Thursday, December 20, 2007

لا أعرف

اكتب هذا وصوت المطر يتسلل للداخل
فى الاعوام السابقه كنت متعصبا لحب الشتاء
اعدد اسباب ذلك الحب لأصدقائى
مشاعرى الان مختلفه
لم أعد احب ان ارى قطرات المطر
قال لى احد اصدقائى
حيرتنا معاك
لا اعرف السبب
ربما لاننى اصبحت الان وحيدا
لم اعد اتصل بك
العام الماضى كنت اخبرك انى اكلمك والمطر يملا الشوارع
وادعو الله ان تصير الدنيا احسن
تردي الدعوه بان يأتى الشتاء القادم ونحن معا
ربما لاننى متقلب
احببته العام الماضى
وتهربت منه هذا العام
او لاننا لسنا معا
آسف على السيرياليه

18 comments:

خلود صلاح said...

احمد
كل سنة وانت طيب
بس

رحــــيـل said...

احمد
كل سنه وانت طيب ده اولا
ثانيا فعلا ذكرياتنا بتكون مرتبطه دايما بحدث معين
فاحساسنا بالاشياء من حولنا بتختلف بأختلاف الاحداث
ليك عندى تاج متزوغش منه
خالص تحياتى

Desert cat said...

كل سنة وانت طيب
انا حاسه ان مشاعرك دائما متقلبة
انا بالنسبة لى باعشق الشتاء وبموت فى لحظات المطر
ربنا يجمعك باصدقائك
ممكن تكون كرهت الشتاء فعلا علشان صاحبك بعيد عنك
تحياتى

Unknown said...

للأسف دايما في حاجات حلوة كتير في حياتنا بنحاول ننساها أو بتتغير نظرتنا ليها لأنها بتكون مرتبطة معانا بأشياء وأشخاص وأحداث معينة

تنبهت منذ فترة الي كوني لم أعد أسمع منير بشكل كاف كعادتي السابقة
ربما لأنه يعيد بداخلي ذكريات ربما مؤلمة ولكن الأكيد أنها لأحداث رحلت ولن تعود

ربما هذا هو السبب

كل سنة وانت طيب....حاول أن تتخطي تلك المرحلة فالعمر هو طريق قصير جدا أقصر من أن نضيعه في ذكريات


تحياتي يا أحمد وابقي طل علينا كدة ناسينا خالص

:$

محمود الدوح said...

زى الافلام الاجنبى
بيحبوا حاجة عشان موقف معين
ولما يخلص
يخلص الحب

شكرا على التدوينة

Anonymous said...

على كده الواحد لو حب واحده لمدة سنه هيمر عليه اربع فصول..يبقى كده هيكره الصيف والشتى والاماكن والحريم والبوس لو كان موجود واي حاجه حواليه ..يبقى هنتعقد من حياتنا كلها طب ليه منفتكرش الحلو بس
ونعتبرها تجربه وعدت ومش هتكون التجربه الاخيره ولا نهاية العالم اما بالنسبه للشتا فهو اجمل فصول السنه لانه بيغسل حاجات كتير وفي النهايه اهديلك اغنيه فيروز حبيتك بالصيف

yasmina said...

كنت وما زلت اعشق المطر
ليس لحدث او لصورة ما ولكن
لانه يغسل الدنيا من
همومها
سيئاتهها
الامها
وحتى مسراتها
وافراحها

يعوضني عن البكاء بدموع كالمطر

Nani said...

السلام عليكم
كل سنة وانت طيب
انا من انصار الشتاء حتى لما ببقى وحيدة
:)

weswes said...

انا بحب الشتا رغم اللى كان بيحببنى فى هو انى كنت بقعد انم انا واصحابى جوه الفصل واحنا قاعدين اربعه فى دكه واحده علشان ندفى بعض ونضحك من قلوب صافيه
ورغم ان كل ده غاب الا انى لسه بحبه برضوا لانى بفتكرهم فيه

مروة الزارع said...

عارف انا ساعات بحس بنفس التقلب دة

بس انا بحب الشتا جداااااااااااااا كمان

حاسة بيك اوى على فكرة

كل سنة وانت طيب وسنة جديدة سعيدة

خيرالدين said...

خلود صلاح

وانت طيبه



ساره

اظن انى هازوغ

خيرالدين said...

desert cat

برافو

احسنت
انا فعلا متقلب


فنان فقير

فهمتى اللى انا اقصده يا سالى
انا مش من النوع اللى الذكريات بتوقفه اكت من اللازم
وده اللى قالقنى

خيرالدين said...

محمود الدوح


ياريتنا زيهم


محمد نزيه
منور يابرنس
كله الا البوس

خيرالدين said...

yasmina

ربنا يديم رقتك ونقائك يا ياسمين



nani

كل الناس الرقيقه كذلك

خيرالدين said...

weswes

عارفه
باحس انه كئيب
لكن بأحبه

مع انى باكره الكآبه موت


مروه الزارع

والله التقلب ده مصيبه يا مروه

شكرا على كلامك الرقيق

Anonymous said...

انا قرات البوست اول ما نزل وفضلت ادخل كل يوم واشوف التعليقات وكنت منتظره ردك عليها
الحقيقه ان اللي بتقول عليه بجد بعاني منه يمكن حسيت بكلامك اووي علشان كده
كنت بحب الشتاء وبحس فيه بالدفي بس هو كان سبب الدفي
كنت بحب الشتاء وكنت بحس ان فيه التفائل والنور والامل الكبير في بكره
خصوصا واحنا بندعي والمطره نزله
دلوقتي انا متتخيلش قد ايه كره الشتاء حتي المطر كنت بعشقه بجد
دلوقتي شايفاه كابه وغيوم
شايفه انه مليان هموم وشجن
بس انا اتعودت علي الجو دا بعد معانه
الاشخاص هما اللي بيحلوا الكون في عنينا
الحياه ليست خيرا دائم

خيرالدين said...

الحياه ابسط من كده


اولا الاسم جميل جدا

ثانيا انا فى قمة السعاده انك مهمته بالكلام اللى انا باكتبه ودخولك اكثر من مره شرف ليا

ثالثا

كلامك عن ان الاشخاص او الاحداث هى سبب حبنا او كرهنا لاماكن او اوقات معينه صحيح الى حد كبير
منظر الغروب فضلت اوقات كتير اكرهه واشوفه كئيب ومع ذلك متاكد انى ممكن وجهة نظرى دى تتغير

المكتبه اللى كنت باقضى فيها اغلب وقتى بقيت مخنوق وانا ماشى فيها
ربما يكون تقلبا

لا اعرف فعلا

شكرا لك

قصاقيص said...

علي فكرة انا بموووووووووووووووووت في الشتا رغم ان كل بداياتي كانت معاه وبرضو كل نهاياتي كانت فيه
الاعجب اني حبيت اغنيه اليسا" اواخر الشتا اوي" وسمعتها وانا بضحك من غير عياط
..................
علي فكرة البوست ده معمول يوم عيد ميلادي
ولازم الدنيا تحتفل بيه كل سنه بعلقة شتا تحفه