Tuesday, January 1, 2008

كيف قضى ولد وحيد ليلة رأس السنه

امانينا تسبق نهانينا...سنه سعيده عليك وعلينا
رساله من خالى ومش عارف ارد لان رصيدى خلص
بين صفحات كتاب البلاغه كنت غرقان فى هذه الليله المباركه ...كلما اتذكر كيف يقضى غيرى هذه اللحظات وانا هنا تنطلق مشاعرالحسد والغيظ مندفعة غصم عنى
فاروق جويده فى العاشره مساء والحلقه للاسف لم تعجبنى سوى فى نهايتها
الاستفزاز على اشده فى نجوم ام ...يعلنون نتائج استفتاء احسن الاغانى فلك ان تتخيل ان اغنية كل ما نقرب لبعض فى المركز الثلاثين واغنية الشاب المجاهد تامر حسنى فى المركز الثالث
اذاعة الاغانى تنوى نقل اذاعة منير من الاوبرا انتظر ممنيا نفسى بالبعد عن حرقة الدم والاستفزاز حتى تعلن المذيعه فشلهم فى نقل الحفل
اقتربت اللحظات الحاسمه أتذكر الرفاق فى تي راديو افتح الكمبيوتر اكتشف ان هناك عطل فنى سيؤخر بدء الارسال
تهانينا تسبق امانينا ...سنه سعيده عليك وعلينا
نفس الرساله من ابن خالتى
يخرب بيت الملل
ـــــــــــــــــــــــــــــــــــــــــــــــ
العنوان مقتبس من اسم ديوان (كيف يقضى ولد وحيد الويك اند)للشاعر ابراهيم السيد

25 comments:

احساس لسه حى said...

عزيزى
كل سنة وانتى طيب وبخير
كثيريين مثلك فى وحدة حتى لو عايشين وسط الاخريين بدون ان نجد من يفهمك انتا فى وحدة
سلام

بنت القمر said...

يوووة في كمان حاجات اكلاشيه
سلال فل وياسمين نهديها لاغلي الغاليين بمناسبه العيد
قبل الحجاج ما تطوف وقبل دبح الخرف جيت اهني بقلب ملهوف
هههههههههههه
اكلاشيه
تالت
هههههههههه
ذيس از لاست تايم يو سي مي
سوري فور وات اي ديد فور يو الاضاء
2007
وكل سنه بس الرقم بيتغير
قصيده جويده منشورة في المصري اليوم
حفل منير حفصه كتبت عنه لانها راحته بص عندها
كل سنه وحضرتك طيب

Empress appy said...

كل سنه وانت طيب

بس اغلبيه الناس زيك انا متحملتش بقى الصداع بتاع التليفزيون نمت من الساعه 10
وتعليق على البوست التانى
دول لما يسيبونا يقرفوا فى مين امال تقول ايه للكليبات بس

weswes said...

الاول كل سنه وانت طيب
عارف بظبط
بس الفرق انىمعيا رصيد والتليفونبتاعى راسه والف جزمه مش يبعت رسايل
وحلقة فاروق جويده كانت سئيله مووت
وانا اصلا بحب انامبدرى وجيتعلى نفسىعلشان اسمع تيت رديوا وتحرقدامى لساعه 12.30
وما فى ولا حس ولاخبر
يلا
ليس كل ما يتمناه المرء يدركه

Unknown said...

طب والله رضا .. مقضيها ف بيتكم ومدفي وآخر تمام

أيه الطمع ده؟؟
:))

خلود صلاح said...

ايام وبنعيشها
هههههههههههههههههههههه
يعنى اشمعنى اليوم دة الى عايزة يبقى مميزواهى البلاغة بردة افضل من الترجمة

هى اخبارها ايه صحيح ؟؟
( البلاغة)


؟؟؟

محمود الدوح said...

كل سنة وانت طيب

وتبطل تتفرج عل التلفزيون عشان مبيجيش من وراة غير وجع القلب

Nani said...

السلام عليكم
احمد ربنا انك كنت تتطلع على التلفزيون
انا روحت من الشغل الساعة 5مساء وعينك وماتشوف الا النور يا حبيبي
بابا بيدهن في البيت جه على بالو يعمل حاجه في الليلة المفترجة
ودقت السنة الجديدة واحنا غايصين في الدهان والتنظيف
احمد ربنا بلاش طمع
:)

loumi said...

كل سنه وإنت طيب
يا ابو حميد ومن غير حرقة دم ولا ملل
:):):)
إحمد ربنا
غيرك كان قاعد فى الشغغغغغغغغل
تحياتي

Doaa Ebrahim Aaql said...

كل سنة وانت طيب
يا جميل
ان شاء الله السنة الجديدة
بلا وحدة
او ألم
أو استفزاز


.
.

دُمت بود

رحــــيـل said...

كل سنه وانت طيب ياحمد

انا شخصيا اى يوم عندى بقى عادى يعنى مش فارق عيد بقى
او ليله راس سنه
حاسه انها مش بقت تفرق كتير


وبعدين فى الوقت ده كتاب البلاغه اهم طبعا من اى حاجه ربنا يوفقك يارب
خالص تحياتى

nezoo said...

هو فيه ايه

maioya said...

ان شاء الله تبقي سعيده عليك وعلينا
الواحد متفاؤل خير بجد الحمدلله
وامانينا تسبق تهانينا وسنه سعيده عليكم وعلينا :D

rainbow said...

امنيات صادقة
غير مكررة
غير مدعومة
تشبه بالتطابق امنياتك الدفينة

اهديها لك بكل صدق

تحياتى

هدى

خيرالدين said...

احساس لسه حى


وانت بألف خير

سعيد جدا بوجودك

خيرالدين said...

بنت القمر

عارفها انا الرسائل المستفزه دى

انا بافرح قوى باختيارك تدويناتى المتواضعه فى مدونتك الجميله

خيرالدين said...

appy

صداع
ملل
استفزاز

ده شعار المرحله

خيرالدين said...

weswes

ربنا يجازيها منى الشاذلى كانت هتكرهنى فى الرجل


ايه رايك فى الاذاعه

الرجاله عاملين شغل جامد

خيرالدين said...

أنونيمس

دفا

لا ملعون ابو الدفا مع المذاكره



خلود صلاح

بتسلم عليك

البلاغه

خيرالدين said...

محمود الدوح

انت عارف لو على قد وجع القلب
كانت تهون


nani


لاده انا طماااااااااااااع قوى

خيرالدين said...

loumi


وانت طيبه يا جميل


شغل وكمان ممل ده يبقى كتير قوى يا لومى



دودو

عوده أسعدتنى بعد غياب طال

كل لحظه وانت سعيده

خيرالدين said...

ra7eel

ساره
فلتسقط البلاغه


nezoo


انت جيت متأخر

خيرالدين said...

may


قلبى عندك فى اللى حصل للمدونه

مقبوله منك



هدى

ربنا يخليك ليا يا هدى

Desert cat said...

مش معاك رصيد وعايز تبعت رسايل بسيطة جدا
ادخل اعمل اكونت فى موقع
link0777
وليك 3 رسايل كل يوم وبتظهر برقم تليفونك وكانها من موبايلك مش من على النت
هات ربع جنيه بقى حليت لك مشكلة الرسايل من غير رصيد
كل سنة وانت طيب

hoda omran said...

أمانينا تسبق تهانينا
سنة سعيدة عليك وعلينا
p: