ظل بها لم يكن ليتعدى منصب استاذ مساعد او مدرس كيمياء فوق سطوح اى بيت
حتى بعد ان نجح لم يسلم من ألسنة الجهلة التى اتهمته بالخيانه والسعى وراء الدولارات
عليه فقط ان يتذكر ذلك عند اى بوادر للحنين

لماذا تبتعد بالحديث
كيف تنسى اعجابك بشجاعة ابراهيم عيسى وتعجبك من حبه الجنونى لمصر
وكم هو مصر على ان يظل في هذا البلد رغم ما أصابه منه
حديثك عن عازفى تيتانيك الذين آثروا العزف بدلا من انتظار الغرق
مالذى تغير؟؟؟؟؟

لم تعد صورة ابراهيم عيسى الاكثر تأثير
لقد صعدت للشاشه صور كثير حجبت الرؤيه
أحمد عز ...ورفاقه ...وعبدالله كمال ...كرم جبر وباقى هذا القطيع
تعرف
فى كل مره كانت تمتد يدى لأبحث عن الجديد فى المدونات والمواقع كنت أضع يدى على قلبى خوف من أرى
مشهد تعذيب جديد
هل تذكر كيف تعجبتم حينما تخيلت انى فى مكان عماد الكبير
ولم يجب أحد منكم على تساؤلاتى

يعجز لسانى عن الرد
أراهم ينجحون فى اقصائنا لتبقى البلد بلدهم

ألا تراها بلدهم فعلا؟؟؟؟

ــــــــــــــــــــــــــــــــــــــــــــــــــــــــــــــــــــــ

من وحى قصيدة فاروق جويده الاخيره


11 comments:

بنت القمر said...

هناك صور تزاحم صورة زويل وصورةابراهيم عيسي مثل صورة احمد عز والبقيه
وهناك كثير من الشرفاء والمكافحين ومحبي هذا البلد اللذين لا نعرف اصلا صورهم
مثل الجنود المجهولين
وعلي الضفه الاخري هناك الكثير ممن ابتلعتهم الغربه وطحنهم الفشل والضياع فيها
كل شيئ نسبي ومفيش قانون للفشل ولا ضمان للنجاح
مش كل من سافر بقا زويل ولا كل من قعد دخل سجن ومعتقل
لي خال في كندا من سنوات عنده بيت وفيلا يعني وسيارة ومعاش وشغل مستقر
لووقعدت معااه ها يحكي لك عن معاناه الاغتراب ما يشيب له شعرك
كيف يربي اولاده في مجتمع يكرههم ويطالبهم بالتبروء من اصولهم العربيه الارهابيه
كيف تعاني ابنته ان تعيش كأي بنت مصريه في ظل طوفان فساد واغراءات
لا هي فضلت مصريه ولا بقت كنديه
واذا جم اجازة في الصيف يتصرفوا بطريقه برة وهنا مرفوضين وهناك كمان
يعني لاشيئ بأي ضمان
لا سعاده مطلقه
منقولش ايه ادتنا مصر ده مش كلام اغاني ده واقع
وحقيقي قبل ما نطالبها تنصفنا
تحياتي

رحــــيـل said...

الاغتراب بقدر ماهو حلم لكثيرين- وكنت منهم فى وقت ما -املا فى حياه انظف بكل معنى الكلمه
ولكن عندما ايقنت حقا الروح التى تحدثت عنها عرفت حقا
ان هذا الجو الرائع الدافى مهما كانت عيوبه ايقتنت انه بلا شك
وطن بكل معنى الكلمه

خالص تحياتى وتقديرى

nezoo said...

انا من البلد دي
قلها عادل امام وهو بياكل ديك رومي يترى لو كان بياكل الفول الناتت كان قلها برضه
انا قولتها الشهر اللي فات
اصل اتسرق مني جهاين موبيل ..حتى البسكلته الجديده اتسرقت
عارف؟
انا بكتب التعليق ده وانا قافل على نفسي باب المحل..اصل في حملة مصنفات ماشيه ..والصبح بقفله عشان بتوع الضرايب..
لو كان مصطفى كامل عايش كان قال
لو لم اكن مصريا لوددت ان اكون سودانيا
حسبي الله ونعم الوكيل

Unknown said...

عارف انت السؤال الأخير ده؟

هو اللي بيخليها بلدهم فعلا

البلد مابتروحش بمزاجها
احنا اللي بنسيبهالهم بسبب ما تحجبه عنا تلك الصور

رئيس جمهوريه نفسى said...

انا بتفق مع فنانه احنا الى فرضنا فى حقنا فى البلد وسبناها تروح

Empress appy said...

ليه كده بلادنا حلوة والله بس احنا اللى عاملين فى نفسنا كده صدقنى اقعد وسط الناس وانت تعرف الكرهه اللى جواهم لبعض وده عامل تفكك جوانا وبنضحك على بعض بشعارات كدابه اخر حاجه ربنا يهدلنا نفسنا

Unknown said...

العجيب يا باشا واللي هو مصيبة ف نفس الوقت
ان فاروق جويده بيقول هذي بلاد لم تعد كبلادي

يعني هو شاف وعاش ف بلد تانية كانت غير بتاعة دلوقتي

انما احنا من ساعة ما وعينا وهذه البلاد كبلادي

شوفت المصيبة السوده والمنيلة بنيلة؟؟

احنا اصلاً ما نوعاش غير على العصر المقندل ده

Desert cat said...

هما مين دول اصلا يا فندم
ما هى الناس دى مننا برضه وهما نفسهم اللى عايشين وسطنا
وبيكبروا علينا بايدينا احنا
احنا محتاجين احنا اللى نتغير علشان نقدر نغيرهم
" ان الله لا يغير ما بقوم حتى يغيروا ما بانفسهم "

خلود صلاح said...

فى حد اختفى فى ظروف غامضة ومنعرفش عنه حاجة
وخرج ولم يعد

اذا شفته ابقى سلملى عليه

Anonymous said...

لما كنت فى سنه اولى علوم
دكتور الفيزيا كان بيحكيلنا عن صديقه احمد زويل
بيقوله انت مش ناوى تيجى بلدك بقى
قاله أجى ليه؟
عشان عسكرى مايسواش نكله يبهدلنى فى اشارة المرور؟
ماعنديش حاجه اقولها اكتر من ده

خيرالدين said...

بنت القمر

رحيل

نزيه

فنان فقير

رئيس جمهوريه نفسى

أنونيمس

appy

desertcat

وينكى

خلود صلاح


هى مجرد خواطر وكلمات تلتقطها اذنى كل يوم -بدون ان ارميها-فحاولت ان اكتبها دون تحيز لأى من وجهتى النظر
ارجو ان اكون اقتربت من تحقيق ذلك